ਜਗਰਾਓਂ 15 ਦਸੰਬਰ (ਅਮਿਤ ਖੰਨਾ) ਸੋਮਵਾਰ ਨੂੰ ਵਿਸ਼ੇਸ਼ ਤੌਰ ਤੇ ਪੰਜਾਬ ਦੌਰੇ ਤੇ ਪਹੁੰਚੇ ਭਾਰਤ ਦੇ ਸਾਬਕਾ ਰਾਜ ਮੰਤਰੀ (ਵਿੱਤ ਮੰਤਰਾਲਾ) ਸ਼੍ਰੀ ਜੇਸੂਦੇਸੂ ਸੀਲਾਮ ਜੀ ਦਾ ਸੁਆਗਤ ਸ੍ਰੀ ਗੇਜਾ ਰਾਮ ਚੇਅਰਮੈਨ ਸਫਾਈ ਕਰਮਚਾਰੀ ਕਮਿਸ਼ਨ ਪੰਜਾਬ ਅਤੇ ਰਾਜਨ ਸ਼ਰਮਾ ਸੀਨੀਅਰ ਕਾਂਗਰਸੀ ਆਗੂ ਨੇ ਚੰਡੀਗੜ੍ਹ ਏਅਰਪੋਰਟ ਤੇ ਕੀਤਾ। ਸ਼੍ਰੀ ਜੇਸੁਦਸੁ ਸੀਲਾਮ ਪੰਜਾਬ ਵਿੱਚ ਦੋ ਦਿਨ ਦੇ ਦੌਰੇ ਲਈ ਆਏ ਸਨ। ਇਸ ਮੌਕੇ ਸ਼੍ਰੀ ਜੇਸੁਦਸੁ ਸੀਲਾਮ ਅਤੇ ਚੇਅਰਮੈਨ ਗੇਜਾ ਰਾਮ ਵਿਚ ਹੋਈ ਗੱਲਬਾਤ ਦੌਰਾਨ ਚੇਅਰਮੈਨ ਨੇ ਆਪਣੇ ਸਮਾਜ ਦੇ ਲੋਕਾਂ ਦੇ ਹਾਲਾਤਾਂ ਬਾਰੇ ਚਰਚਾ ਕੀਤੀ ਅਤੇ ਜੋ ਮੁਸ਼ਕਿਲਾਂ ਸਮਾਜ ਦੇ ਲੋਕਾਂ ਨੂੰ ਆ ਰਹੀਆਂ ਹਨ ਉਸ ਤੋਂ ਜਾਣੂ ਕਰਵਾਇਆ ਅਤੇ ਆ ਰਹੀ ਮੁਸ਼ਕਿਲਾਂ ਦਾ ਸਮਾਧਾਨ ਕਰਨ ਲਈ ਕਿਹਾ। ਸ਼੍ਰੀ ਜੇਸੁਦਸੁ ਸੀਲਾਮ ਨੇ ਕਈ ਅਹਿਮ ਮੁੱਦਿਆਂ ਲਈ ਆਲ ਇੰਡੀਆ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਸ਼੍ਰੀ ਮਤੀ ਸੋਨੀਆ ਗਾਂਧੀ ਜੀ ਦੇ ਨਿਰਦੇਸ਼ ਤੇ ਮੁੱਖ ਮੰਤਰੀ ਪੰਜਾਬ ਨਾਲ ਵੀ ਮੀਟਿੰਗ ਕੀਤੀ।
