ਜਗਰਾਓਂ (ਅਮਿਤ ਖੰਨਾ ) ਕੁਝ ਦਿਨ ਪਹਿਲਾਂ ਪਿੰਡ ਰੂਮੀ ਵਿਖੇ ਇਨਸਾਨੀਯਤ ਨੂੰ ਸ਼ਰਮਸਾਰ ਕਰਦਿਆਂ ਇਕ ਵਿਅਕਤੀ ਵਲੋਂ 8 ਸਾਲ ਬੱਚੀ ਨਾਲ ਬਲਾਤਕਾਰ ਕੀਤਾ ਗਿਆ ਸੀ ਅਤੇ ਉਸ ਦਿਨ ਤੋਂ ਹੀ ਆਰੋਪੀ ਕਰਮਜੀਤ ਸਿੰਘ ਕੰਮਾ ਪੁੱਤਰ ਸ਼ਾਮ ਸਿੰਘ ਵਾਸੀ ਪਿੰਡ ਰੂਮੀ ਫਰਾਰ ਚਲਦੇ ਆ ਰਿਹਾ ਸੀ ਅਤੇ ਪੁਲਿਸ ਵਲੋਂ ਉਸਦੀ ਤਲਾਸ਼ ਜਾਰੀ ਸੀ। ਅੱਜ ਆਰੋਪੀ ਕੰਮਾ ਨੂੰ ਪੁਲਿਸ ਵਲੋਂ ਪਿੰਡ ਰੂਮੀ ਨਜਦੀਕ ਹੀ ਪੈਂਦੇ ਪਿੰਡ ਢੋਲਣ ਦੇ ਬਸ ਅੱਡੇ ਤੋਂ ਗਿਰਫ਼ਤਾਰ ਕਰ ਲਿਆ ਗਿਆ।ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਐਸਐਸਪੀ ਚਰਨਜੀਤ ਸਿੰਘ ਸੋਹਲ ਨੇ ਦਸਿਆ ਕਿ ਥਾਣਾ ਸਦਰ ਜਗਰਾਓਂ ਵਿਚ ਕਰਮਜੀਤ ਸਿੰਘ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਪੁਲਿਸ ਵਲੋਂ ਟੀਮਾਂ ਬਣਾਕੇ ਕਰਕੇ ਉਸਦੀ ਤਲਾਸ਼ ਕੀਤੀ ਜਾ ਰਹੀ ਸੀ। ਅੱਜ ਉਸਨੂੰ ਗਿਰਫ਼ਤਾਰ ਕਰਕੇ ਮਾਣਯੋਗ ਅਦਾਲਤ ਤੋਂ ਉਸਦਾ ਰਿਮਾਂਡ ਹਾਸਲ ਕੀਤਾ ਗਿਆ ਹੈ। ਐਸਐਸਪੀ ਸੋਹਲ ਨੇ ਦਸਿਆ ਕਿ ਪੀੜ੍ਹਿਤਾ ਨੂੰ ਕਮਪੰਸੇਸ਼ਨ ਸਹਾਇਤਾ ਲਈ ਪੱਤਰ ਜਾਰੀ ਕਰਕੇ ਮਾਨਯੋਗ ਜਿਲਾ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਲੁਧਿਆਣਾ ਨੂੰ ਭੇਜਿਆ ਜਾ ਚੁੱਕਾ ਹੈ। ਐਸਐਸਪੀ ਚਰਨਜੀਤ ਸਿੰਘ ਸੋਹਲ ਨੇ ਦਸਿਆ ਕਿ ਕਰਮਜੀਤ ਸਿੰਘ ਖਿਲਾਫ ਪਹਿਲਾਂ ਵੀ ਥਾਣਾ ਦਾਖਾ ਵਿਖੇ ਐਕਸਾਈਜ ਐਕਟ ਤਹਿਤ ਮੁਕਦਮਾ ਦਰਜ ਹੈ।ਇਥੇ ਇਹ ਵਰਨਣਯੋਗ ਹੈ ਕਿ ਮਿਤੀ 9 ਜੁਲਾਈ ਨੂੰ ਪਿੰਡ ਰੂਮੀ ਵਿਖੇ ਜਦੋ ਪੀੜ੍ਹਿਤਾ ਬੱਚੀ ਦੀ ਮਾਂ ਕਿਸੇ ਕੰਮ ਗਈ ਸੀ ਤਾਂ ਪਿੱਛੋਂ ਬੱਚੀ ਘਰ ਵਿਚ ਨਹੀਂ ਮਿਲੀ। ਜਦੋ ਉਹ ਗੁਆਂਢੀ ਕਰਮਜੀਤ ਸਿੰਘ ਕੰਮੇ ਘਰ ਗਈ ਤਾਂ ਓਥੇ ਉਸਦੀ ਬੱਚੀ ਰੋ ਰਹੀ ਸੀ ਅਤੇ ਉਸਨੇ ਦਸਿਆ ਕਿ ਕੰਮੇ ਨੇ ਉਸ ਨਾਲ ਗਲਤ ਕੰਮ ਕੀਤਾ ਹੈ। ਉਸ ਦਿਨ ਤੋਂ ਹੀ ਕੰਮਾ ਫਰਾਰ ਚਲ ਰਿਹਾ ਸੀ। ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦਿਆਂ ਮਹਿਲਾ ਕਮਿਸ਼ਨ ਦੀ ਚੇਅਰਮੈਨ ਮਨੀਸ਼ਾ ਗੁਲਾਟੀ ਵੀ ਪਿੰਡ ਰੂਮੀ ਵਿਖੇ ਪੀੜਿਤ ਬੱਚੀ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਪੁੱਜੇ ਸਨ।
