ਮੁੱਲਾਂਪੁਰ ਦਾਖਾ 28 ਮਾਰਚ ( ਸਤਵਿੰਦਰ ਸਿੰਘ ਗਿੱਲ) ਦਸਮੇਸ਼ ਪਿਤਾ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਜੀ ਦੀ ਚਰਨ ਛੋਹ ਪ੍ਰਾਪਤ ਧਰਤੀ, ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਮਾਰਗ ਤੇ ਸਥਿਤ ਪਿੰਡ ਜੋਧਾਂ (ਲੁਧਿ:) ਵਿਖੇ ਐਨ ਆਰ ਆਈ ਭਰਾਵਾਂ ਅਤੇ ਨਗਰ ਦੇ ਸਹਿਯੋਗ ਨਾਲ ਪੰਜ ਦਿਨਾ ਸ਼ਾਨਦਾਰ ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ ਗਿਆ ਸ਼ੁਰੂਆਤੀ ਦਿਨਾਂ ਵਿੱਚ ਪੂਲ ਬਣਾ ਕੇ ਮੈਚ ਕਰਵਾਏ ਗਏ,ਉਪਰੰਤ ਆਖ਼ਰੀ ਦਿਨ ਪਿੰਡ ਡਾਲਾ ਅਤੇ ਨੂਰਪੁਰ ਬੇਟ ਪਿੰਡ ਦੀਆਂ ਕ੍ਰਿਕਟ ਟੀਮਾਂ ਵਿਚਕਾਰ ਫਾਈਨਲ ਖੇਡਿਆ ਗਿਆ। ਖੇਡੇ ਗਏ ਰੋਮਾਂਚਕ ਮੈਚ ਜੋ ਕਿ ਆਖ਼ਰੀ ਬਾਲ ਤਕ ਸਮਾਪਤ ਹੋਇਆ ਵਿਚ ਡਾਲਾ ਪਿੰਡ ਦੀ ਕ੍ਰਿਕਟ ਟੀਮ ਕੱਪ ਦੀ ਜੇਤੂ ਰਹੀ।ਐੱਨ ਆਰ ਆਈ ਵੀਰਾਂ ਅਤੇ ਪਤਵੰਤੇ ਸੱਜਣਾਂ ਵੱਲੋਂ ਖਿਡਾਰੀਆਂ ਦੇ ਮਾਣ ਸਨਮਾਨ ਲਈ ਨੋਟਾਂ ਦੀ ਬਰਸਾਤ ਪਹਿਲੇ ਤੋਂ ਆਖ਼ਰੀ ਦਿਨ ਤਕ ਹੁੰਦੀ ਰਹੀ।ਟੂਰਨਾਮੈਂਟ ਦੌਰਾਨ ਵੱਖ ਵੱਖ ਸ਼ਖ਼ਸੀਅਤਾਂ ਵੱਲੋਂ ਸ਼ਮੂਲੀਅਤ ਕੀਤੀ ਗਈ।ਆਖ਼ਰੀ ਦਿਨ ਸੇਵਾ ਟਰੱਸਟ ਯੂ ਕੇ ਵੱਲੋਂ ਕੀਤਾ ਗਿਆ ਸਲਾਹੁਣਯੋਗ ਕਦਮ ਖਿੱਚ ਦਾ ਕੇਂਦਰ ਰਿਹਾ।ਸੇਵਾ ਟਰੱਸਟ ਯੂ ਕੇ ਵੱਲੋਂ ਖਿਡਾਰੀਆਂ ਅਤੇ ਦਰਸ਼ਕਾਂ ਦੇ ਠਾਠਾਂ ਮਾਰਦੇ ਇਕੱਠ ਲਈ ਸਵੇਰ ਤੋਂ ਸ਼ਾਮ ਤਕ ਡਾਵਰ ਰੀਅਲ ਜੂਸ ਦਾ ਲੰਗਰ ਅਤੁੱਟ ਵਰਤਾਇਆ ਗਿਆ ਅਤੇਇਨਾਮ ਵੰਡ ਸਮਾਰੋਹ ਸਮੇ ਖਿਡਾਰੀਆਂ ਨੂੰ ਡਾਬਰ ਰੀਅਲ ਜੂਸ, ਡਾਬਰ ਹਨੀ ਡਾਬਰ ਕਾੜ੍ਹਾ ਇਮਿਊਨਿਟੀ ਬੂਸਟਰ ਸਨਮਾਨ ਵਜੋਂ ਵੀ ਦਿੱਤਾ ਗਿਆ। ਜੋਧਾਂ ਕ੍ਰਿਕਟ ਕਮੇਟੀ ਵੱਲੋਂ ਸੇਵਾ ਟਰੱਸਟ ਯੂ ਕੇ ਅਤੇ ਇਸ ਦੀ ਮੈਨੇਜਮੈਂਟ ਕਰ ਲਈ ਕੁਲਵੰਤ ਸਿੰਘ ਬੜੂੰਦੀ ਦਾ ਵਿਸ਼ੇਸ਼ ਧੰਨਵਾਦ ਅਤੇ ਸਨਮਾਨ ਕੀਤਾ ਗਿਆ।ਇਸ ਮੌਕੇ ਗੁਰਜੀਤ ਜੋਧਾ, ਰਾਜਾ ਜੋਧਾਂ,ਸੇਵਾ ਟਰੱਸਟ ਯੂ ਕੇ ਵੱਲੋਂ ਕੁਲਵੰਤ ਸਿੰਘ ਬੜੂੰਦੀ, ਹਰਪ੍ਰੀਤ ਜੋਧਾਂ, ਜੱਸਾ ਜੋਧਾਂ, ਗੱਗੀ ਜੋਧਾਂ ਆਦਿ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਰਹੇ।
