ਜਗਰਾਓਂ, ਜੂਨ 2019 ( ਗੁਰਦੇਵ ਸਿੰਘ ਗਾਲਿਬ/ਮਨਜੀਤ ਸਿੰਘ ਗਿੱਲ ) - ਬੋਰਵੈੱਲ ਚ ਡਿੱਗਣ ਕਾਰਨ ਮੌਤ ਦੇ ਮੂੰਹ ਵਿਚ ਜਾ ਪਹੁੰਚੇ ਫਤਿਹਵੀਰ ਸਿੰਘ ਦੀ ਪੋਸਟਮਾਰਟਮ ਰਿਪੋਰਟ ਪ੍ਰਸ਼ਾਸਨ ਵੱਲੋਂ ਖ਼ੁਦ ਜਨਤਕ ਕਰ ਦਿੱਤੀ ਗਈ ਹੈ। ਜ਼ਿਕਰਯੋਗ ਹੈ ਕੇ ਅੱਜ ਸਵੇਰ ਤੋਂ ਹੀ ਇਲਾਕੇ ਵਿਚ ਇਹ ਖੁੰਢ ਚਰਚਾਵਾਂ ਜ਼ੋਰਾਂ ਤੇ ਸਨ ਕਿ ਆਪਣੀ ਨਾਲਾਇਕੀ ਉੱਤੇ ਪਰਦਾ ਪਾਉਣ ਲਈ ਸਰਕਾਰ ਅਤੇ ਪ੍ਰਸ਼ਾਸਨ ਵੱਲੋਂ ਪੋਸਟਮਾਰਟਮ ਰਿਪੋਰਟ ਵਿਚ ਹੇਰਾਫੇਰੀ ਕੀਤੀ ਜਾ ਸਕਦੀ ਹੈ । ਪੀ. ਜੀ.ਆਈ ਚੰਡੀਗੜ੍ਹ ਦੀ ਪੋਸਟਮਾਰਟਮ ਰਿਪੋਰਟ ਮੁਤਾਬਿਕ ਸਾਹ ਘੁੱਟਣ ਕਾਰਨ ਫਤਿਹਵੀਰ ਦੀ 3 ਤੋਂ 4 ਦਿਨ ਪਹਿਲਾਂ ਹੀ ਮੌਤ ਹੋ ਚੁੱਕੀ ਸੀ।
