ਕੰਪਨੀ ਦਿਨ ’ਚ 20 ਵਾਰ ਹੱਥ ਧਵਾਉਂਦੀ ਸੀ
ਲੰਡਨ ,10 ਅਗਸਤ ਜਨ ਸ਼ਕਤੀ ਨਿਊਜ਼ ਬਿਊਰੋ ਕੋਰੋਨਾ ਕਾਲ ’ਚ ਵਾਰ-ਵਾਰ ਹੱਥ ਧੋਣ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ ਪਰ ਇਕ ਕੰਪਨੀ ਨੇ ਆਪਣੇ ਕਰਮਚਾਰੀਆਂ ਨੂੰ ਵਾਰ-ਵਾਰ ਹੱਥ ਧੋਣ ਲਈ ਮਜ਼ਬੂਰ ਕਰਨ ’ਤੇ ਮੁਆਵਜ਼ਾ ਦੇਣਾ ਪਿਆ। ਸੂਜਨ ਰੌਬਿਨਸਨ ( Susan Robinson) ਨਾਂ ਦੀ ਕਰਮਚਾਰੀ ਦਾ ਦੋਸ਼ ਹੈ ਕਿ ਕੰਮ ਕਰਨ ਦੇ ਦੌਰਾਨ 17 ਵਾਰ ਹੱਥ ਧੋਣ ਲਈ ਮਜ਼ਬੂਰ ਕੀਤਾ ਗਿਆ ਜਿਸ ਦੀ ਵਜ੍ਹਾ ਨਾਲ ਉਸ ਨੂੰ ਚਮੜੀ ਸਬੰਧੀ ਬਿਮਾਰੀਆਂ ਹੋ ਗਈਆਂ। ਇਸ ਤੋਂ ਬਾਅਦ ਉਸ ਨੇ ਕੰਪਨੀ ’ਤੇ ਕੇਸ ਦਰਜ ਕਰ ਦਿੱਤਾ ਇਸ ਦੌਰਾਨ ਕੰਪਨੀ ਨੂੰ ਉਸ ਨੂੰ 51,53, 400 ਰੁਪਏ ਦਾ ਮੁਆਵਜ਼ਾ ਦੇਣਾ ਪਿਆ।
ਵਾਰ ਵਾਰ ਹੱਥ ਧੋਣ ਨਾਲ ਹੋਈ ਚਮੜੀ ਖ਼ਰਾਬ - 59 ਸਾਲਾ ਸੂਜਨ ਰੌਬਿਨਸਨ ਵੈਸਟ ਯੌਰਕਸ਼ਾਇਰ ( Susan Robinson West Yorkshire) ਦੇ ਵੇਕਫੀਲਡ (wakefield) ’ਚ ਇਕ ਫੈਕਟਰੀ ਸਪੀਡੀਬੇਕ ’ਚ ਕੰਮ ਕਰਦੀ ਸੀ। ਇਹ ਕੰਪਨੀ ਵੱਡੀ ਸੁਪਰ ਮਾਰਕਿਟ ਚੇਨ ਲਈ ਮੋਫ਼ੀਨ ਅਤੇ ਕੱਪ ਕੇਕ (muffins, cupcakes) ਤੇ ਹੋਰ ਬੇਕ ਕੀਤੇ ਗਏ ਸਾਮਾਨ ਬਣਾਉਂਦੀ ਹੈ। ਕ੍ਰਿਸਮਸ ਲਈ ਸੈਕੜੇ-ਹਜ਼ਾਰਾਂ ਫਰੋਜ਼ਨ ਕੀਮਾ ਪਾਈ ਦਾ ਉਦਪਾਦਨ ਕੀਤਾ ਗਿਆ। ਨਾਮਬਾਰੀ ਅਖ਼ਬਾਰ ਮਿਰਰ ( Mirror ) ਨੇ ਕੰਪਨੀ ਦੇ ਹਵਾਲੇ ਤੋਂ ਦੱਸਿਆ ਹੈ ਕਿ ਇਸੇ ਆਰਡਰ ਦੌਰਾਨ 6 ਮਹੀਨੇ ਦੇ ਅੰਦਰ-ਅੰਦਰ ਰੌਬਿਨਸਨ ਨੂੰ ਦਿਨ ’ਚ 17 ਵਾਰ ਹੱਥ ਧੋਨੇ ਲਈ ਕਿਹਾ ਗਿਆ ਸੀ। ਜਿਸ ਦੌਰਾਨ ਉਸ ਦੇ ਹੱਥ ਲਾਲ ਹੋ ਗਏ ਤੇ ਖੁਜਲੀ ਹੋਣ ਲੱਗੀ।
ਹਸਪਤਾਲ ਵੱਲੋਂ ਕੰਪਨੀ ਨੂੰ ਕਈ ਵਾਰ ਇਸ ਸੰਬੰਧੀ ਉਪਾਅ ਕਰਨ ਲਈ ਆਖਿਆ ਗਿਆ ਸੀ ਪਰ ਉਨ੍ਹਾਂ ਕੋਈ ਪ੍ਰਵਾਹ ਨਾ ਕੀਤੀ -ਪੌਂਟੀਫ਼ਿਰਕਤ ਹਸਪਤਾਲ ( Pontefract Hospital) ’ਚ ਜਦੋਂ ਟੈਸਟ ਕਰਵਾਇਆ ਗਿਆ ਤਾਂ ਪਤਾ ਲੱਗਿਆ ਕਿ ਸਿਕਨ ਦੇ ਰਸਾਇਣਕ ਸੰਪਰਕ ’ਚ ਆਉਣ ਦੇ ਕਾਰਨ ਇਹ ਸਮੱਸਿਆ ਹੋ ਰਹੀ ਹੈ। ਉਸ ਨੇ ਕੰਪਨੀ ਨੂੰ ਹੱਥਾਂ ਦੀ ਸੁਰੱਖਿਆ ਲਈ ਕਈ ਸੁਝਾਅ ਦਿੱਤੇ ਪਰ ਕੰਪਨੀ ਨੇ ਇਕ ਨਾ ਸੁਣੀ।
ਕੰਪਨੀ ਦੇ ਕੇਸ ਕਰਨ ਤੋਂ ਬਾਅਦ ਮਿਲਿਆ ਮੁਆਵਜ਼ਾ -ਕੰਪਨੀ ਨੇ ਜਦੋਂ ਰੌਬਿਨਸਨ ਦੀਆਂ ਸਾਰੀਆਂ ਗੱਲਾਂ ਅਣਸੁਣੀਆਂ ਕਰ ਦਿੱਤੀਆਂ ਤਾਂ ਨਿਰਾਸ਼ ਹੋ ਕੇ ਵਰਕਰ ਨੇ ਆਪਣੇ ਸੰਘ, Bakers Food and Allied Workers Union , ਨਾਲ ਹੀ ਥੌਮਸਨ ਸਾਲਿਸਟਰਜ਼ (Thompson Solicitor) ਦਾ ਰੁਖ਼ ਕੀਤਾ। ਦੋਵਾਂ ਸੰਗਠਨਾਂ ਨੇ ਉਸ ਨੂੰ ਮੁਆਵਜੇ ’ਚ 50,000 ਪੌਂਡ ਭਾਵ 51,53,400 ਰੁਪਏ ਮੁਆਵਜ਼ਾ ਲੈ ਕੇ ਦੇਣ ਵਿੱਚ ਮਦਦ ਕੀਤੀ ।
