ਇੱਕ ਅਟੱਲ ਸੱਚਾਈ ਹੈ ਕਿ ਜ਼ੁਬਾਨ ਵਿੱਚੋਂ ਨਿਕਲੇ ਬੋਲ ਅਤੇ ਕਮਾਨ ਵਿੱਚੋਂ ਛੁੱਟੀ ਤੀਰ ਕਦੇ ਵਾਪਸ ਨਹੀਂ ਮੁੜਦੇ । ਕਮਾਨ ਵਿਚੋਂ ਛੁੱਟੇ ਤੀਰ ਨੂੰ ਵਾਪਸ ਮੋੜਨਾ ਤਾਂ ਅਸੰਭਵ ਹੈ ਪ੍ਰੰਤੂ ਸ਼ਾਤਰ ਚਲਾਕ ਲੋਕ ਜਵਾਨਾਂ ਵਿੱਚੋਂ ਕਹੇ ਬੋਲਾਂ ਨੂੰ ਜ਼ਰੂਰ ਆਪਣੀ ਨੀਯਤ ਮੁਤਾਬਕ ਢਾਲਣ ਦੀ ਕੋਸ਼ਿਸ਼ ਕਰ ਲੈਂਦੇ ਹਨ।ਸ ਸੁਖਬੀਰ ਸਿੰਘ ਬਾਦਲ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਦਾ ਚਿੰਤਪੁਰਨੀ ਦੇ ਦਰਸ਼ਨਾਂ ਨੂੰ ਜਾਣਾ ਜਿਸ ਸਬੰਧ ਵਿਚ ਪਹਿਰੇਦਾਰ ਅਖ਼ਬਾਰ ਦੇ ਐਡੀਟਰ ਸ ਜਸਪਾਲ ਸਿੰਘ ਹੇਰਾਂ ਨੇ ਬਾਦਲ ਸਾਹਿਬ ਤੇ ਸਵਾਲ ਕੀਤਾ ਹੈ । ਇਸ ਦਾ ਉੱਤਰ ਸਿੱਧੇ ਤੌਰ ਤੇ ਸਰਦਾਰ ਬਾਦਲ ਸਾਹਿਬ ਹੀ ਦੇ ਸਕਦੇ ਸਨ ਅਤੇ ਉੱਤਰ ਦੇਣਾ ਵੀ ਚਾਹੀਦਾ ਹੈ ਇਹ ਮੁੱਦਾ ਕਿਸੇ ਦੂਸਰੀ ਧਿਰ ਦਾ ਨਹੀਂ ਅਤੇ ਨਾ ਹੀ ਇਸ ਨੂੰ ਹਿੰਦੂ ਵਿਰੋਧੀ ਦੱਸ ਕੇ ਗੁੰਮਰਾਹ ਨਹੀਂ ਕਰਨਾ ਚਾਹੀਦਾ। ਇਹ ਬੇਲੋੜਾ ਅਤੇ ਗ਼ੈਰ ਸਮਾਜਿਕ ਢੰਗ ਹੈ ਇਹ ਸਿਰਫ਼ ਸਿੱਖ ਵਿਚਾਰਧਾਰਾ ਸਿੱਖ ਮਰਿਆਦਾ ਅਨੁਸਾਰ ਇਕ ਸਿੱਖ ਵੱਲੋਂ ਹੀ ਦੂਸਰੇ ਸਿੱਖ ਨੇਤਾ ਨੂੰ ਸਵਾਲ ਹੈ। ਲਫ਼ਜ਼ ਭਾਵੇਂ ਮਿੱਠੇ ਹੋਣ ਜਾਂ ਫਿੱਕੇ ਇਸ ਵਿੱਚ ਕੋਈ ਚਿੰਤਾ ਵਾਲੀ ਗੱਲ ਨਹੀਂ ਸੀ ਪ੍ਰੰਤੂ ਜੋ ਚਾਤਰ ਲੋਕ ਸਿਰਫ ਲੋਕਾਂ ਨੂੰ ਗੁੰਮਰਾਹ ਕਰਕੇ ਇਸ ਨੂੰ ਗਲਤ ਤਰੀਕੇ ਨਾਲ ਮੁੱਦਾ ਬਣਾ ਕੇ ਹਿੰਦੂ ਭਾਈਚਾਰੇ ਦੇ ਮੋਢਿਆਂ ਤੇ ਧਰ ਰਹੇ ਹਨ ਉਹ ਖ਼ੁਦ ਇਸ ਤਰੀਕੇ ਨਾਲ ਹਿੰਦੂ ਧਰਮ ਦਾ ਹੀ ਅਪਮਾਨ ਕਰ ਰਹੇ ਹਨ। ਹਾਂ ਸਰਦਾਰ ਬਾਦਲ ਇਸ ਮਸਲੇ ਤੇ ਚੁੱਪ ਰਹਿ ਕੇ ਖ਼ੁਦ ਨੂੰ ਇਸ ਲਪੇਟ ਵਿਚ ਕਿਉਂ ਰੱਖ ਰਹੇ ਹਨ ਉਹ ਖੁਦ ਸਪੱਸ਼ਟ ਕਰ ਸਕਦੇ ਹਨ ਕਿ ਇਕ ਸਿੱਖ ਵੱਲੋਂ ਕੀਤੇ ਪ੍ਰਸ਼ਨ ਤੇ ਉਨ੍ਹਾਂ ਦੇ ਦਿਲ ਦੀ ਭਾਵਨਾ ਕੀ ਹੈ । ਉਹ ਖ਼ੁਦ ਜ਼ਿੰਮੇਵਾਰ ਹੁੰਦਿਆਂ ਸਪੱਸ਼ਟ ਕਰਨ ਕਿ ਚਿੰਤਪੁਰਨੀ ਜਾਣ ਦੀ ਉਨ੍ਹਾਂ ਦੀ ਭਾਵਨਾ ਕੀ ਹੈ ਜੇਕਰ ਸੁਖਬੀਰ ਬਾਦਲ ਦੀ ਚੁੱਪ ਹਿੰਦੂ ਸਿੱਖਾਂ ਵਿੱਚ ਵਿਵਾਦ ਖੜ੍ਹਾ ਕਰਦੀ ਹੈ ਤਾਂ ਹੋ ਸਕਦੈ ਉਹ ਹਿੰਦੂ ਵੋਟ ਤੋਂ ਸੱਖਣੇ ਹੀ ਰਹਿ ਜਾਣ ਕਿਉਂਕਿ ਬਿ ਜੇ ਪੀ ਨਾਲੋਂ ਉਹ ਐਲਾਨੀਆ ਤੌਰ ਤੇ ਸਪੱਸ਼ਟ ਟੁੱਟ ਚੁੱਕੇ ਹਨ। ਰਹੇ ਗਏ ਪੱਤਰਕਾਰ ਦੇ ਲਫ਼ਜ਼ਾਂ ਨੂੰ ਵਲੇਵਾਂ ਦੇ ਕੇ ਭਾਵੇਂ ਜਿੱਤਣਾ ਵੀ ਮਰੋੜਿਆ ਜਾਵੇ ਪ੍ਰੰਤੂ ਅਸਲੀਅਤ ਨਹੀਂ ਲੁਕਦੀ ਮੌਕਾ ਪ੍ਰਸਤ ਲੋਕ ਜੇਕਰ ਇਸ ਬਹਾਨੇ ਹਿੰਦੂ ਸਿੱਖ ਤ੍ਰੇੜਾਂ ਪਾ ਕੇ ਸਮਾਜਿਕ ਦੁਸ਼ਮਣੀਆਂ ਖੱਟ ਰਹੇ ਹਨ ਤਦ ਏਹ ਗੁਮਰਾਹ ਕੁਨ ਸਾਜ਼ਿਸ਼ ਹੈ । ਸ਼੍ਰੋਮਣੀ ਅਕਾਲੀ ਦਲ ਦੀ ਲੀਡਰਸ਼ਿਪ ਨੂੰ ਸਿਰਫ਼ ਲੋਕ ਭਲਾਈ ਲਈ ਸਮਾਜ ਅੱਗੇ ਠੋਸ ਸੱਚਾਈ ਰੱਖਣੀ ਚਾਹੀਦੀ ਹੈ । ਭਾਈ ਜਸਪਾਲ ਸਿੰਘ ਹੇਰਾਂ ਤਜਰਬੇਕਾਰ ਸਿੱਖ ਹਨ ਸਿਆਣੇ ਹਨ ਉਨ੍ਹਾਂ ਦੀ ਕਹੀ ਗੱਲ ਵਜ਼ਨਦਾਰ ਹੈ ਲੀਡਰਸ਼ਿਪ ਨੂੰ ਕਬੂਲਣੀ ਚਾਹੀਦੀ ਹੈ ਕਹੇ ਗਏ ਬੋਲਾਂ ਨੂੰ ਰਸਤੇ ਵਿੱਚ ਢੁੱਕਣ ਤੋਂ ਗੁਰੇਜ਼ ਕਰਨਾ ਚਾਹੀਦਾ ਹੈ ਇਸ ਵਿੱਚ ਹੀ ਸਮਾਜ ਦਾ ਭਲਾ ਹੈ ।
ਲੰਡਨ, 15 ਅਕਤੂਬਰ 2021
