ਲੁਧਿਆਣਾ

ਹਠੂਰ,20,ਅਪ੍ਰੈਲ-(ਕੌਸ਼ਲ ਮੱਲ੍ਹਾ)-ਅੱਜ ਦੇ ਸਮੇਂ ਜਿਥੇ ਐਨ ਆਰ ਆਈ ਪਰਿਵਾਰ ਆਪਣੇ ਧੀਆ ਪੁੱਤਰਾ ਦੇ ਵਿਆਹ ਸਮੇਂ ਫੋਕੀ ਸੌਹਰਤ ਕਮਾਉਣ ਲਈ ਲੱਖਾ ਰੁਪਏ ਦਾਜ ਦਹੇਜ ਅਤੇ ਖਾਣ-ਪੀਣ ਦੀਆ ਵਸਤਾ ਤੇ ਬਰਬਾਦ ਕਰ ਰਹੇ ਹਨ।ਉਥੇ ਕੁਝ ਬੁੱਧੀ ਜੀਵੀ ਲੋਕ ਆਪਣੇ ਲੜਕੇ-ਲੜਕੀਆ ਦੇ ਵਿਆਹ ਸਾਦੇ ਢੰਗ ਨਾਲ ਕਰਨ ਨੂੰ ਪਹਿਲਾ ਦਿੰਦੇ ਹਨ ਅਜਿਹਾ ਹੀ ਵਿਆਹ ਅੱਜ ਪਿੰਡ ਮਾਣੂੰਕੇ ਵਿਖੇ ਦੇਖਣ ਨੂੰ ਮਿਿਲਆ।ਜਿਥੇ ਹਰਦਿਆਲ ਸਿੰਘ ਲਿੱਟ ਪਿੰਡ ਸਹੌਲੀ ਦਾ ਲੜਕਾ ਰੁਪਿੰਦਰ ਸਿੰਘ ਲਿੱਟ ਜੋ ਜਗਦੀਪ ਸਿੰਘ ਭੁੱਲਰ ਦੀ ਧੀ ਪਰਦੀਪ ਕੌਰ ਨੂੰ ਵਿਆਹੁਣ ਲਈ ਪਿੰਡ ਮਾਣੂੰਕੇ ਵਿਖੇ ਪਹੁੰਚਾ ਸੀ।ਇਸ ਮੌਕੇ ਵਿਆਹ ਵਾਲੀ ਜੋੜੀ ਨੇ ਪੰਜਾਬੀ ਪਹਿਰਾਵੇ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੱਗੇ ਲਾਵਾ ਲਈਆ।ਇਸ ਮੌਕੇ ਲਾੜੇ ਦੇ ਪਿਤਾ ਹਰਦਿਆਲ ਸਿੰਘ ਲਿੱਟ ਨੇ ਕਿਹਾ ਕਿ ਸਾਡੀ ਮੁੱਖ ਮੰਗ ਸੀ ਕਿ ਲੜਕੀ ਪੜ੍ਹੀ ਲਿਖੀ ਹੋਣੀ ਚਾਹੀਦੀ ਹੈ,ਅਸੀ ਦਾਜ ਦਹੇਜ ਦੇ ਸਖਤ ਖਿਲਾਫ ਹਾਂ।ਅੱਜ ਅਸੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਸੁਕਰਾਨਾ ਕਰਦੇ ਹਾਂ ਕਿ ਸਾਨੂੰ ਬਹੁਤ ਵਧੀਆ ਪਰਿਵਾਰ ਮਿਿਲਆ ਹੈ ਜੋ ਸਾਡੀ ਸੋਚ ਨਾਲ ਸੋਚ ਮਿਲਾ ਰਿਹਾ ਹੈ।ਉਨ੍ਹਾ ਸਮੂਹ ਇਲਾਕਾ ਨਿਵਾਸੀਆ ਨੂੰ ਬੇਨਤੀ ਕੀਤੀ ਕਿ ਤੁਸੀ ਵੀ ਕਰਜੇ ਤੋ ਬਚਣ ਲਈ ਆਪਣੇ ਧੀਆ ਪੁੱਤਰਾ ਦੇ ਵਿਆਹ ਸਾਦੇ ਢੰਗ ਨਾਲ ਕਰੋ।ਇਸ ਵਿਆਹ ਦੀ ਇਲਾਕੇ ਵਿਚ ਖੂਬ ਚਰਚਾ ਹੈ।ਇਸ ਮੌਕੇ ਲੜਕੇ ਦੇ ਪਿਤਾ ਹਰਦਿਆਲ ਸਿੰਘ ਲਿੱਟ ਵੱਲੋ ਮਿਸਨ ਗਰੀਨ ਪੰਜਾਬ ਜਗਰਾਓ ਸੰਸਥਾ ਲਈ ਸਹਾਇਤਾ ਰਾਸੀ ਭੇਂਟ ਕੀਤੀ ਗਈ ਅਤੇ ਵਿਆਹ ਵਿਚ ਸਾਮਲ ਹੋਏ ਪਤਵੰਤਿਆ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਪ੍ਰਿੰਸੀਪਲ ਹਰਜੀਤ ਸਿੰਘ ਜਲਾਲਦੀਵਾਲ, ਪ੍ਰਿੰਸੀਪਲ ਜਗਰਾਜ ਸਿੰਘ ਧਾਲੀਵਾਲ,ਮਨਜੀਤ ਸਿੰਘ ਹਾਸ ਕਲਾਂ,ਰਾਜਵਿੰਦਰ ਸਿੰਘ ਜੱਸੋਵਾਲ,ਖੁਸ ਕਪੂਰ ਸਿੰਘ,ਗੁਰਤੇਜ ਸਿੰਘ ਬੁਰਜ ਦੁੱਨਾ,ਬਲਦੇਵ ਸਿੰਘ,ਹਰਪ੍ਰੀਤ ਸਿੰਘ,ਕਾਕਾ ਸਿੰਘ ਰਾਜੇਆਣਾ,ਤੇਜੀ ਬੁਰਜ ਦੁੱਨਾ,ਇੰਦਰਪ੍ਰੀਤ ਸਿੰਘ,ਜਗਤਾਰ ਸਿੰਘ ਦੇਹੜਕਾ,ਸਤਪਾਲ ਸਿੰਘ ਦੇਹੜਕਾ,ਰਣਜੀਤ ਸਿੰਘ,ਸੁਖਵਿੰਦਰ ਕੌਰ,ਪਰਮਜੀਤ ਕੌਰ,ਜਗਦੀਪ ਸਿੰਘ,ਰਣਜੀਤ ਸਿੰਘ ਆਦਿ ਹਾਜ਼ਰ ਸਨ।
 

ਜਗਰਾਉ 20 ਅਪ੍ਰੈਲ (ਅਮਿਤਖੰਨਾ) ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਨਵ-ਨਿਯੁਕਤ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਪਾਰਟੀ ਵਰਕਰਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਆਉਣ ਵਾਲੇ ਦਿਨਾਂ 'ਚ ਕਾਂਗਰਸ ਪਾਰਟੀ ਪੰਜਾਬ 'ਚ ਹਾਸ਼ੀਏ 'ਤੇ ਜਾਣ ਦੇ ਕਾਰਨਾਂ ਬਾਰੇ ਸਮੀਖਿਆ ਕਰੇਗੀ ਤੇ ਕਾਂਗਰਸ ਪਾਰਟੀ ਨੂੰ ਇਕ ਮੰਚ 'ਤੇ ਲਿਆਉਣ ਲਈ ਆਉਣ ਵਾਲੇ ਦਿਨਾਂ 'ਚ ਇਕ ਮੁਹਿੰਮ ਚਲਾਈ ਜਾਵੇਗੀ | ਰਾਜਾ ਵੜਿੰਗ ਨੇ ਇਹ ਸਪੱਸ਼ਟ ਆਖਿਆ ਕਿ ਪਾਰਟੀ 'ਚ ਅਨੁਸ਼ਾਸਨ ਨੂੰ ਕਾਇਮ ਰੱਖਿਆ ਜਾਵੇਗਾ ਤੇ ਕਿਸੇ ਵੀ ਅਜਿਹੇ ਆਗੂ ਨੂੰ ਪਾਰਟੀ 'ਚ ਥਾਂ ਨਹੀਂ ਹੋਵੇਗੀ ਜੋ ਚੰਡੀਗੜ੍ਹ 'ਚ ਕਾਂਗਰਸ ਦਾ ਹੋਵੇ ਤੇ ਹਲਕੇ 'ਚ ਪਾਰਟੀ ਦੀ ਪਿੱਠ 'ਚ ਛੁਰਾ ਮਾਰੇ | ਰਾਜਾ ਵੜਿੰਗ ਜਗਰਾਉਂ 'ਚ ਭਾਵੇਂ ਦਿੱਤੇ ਸਮੇਂ ਤੋਂ ਕਰੀਬ 2 ਘੰਟੇ ਦੇਰੀ ਨਾਲ ਪੁੱਜੇ, ਪਰ ਪਾਰਟੀ ਅਹੁਦੇਦਾਰ ਇਸਦੇ ਬਾਵਜੂਦ ਦੇਰ ਰਾਤ ਤੱਕ ਉਨ੍ਹਾਂ ਦੀ ਉਡੀਕ ਕਰਦੇ ਰਹੇ ਤੇ ਜਿਉਂ ਹੀ ਰਾਜਾ ਵੜਿੰਗ ਨੇ ਆ ਕੇ ਬਿਨ੍ਹਾਂ ਸਪੀਕਰ ਤੋਂ ਉੱਚੀ ਸੁਰ 'ਚ ਆਪਣਾ ਭਾਸ਼ਣ ਸ਼ੁਰੂ ਕੀਤਾ ਤਾਂ ਕਾਂਗਰਸੀ ਵਰਕਰਾਂ 'ਚ ਜੋਸ਼ ਆ ਗਿਆ | ਰਾਜਾ ਵੜਿੰਗ ਨੇ ਇਹ ਵੀ ਕਿਹਾ ਕਿ ਪਾਰਟੀ ਦੀ ਸੀਨੀਅਰ ਲੀਡਰਸ਼ਿੱਪ ਤੇ ਹਰ ਹਲਕੇ ਦੇ ਸੀਨੀਅਰ ਆਗੂਆਂ ਨੂੰ ਪੂਰਾ ਮਾਣ-ਸਨਮਾਨ ਦਿੱਤਾ ਜਾਵੇਗਾ ਤੇ ਉਨ੍ਹਾਂ ਦੇ ਤਜ਼ਰਬੇ ਤੋਂ ਸੇਧ ਲੈ ਕੇ ਪਾਰਟੀ ਨੂੰ ਪੰਜਾਬ 'ਚ ਮੁੜ ਲੀਹ 'ਤੇ ਲਿਆਂਦਾ ਜਾਵੇਗਾ | ਰਾਜਾ ਵੜਿੰਗ ਨੇ ਬਿਨ੍ਹਾਂ ਨਾਂਅ ਲਏ ਇਹ ਇਸ਼ਾਰਾ ਵੀ ਕੀਤਾ ਕਿ ਪਾਰਟੀ 'ਚ ਹਰ ਅਹੁਦੇਦਾਰ ਵਰਕਰਾਂ ਦੀ ਹਮਾਇਤ ਨਾਲ ਹੀ ਵੱਡਾ ਹੁੰਦਾ ਹੈ ਤੇ ਪਾਰਟੀ ਤੋਂ ਬਿਨ੍ਹਾਂ ਮੈਂ-ਮੈਂ ਕਰਨ ਵਾਲੇ ਕੁਝ ਵੀ ਨਹੀਂ ਹੁੰਦੇ | ਇਸ ਮੌਕੇ ਜ਼ਿਲ੍ਹਾ ਕਾਂਗਰਸ ਦੇ ਪ੍ਰਧਾਨ ਕਰਨਜੀਤ ਸਿੰਘ ਸੋਨੀ ਗਾਲਿਬ ਵਲੋਂ ਰਾਜਾ ਵੜਿੰਗ ਤੇ ਕਾਰਜਕਾਰੀ ਪ੍ਰਧਾਨ ਭਾਰਤ ਭੂਸ਼ਨ ਆਸ਼ੂ ਨੂੰ ਇੱਥੇ ਪੁੱਜਣ 'ਤੇ ਜੀ ਆਇਆਂ ਆਖਿਆ ਗਿਆ | ਇਸ ਮੌਕੇ ਸਾਬਕਾ ਵਿਧਾਇਕ ਜਗਤਾਰ ਸਿੰਘ ਜੱਗਾ ਹਿੱਸੋਵਾਲ, ਸਰਪੰਚ ਨਵਦੀਪ ਸਿੰਘ ਗਰੇਵਾਲ, ਰਛਪਾਲ ਸਿੰਘ ਤਲਵਾੜਾ, ਹਰਪਾਲ ਸਿੰਘ ਹਾਂਸ, ਤਾਰਾ ਸਿੰਘ ਲੱਖਾ, ਮਨਜਿੰਦਰ ਸਿੰਘ ਡੱਲਾ, ਨਗਰ ਕੌਂਸਲ ਪ੍ਰਧਾਨ ਜਤਿੰਦਰਪਾਲ ਰਾਣਾ, ਕੌਂਸਲਰ ਅਮਨ ਕਪੂਰ ਬੌਬੀ, ਕੌਂਸਲਰ ਰਵਿੰਦਰਪਾਲ ਰਾਜੂ, ਜਗਜੀਤ ਸਿੰਘ ਬੱਬੂ, ਗੁਰਦੀਪ ਸਿੰਘ ਗਿੱਲ ਬੁਜ਼ਰਗ, ਪ੍ਰਧਾਨ ਗੁਰਪ੍ਰੀਤ ਸਿੰਘ, ਗੁਰਜੀਤ ਸਿੰਘ ਗੀਟਾ, ਦਰਸ਼ਨ ਸਿੰਘ ਲੱਖਾ, ਪ੍ਰਸ਼ੋਤਮ ਲਾਲ ਖ਼ਲੀਫਾ, ਸਰਪੰਚ ਸਿਕੰਦਰ ਸਿੰਘ ਪੈਚ ਆਦਿ ਹਾਜ਼ਰ ਸਨ |

ਜਗਰਾਉ 20 ਅਪ੍ਰੈਲ (ਅਮਿਤਖੰਨਾ) ਜਗਰਾਉਂ ਦੀ ਰੂਪ ਚੰਦ  ਜੈਨ ਐਸ ਐਸ ਬਰਾਦਰੀ ਵੀ ਚੋਣ ਦੌਰਾਨ ਚੁਣੇ ਗਏ ਪ੍ਰਧਾਨ  ਤਰੁਨ ਜੈਨ ਕਾਲ਼ਾ ਵੱਲੋਂ ਅੱਜ ਬਰਾਦਰੀ ਦੇ ਸੀਨੀਅਰ ਮੈਂਬਰਾਂ ਦੀ ਅਹੁਦੇਦਾਰਾਂ ਦਾ ਐਲਾਨ ਕੀਤਾ ਗਿਆ  ਪ੍ਰਧਾਨ ਤਰੁਣ ਜੈਨ ਵੱਲੋਂ  ਅਨੀਸ਼  ਜੈਨ ਨੂੰ ਉਪ ਪ੍ਰਧਾਨ ਧਰਮਪਾਲ ਜੈਨ ਨੂੰ  ਸਕੱਤਰ  ਯੋਗੇਸ਼ ਜੈਨ ਨੂੰ ਸਹਿ ਮੰਤਰੀ ਵਿਜੇ ਜੈਨ ਨੂੰ ਕੈਸ਼ੀਅਰ  ਐਲਾਨਿਆ ਗਿਆ ਧਰਮਪਾਲ ਜੈਨ ਜੀ ਨੂੰ  6ਵੀਂ ਵਾਰ ਮਹਾਂਮੰਤਰੀ ਐਲਾਨਿਆ ਗਿਆ  ਇਸ ਮੌਕੇ 15 ਮੈਂਬਰੀ ਵਰਕਿੰਗ ਕਮੇਟੀ ਦੀ ਘੋਸ਼ਣਾ ਕੀਤੀ ਗਈ ਇਸ ਮੌਕੇ ਸ੍ਰੀ ਰਮੇਸ਼ ਕੁਮਾਰ ਜੈਨ, ਰਾਕੇਸ਼ ਜੈਨ ਨੇਛਾਂ,  ਵਿਨੋਦ ਜੈਨ, ਨੀਰਜ ਜੈਨ, ਕੋਮਲ ਜੈਨ, ਸੰਜੀਵ ਜੈਨ ਪੁੱਤਰ ਵਰਿੰਦਰ ਜੈਨ, ਅਜੇ ਜੈਨ ,ਸੰਦੇਸ਼ ਕੁਮਾਰ ਜੈਨ, ਵਿਨੋਦ ਜੈਨ, ਵਰਿੰਦਰ ਜੈਨ ਹਾਜ਼ਰ ਸਨ

ਜਗਰਾਉ 19 ਅਪ੍ਰੈਲ (ਅਮਿਤਖੰਨਾ) ਬਲੌਜ਼ਮਜ਼ ਕਾਨਵੈਂਟ ਸਕੂਲ ਵਿਖੇ ਅੱਜ ਰੋਟਰੀ ਅਧੀਨ ਇਨਟਰੈਕਟ ਕਲੱਬ ਦਾ ਨਿਰਮਾਣ ਕੀਤਾ ਗਿਆ। ਜਿਸ ਵਿਚ ਜਗਰਾਉਂ ਹਲਕੇ ਦੇ ਐਮ.ਐਲ.ਏ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਮੁੱਖ ਮਹਿਮਾਨ ਵੱਜੋਂ ਸ਼ਮੂਲੀਅਤ ਕੀਤੀ ਅਤੇ ਉਹਨਾਂ ਦੇ ਨਾਲ ਰੋਟਰੀਅਨ ਪ੍ਰੈਜ਼ੀਡੈਂਟ ਸ:ਮਨਮੋਹਨ ਸਿੰਘ ਕਲਾਨੌਰੀ, ਰੋਟਰੀਅਨ ਸੈਕਟਰੀ ਸ:ਸਰਵਿੰਦਰ ਸਿੰਘ ਬਹਿਲ, ਰੋਟਰੀਅਨ ਸ:ਗੁਰਜੀਤ ਸਿੰਘ ਇੰਟਰੈਕਟ ਕਲੱਬ ਅਡਵਾਈਜ਼ਰ ਰਾਈਲਾ ਚੇਅਰਮੈਨ ਨੇ ਹਾਜ਼ਰੀ ਭਰੀ। ਉਹਨਾਂ ਨੇ ਬੱਚਿਆਂ ਨੂੰ ਇਸ ਕਲੱਬ ਸੰਬੰਧੀ ਜਾਣਕਾਰੀ ਦਿੱਤੀ। ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਡਾ:ਅਮਰਜੀਤ ਕੌਰ ਨਾਜ਼ ਨੇ ਮੁੱਖ ਮਹਿਮਾਨਾਂ ਨੂੰ ਪਹੁੰਚਣ ਤੇ ਜੀ ਆਇਆ ਆਖਿਆ ਤੇ ਰੋਟਰੀ ਕਲੱਬ ਸੰਬੰਧੀ ਬੋਲਦੇ ਕਿਹਾ ਰੋਟਰੀ ਕਲੱਬ ਇੱਕੋ ਇਕ ਅਜਿਹਾ ਕਲੱਬ ਹੈ ਜੋ ਖੁਦ ਤੋਂ ਉੱਪਰ ਉੱਠ ਕੇ ਸਮਾਜ ਦੀ ਸੇਵਾ ਲਈ ਪ੍ਰੇਰਨਾ ਦਿੰਦਾ ਹੈ। ਅਸੀਂ ਵਿਿਦਆਰਥੀਆਂ ਅੰਦਰ ਸਮਾਜ ਪ੍ਰਤੀ ਜ਼ਿੰਮੇਵਾਰੀ ਦਾ ਅਹਿਸਾਸ ਭਰਨਾ ਚਾਹੁੰਦੇ ਹਾਂ।ਇਸ ਨਾਲ ਜੁੜਨ ਤੇ ਬੱਚਿਆਂ ਅੰਦਰ ਸ਼ੋਸਲ ਗਤੀਵਿਧੀਆਂ ਦਾ ਵਾਧਾ ਹੁੰਦਾ ਹੈ ਤੇ ਉਹਨਾਂ ਅੰਦਰ ਸੇਵਾ ਭਾਵਨਾ ਦੇ ਗੁਣ ਆ ਜਾਂਦੇ ਹਨ। ਬੱਚਿਆਂ ਨੂੰ ਮੇਰੀ ਇਹੀ ਅਪੀਲ ਹੈ ਕਿ ਉਹ ਇਸ ਕਲੱਬ ਨਾਲ ਜੁੜ ਕੇ ਸਮਾਜ ਦੀ ਸੇਵਾ ਕਰਨ ਤੇ ਹੋਰਨਾਂ ਲੋਕਾਂ ਨੂੰ ਵੀ ਆਪਣੇ ਨਾਲ ਜੋੜਨ। ਇਸ ਮੌਕੇ ਸਕੂਲ ਦੀ ਮੈਨੇਜਿੰਗ ਕਮੇਟੀ ਦੇ ਪ੍ਰੈਜ਼ੀਡੈਂਟ ਸ:ਮਨਪ੍ਰੀਤ ਸਿੰਘ ਬਰਾੜ ਅਤੇ ਸ:ਅਜਮੇਰ ਸਿੰਘ ਰੱਤੀਆਂ ਨੇ ਵੀ ਸ਼ਮੂਲੀਅਤ ਕੀਤੀ।