ਜਗਰਾਉ 30 ਮਾਰਚ (ਅਮਿਤ ਖੰਨਾ)ਸਵਾਮੀ ਰੂਪ ਚੰਦ ਜੈਨ ਸਕੂਲ ਨੇ ਬਾਰ੍ਹਵੀਂ ਜਮਾਤ ਦੀ ਫੇਅਰਵੈੱਲ ਨੂੰ ਬੱਚਿਆਂ ਲਈ ਇਕ ਅਭੁੱਲ ਯਾਦ ਬਣਾਉਣ ਲਈ ਸ਼ਹਿਰ ਦੇ ਮਸ਼ਹੂਰ ਮੈਰਿਜ ਪੈਲੇਸ ਸੈਲੀਬ੍ਰੇਸ਼ਨ ਰਿਜੈਂਸੀ ਵਿਚ ਬਹੁਤ ਸ਼ਾਨਦਾਰ ਪਾਰਟੀ ਦਿੱਤੀ। ਪਾਰਟੀ ਵਿੱਚ ਨਾਸ਼ਤੇ ਅਤੇ ਲੰਚ ਦੇ ਅਣਗਿਣਤ ਪਕਵਾਨਾਂ ਤੋਂ ਇਲਾਵਾ ਮੁੰਡੇ ਅਤੇ ਕੁੜੀਆਂ ਦੇ ਨੱਚਣ ਲਈ ਅਲੱਗ ਅਲੱਗ ਡਾਂਸਿੰਗ ਫਲੋਰ ਦਾ ਪ੍ਰਬੰਧ ਕੀਤਾ ਗਿਆ । ਪਾਰਟੀ ਦੀ ਸ਼ੁਰੂਆਤ ਕੇਕ ਕੱਟ ਕੇ ਕੀਤੀ ਗਈ ਗਿਆਰ੍ਹਵੀਂ ਅਤੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਵੱਲੋਂ ਤਿਆਰ ਕੀਤੇ ਡਾਂਸ ਸਕਿੱਟ ਕਵਿਤਾਵਾਂ ਅਤੇ ਗੀਤਾਂ ਨੇ ਪਾਰਟੀ ਨੂੰ ਹੋਰ ਚਾਰ ਚੰਨ ਲਗਾ ਦਿੱਤੇ । ਇਸ ਮੌਕੇ ਤੇ ਮਿਸ ਫੇਅਰਵੈੱਲ ਅਤੇ ਮਿਸਟਰ ਫੇਅਰਵੈੱਲ ਵੀ ਚੁਣੇ ਗਏ ਜਿਨ੍ਹਾਂ ਨੂੰ ਪ੍ਰਿੰਸੀਪਲ ਸ੍ਰੀਮਤੀ ਰਾਜਪਾਲ ਕੌਰ ਨੇ ਤਾਜ ਪਹਿਨਾ ਕੇ ਸਨਮਾਨਿਤ ਕੀਤਾ ਸਕੂਲ ਦੇ ਪੂਰੇ ਸਮੇਂ ਤੱਕ ਚੱਲੀ ਇਸ ਪਾਰਟੀ ਵਿਚ ਬੱਚਿਆਂ ਨੇ ਖੂਬ ਆਨੰਦ ਮਾਣਿਆ ਪਾਰਟੀ ਦੇ ਅੰਤਮ ਚਰਨ ਤੇ ਬੱਚਿਆਂ ਨੇ ਭਾਵੁਕ ਹੋ ਕੇ ਸਕੂਲ ਲਈ ਮੋਹ ਭਿੱਜੀ ਵਿਦਾਈ ਦੇ ਗੀਤ ਗਾਏ । ਪ੍ਰਿੰਸੀਪਲ ਸ੍ਰੀਮਤੀ ਰਾਜਪਾਲ ਕੌਰ ਨੇ ਬੱਚਿਆਂ ਨੂੰ ਉਨ੍ਹਾਂ ਦੇ ਚੰਗੇ ਨਤੀਜਿਆਂ ਅਤੇ ਉੱਜਲ ਭਵਿੱਖ ਲਈ ਅਸੀਸਾਂ ਦਿੱਤੀਆਂ । ਉਨ੍ਹਾਂ ਦੱਸਿਆ ਉਨ੍ਹਾਂ ਨੂੰ ਆਪਣੇ ਅਨੁਸਾਸ਼ਿਤ ਬੱਚਿਆਂ ਉੱਤੇ ਮਾਣ ਹੈ ਜਿਨ੍ਹਾਂ ਸਦਕਾ ਇਹ ਪਾਰਟੀ ਸਫ਼ਲ ਰਹੀ ਹੈ ਨਾਲ ਹੀ ਉਨ੍ਹਾਂ ਆਪਣੇ ਆਦਰਯੋਗ ਮੈਨੇਜਮੈਂਟ ਮੈਂਬਰਾਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਦੇ ਸਹਿਯੋਗ ਨਾਲ ਉਹ ਸਦਾ ਹਰ ਈਵੈਂਟ ਸਫ਼ਲਤਾ ਪੂਰਨ ਨੇਪਰੇ ਚੜ੍ਹਾਉਂਦੇ ਰਹੇ ਹਨ । ਇਹੀ ਕਾਰਨ ਹੈ ਕਿ ਸੈਲੀਬ੍ਰੇਸ਼ਨ ਰਿਜੈਂਸੀ ਵਿਚ ਹੋਈ ਇਸ ਸ਼ਾਨਦਾਰ ਪਾਰਟੀ ਦੀ ਅੱਜ ਸ਼ਹਿਰ ਵਿੱਚ ਖੂਬ ਚਰਚਾ ਹੋ ਰਹੀ ਹੈ
