ਹਠੂਰ,16,ਫਰਵਰੀ-(ਕੌਸ਼ਲ ਮੱਲ੍ਹਾ)-ਵਿਧਾਨ ਸਭਾ ਹਲਕਾ ਜਗਰਾਓ ਤੋ ਭਾਜਪਾ ਦੇ ਉਮੀਦਵਾਰ ਕੰਵਲ ਨਰਿੰਦਰ ਸਿੰਘ ਦੇ ਹੱਕ ਵਿਚ ਅੱਜ ਭਾਰਤ ਦੇ ਰਾਸਟਰਪਤੀ ਤੋ ਸਨਮਾਨੇ ਹੋਏ ਪੰਚਾਇਤ ਯੂਨੀਅਨ ਦੇ ਸਾਬਕਾ ਜਿਲ੍ਹਾ ਪ੍ਰਧਾਨ ਕੈਪਟਨ ਬਲੌਰ ਸਿੰਘ ਭੰਮੀਪੁਰਾ ਕਲਾਂ ਨੇ ਘਰ-ਘਰ ਜਾ ਕੇ ਹਲਕੇ ਦੇ ਵੋਟਰਾਂ ਤੋ ਵੋਟਾਂ ਮੰਗੀਆਂ।ਉਨ੍ਹਾ ਕਿਹਾ ਕਿ ਜਦੋ ਤੋ ਸਫਾਈ ਕਰਮਚਾਰੀ ਕਮਿਸ਼ਨ ਪੰਜਾਬ ਦੇ ਚੇਅਰਮੈਨ ਗੇਜਾ ਰਾਮ ਅਤੇ ਕਾਂਗਰਸ ਦੇ ਕੌਮਾਂਤਰੀ ਕੌਆਰਡੀਨੇਟਰ ਅਵਤਾਰ ਸਿੰਘ ਚੀਮਨਾ ਆਪਣੇ ਹਜਾਰਾ ਸਾਥੀਆ ਸਮੇਂਤ ਭਾਜਪਾ ਵਿਚ ਸਾਮਲ ਹੋਏ ਹਨ ਤਾਂ ਕੰਵਲ ਨਰਿੰਦਰ ਸਿੰਘ ਦੀ ਜਿੱਤਾ ਯਕੀਨੀ ਬਣ ਚੁੱਕੀ ਹੈ।ਉਨ੍ਹਾ ਕਿਹਾ ਕਿ ਕੰਵਲ ਨਰਿੰਦਰ ਸਿੰਘ ਇੱਕ ਸਾਫ-ਸੁਥਰੇ ਅਕਸ ਵਾਲੇ ਉਮੀਦਵਾਰ ਹਨ ਜੋ ਹਰ ਵੋਟਰ ਨੂੰ ਨੇੜੇ ਤੋ ਜਾਣਦੇ ਹਨ।ਇਸ ਮੌਕੇ ਉਨ੍ਹਾ ਨਾਲ ਅੰਤਰਰਾਸਟਰੀ ਕਬੱਡੀ ਖਿਡਾਰੀ ਜਸਵਿੰਦਰ ਸਿੰਘ ਹਾਂਸ,ਗੋਰੀ ਭੰਮੀਪੁਰਾ,ਰਵੀ ਸਿੰਘ,ਰਾਜੂ ਸਿੰਘ ਆਦਿ ਹਾਜਰ ਸਨ।
ਫੋਟੋ ਕੈਪਸਨ:- ਕੈਪਟਨ ਬਲੌਰ ਸਿੰਘ ਭੰਮੀਪੁਰਾ ਕਲਾਂ ਘਰ-ਘਰ ਜਾ ਕੇ ਵੋਟਾ ਮੰਗਦੇ ਹੋਏ
