ਹਠੂਰ,10,ਮਈ-(ਕੌਸ਼ਲ ਮੱਲ੍ਹਾ)-ਰਾਤ ਸਮੇਂ ਸੜਕ ਤੇ ਪ੍ਰੀਮਿਕਸ ਪਾਉਣ ਦਾ ਪਿੰਡ ਮੱਲ੍ਹਾ ਵਾਸੀਆ ਵੱਲੋ ਵਿਰੋਧ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਗੱਲਬਾਤ ਕਰਦਿਆ ਯੂਥ ਆਗੂ ਗਗਨਦੀਪ ਸਿੰਘ ਸਿੱਧੂ,ਅਵਤਾਰ ਸਿੰਘ,ਅਕਾਲੀ ਆਗੂ ਕੁਲਜੀਤ ਸਿੰਘ ਸਿੱਧੂ ਅਤੇ ਮੱਖਣ ਸਿੰਘ ਨੇ ਦੱਸਿਆ ਕਿ ਪਿੰਡ ਮੱਲ੍ਹਾ ਦੇ ਡਾਕਘਰ ਵਾਲੀ ਲੰਿਕ ਸੜਕ ਜਿਸ ਦੇ ਨਿਰਮਾਣ ਦਾ ਕੰਮ ਪਿਛਲੇ ਇੱਕ ਸਾਲ ਤੋ ਕੀੜੀ ਦੀ ਤੋਰ ਚੱਲ ਰਿਹਾ ਹੈ ਬੀਤੀ ਰਾਤ ਲੰਿਕ ਸੜਕ ਦੀ ਬਿਨਾ ਸਫਾਈ ਕੀਤੇ ਸੜਕ ਤੇ ਪ੍ਰੀਮਿਕਸ ਪਾਇਆ ਜਾ ਰਿਹਾ ਸੀ ਪਰ ਠੇਦੇਦਾਰ ਵੱਲੋ ਸੜਕ ਦਾ ਕੋਈ ਤਸੱਲੀਬਖਸ ਕੰਮ ਨਾ ਕਰਨ ਤੇ ਅਸੀ ਪ੍ਰੀਮਿਕਸ ਪਾਉਣ ਵਾਲੀਆ ਮਸੀਨਾ ਰੋਕ ਦਿੱਤੀਆ ਅਤੇ ਕੰਮ ਕਰ ਰਹੀ ਲੇਬਰ ਨੂੰ ਦਿਨ ਸਮੇਂ ਪ੍ਰੀਮਿਕਸ ਪਾਉਣ ਦੀ ਮੰਗ ਕੀਤੀ।ਉਨ੍ਹਾ ਦੱਸਿਆ ਕਿ ਇਹ ਲੰਿਕ ਸੜਕ ਪਿਛਲੇ ਲੰਮੇ ਸਮੇਂ ਤੋ ਬੁਰੀ ਤਰ੍ਹਾ ਟੁੱਟੀ ਚੁੱਕੀ ਸੀ।ਉਨ੍ਹਾ ਸਬੰਧਤ ਮਹਿਕਮੇ ਤੋ ਮੰਗ ਕੀਤੀ ਕਿ ਸੜਕ ਦੇ ਕਿਨਾਰਿਆ ਤੇ ਇੱਟਾ ਲਾਈਆ ਜਾਣ,ਸੜਕ ਦਾ ਲੈਬਲ ਬਰਾਬਰ ਰੱਖਿਆ ਜਾਵੇ ਅਤੇ ਸੜਕ ਦੀ ਸਫਾਈ ਕਰਕੇ ਸੜਕ ਤੇ ਪ੍ਰੀਮਿਕਸ ਪਾਇਆ ਜਾਵੇ।ਉਨ੍ਹਾ ਕਿਹਾ ਕਿ ਸੜਕ ਦੀ ਉੱਚ ਪੱਧਰੀ ਜਾਚ ਲਈ ਅਸੀ ਹਲਕਾ ਵਿਧਾਇਕ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਨੂੰ ਵੀ ਮੰਗ ਪੱਤਰ ਦੇਵਾਗੇ।ਇਸ ਮੌਕੇ ਉਨ੍ਹਾ ਨਾਲ ਮਹਿੰਦਰ ਸਿੰਘ,ਡਾ:ਜਗਰੂਪ ਸਿੰਘ,ਗਗਨਾ ਮੱਲ੍ਹਾ,ਜਗਦੀਪ ਸਿੰਘ,ਪਵਨਦੀਪ ਸਿੰਘ,ਗੈਰੀ ਮੱਲ੍ਹਾ,ਬਿੱਟੂ ਮੱਲ੍ਹਾ,ਨਰਇੰਦਰਪਾਲ ਸਿੰਘ,ਜਰਨੈਲ ਸਿੰਘ,ਬਲਦੀਪ ਸਿੰਘ,ਹੀਰਾ ਸਿੰਘ ਆਦਿ ਹਾਜ਼ਰ ਸਨ।ਇਸ ਸਬੰਧੀ ਜਦੋ ਠੇਕੇਦਾਰ ਭਗਵਾਨ ਦਾਸ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਸੜਕ ਦੀ ਸਫਾਈ ਲਈ ਲੇਬਰ ਲਾ ਦਿੱਤੀ ਹੈ,ਜਦੋ ਪਿੰਡ ਵਾਸੀਆ ਦੀ ਤਸੱਲੀ ਹੋਵੇਗੀ ਉਦੋ ਹੀ ਸੜਕ ਤੇ ਪ੍ਰੀਮਿਕਸ ਪਾਇਆ ਜਾਵੇਗਾ ।
