ਹਠੂਰ 22 ਜੂਨ (ਨਛੱਤਰ ਸੰਧੂ)ਕਿਸਾਨਾ ਨੂੰ ਝੋਨੇ ਦੀ ਲਵਾਈ ਲਈ ਨਹਿਰੀ ਪਾਣੀ ਅਤੇ ਬਿਜਲੀ ਦੀ ਬਹੁਤ ਲੋੜ ਹੈ,ਪਰ ਸਰਕਾਰ ਆਪਣੇ ਕਿਸਾਨਾ ਨੂੰ ਪਾਣੀ ਪੂਰਾ ਦੇਣ ਦੀ ਬਜਾਏ ਪਾਕਿਸਤਾਨ ਵੱਲ ਪਾਣੀ ਛੱਡ ਰਹੀ ਹੈ ਜਦੋ ਕਿ ਪੰਜਾਬ ਦੇ ਕਿਸਾਨਾ ਨੂੰ ਹੀ ਪੂਰਾ ਪਾਣੀ ਨਹੀ ਮਿਲ ਰਿਹਾ ਤਾ ਫਿਰ ਗੁਆਢੀ ਦੇਸ ਨੂੰ ਪਾਣੀ ਕਿਉ ਦਿੱਤਾ ਜਾਦਾ ਹੈ।ਇਨ੍ਹਾਂ ਸਬਦਾ ਦਾ ਪ੍ਰਗਟਾਵਾ ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਸਰਕਲ ਜਗਰਾਓ ਦੇ ਪ੍ਰਧਾਨ ਹਰਬੰਸ ਸਿੰਘ ਦੇਹੜਕਾ ਅਤੇ ਹਲਕਾ ਰਾਏਕੋਟ ਦੇ ਪ੍ਰਧਾਂਨ ਅਜੈਬ ਸਿੰਘ ਰੂਪਾ ਪੱਤੀ ਨੇ ਅੱਜ ਹਠੂਰ ਵਿਖੇ ਇੱਕ ਪ੍ਰੈਸ ਮਿਲਣੀ ਦੌਰਾਨ ਕੀਤਾ।ਉਕਤ ਆਗੂਆ ਨੇ ਪੰਜਾਬ ਸਰਕਾਰ ਨੂੰ ਕਿਹਾ ਕਿ ਕਿਸਾਨਾ ਨੂੰ ਟੇਲ ਤੱਕ ਪੂਰਾ ਪਾਣੀ ਦਿੱਤਾ ਜਾਵੇ,ਨਰਮਾ ਬੀਜਣ ਵਾਲੇ ਕਿਸਾਨਾ ਨੂੰ ਸਬਸਿਡੀ ਦਿੱਤੀ ਜਾਵੇ,ਨਕਲੀ ਖਾਦਾ ਤੇ ਸਪਰੇਆ ਵੇਚਣ ਵਾਲਿਆ ਤੇ ਸਖਤ ਨਜਰ ਰੱਖੀ ਜਾਵੇ।ਅਖੀਰ ਵਿੱਚ ਉਕਤ ਆਗੂਆ ਨੇ ਇਹ ਵੀ ਕਿਹਾ ਕਿ ਹਲਕੇ ਅੰਦਰ ਚਿੱਟੇ ਅਤੇ ਹੋਰ ਮਾਰੂ ਨਸਿਆ ਦੇ ਸੌਦਾਗਰਾ ਨੂੰ ਨੱਥ ਪਾਈ ਜਾਵੇ
