ਸੱਤ ਦਿਨਾਂ ਚ ਕਾਰਵਾਈ ਦੀ ਕੀਤੀ ਮੰਗ ਨਹੀਂ ਤਾਂ ਕਰਨਗੇ ਦਫ਼ਤਰ ਦਾ ਘਿਰਾਓ
ਜਗਰਾਉਂ , 16 ਜੁਲਾਈ (ਪੱਪੂ ) 14 ਅਪ੍ਰੈਲ 2021 ਨੂੰ ਪਿੰਡ ਜੰਡੀ ਵਿਖੇ ਕੋਰੋਨਾ ਮਹਾਂਮਾਰੀ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਕਬੂਤਰਬਾਜ਼ਾਂ ਬੰਨੋ ਬਿਨਾਂ ਮਨਜ਼ੂਰੀ ਲਏ ਕਬੂਤਰਬਾਜ਼ੀ ਕਰਵਾਈ ਗਈ ਸੀ। ਜਿਸ ਦੀ ਕਵਰੇਜ ਕਰਨ ਪਹੁੰਚੇ ਪੱਤਰਕਾਰਾਂ ਨਾਲ ਬੂਟਾ ਸਿੰਘ ਪੁੱਤਰ ਮਨੀ ਸਿੰਘ , ਰਾਜਵਿੰਦਰ ਸਿੰਘ ਪੁੱਤਰ ਮਹਿੰਦਰ ਸਿੰਘ ਅਤੇ ਹੋਰ ਅਣਪਛਾਤੇ ਵਿਅਕਤੀਆਂ ਨਾਲ ਰਲ ਕੇ ਪੱਤਰਕਾਰ ਡਾ ਮਨਜੀਤ ਸਿੰਘ ਲੀਲਾਂ ਅਤੇ ਪੱਤਰਕਾਰ ਨਸੀਬ ਸਿੰਘ ਵਿਰਕ ਕੁੱਟਮਾਰ ਕਰਦੇ ਹੋਏ ਕੈਮਰਾ ਅਤੇ ਮਾਈਕ ਖੋਹ ਲਿਆ ਸੀ । ਜਿਸ ਦੀ ਦਰਖਾਸਤ ਉਸੇ ਦਿਨ ਥਾਣਾ ਸਿੱਧਵਾਂ ਬੇਟ ਦਿੱਤੀ ਗਈ ਸੀ ,ਦਰਖਾਸਤ ਨੰਬਰ 184 ਹੈ ਪਰ ਅਜੇ ਤੱਕ ਦੋਸ਼ੀਆਂ ਖ਼ਿਲਾਫ਼ ਕੋਈ ਕਾਰਵਾਈ ਨਹੀਂ ਹੋਈ। ਹੁਣ ਜੇਕਰ ਦੋਸ਼ੀਆਂ ਉੱਪਰ ਇਕ ਹਫ਼ਤੇ ਦੇ ਅੰਦਰ ਅੰਦਰ ਬਣਦੀ ਕਾਰਵਾਈ ਅਮਲ ਵਿੱਚ ਨਾ ਲਿਆਂਦੀ ਗਈ ਤਾਂ ਪੱਤਰਕਾਰ ਭਾਈਚਾਰਾ ਤੇ ਆਪਣੇ ਹੱਕਾਂ ਦੀ ਲੜਾਈ ਲੜ ਰਹੀਆਂ ਜਥੇਬੰਦੀਆਂ ਇਕੱਠੀਆਂ ਹੋ ਕੇ ਪੱਤਰਕਾਰਾਂ ਦਾ ਮਾਣ ਸਨਮਾਨ ਬਹਾਲ ਕਰਨ ਅਤੇ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਲਈ ਐੱਸਐੱਸਪੀ ਦਫ਼ਤਰ ਜਗਰਾਉਂ ਦਾ ਘਿਰਾਓ ਕਰਨ ਗਈਆਂ । ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪ੍ਰਧਾਨ ਜਰਨਲਿਸਟ ਕਲੱਬ ਪੰਜਾਬ ਮਨਜੀਤ ਸਿੰਘ ਮਾਨ ਨੇ ਐੱਸਐੱਸਪੀ ਜ਼ਿਲ੍ਹਾ ਲੁਧਿਆਣਾ ਦਿਹਾਤੀ ਸ ਚਰਨਜੀਤ ਸਿੰਘ ਸੋਹਲ ਨੂੰ ਮੈਮੋਰੰਡਮ ਦਿੰਦੇ ਸਮੇਂ ਪ੍ਰੈੱਸ ਨਾਲ ਗੱਲਬਾਤ ਕਰਦੇ ਹੋਏ ਕੀਤਾ । ਇਸ ਸਮੇਂ ਉਚੇਚੇ ਤੌਰ ਤੇ ਪਹੁੰਚੇ ਜੇ ਐਸ ਸੰਧੂ , ਸ ਬਲਵੀਰ ਸਿੰਘ ਚੀਮਾ ਰੰਘਰੇਟਾ ਦਲ ਨਿਹੰਗ ਸਿੰਘ ਜਥੇਬੰਦੀਆਂ ,ਜਨਰਲ ਸਕੱਤਰ ਸਤੀਸ਼ ਜੌੜਾ ਚੇਅਰਮੈਨ, ਰਾਕੇਸ਼ ਖੰਨਾ ਕੈਸ਼ੀਅਰ, ਅੰਮ੍ਰਿਤਪਾਲ ਸਿੰਘ ਸਫਰੀ, ਕੋਆਰਡੀਨੇਟਰ ਪ੍ਰਿਤਪਾਲ ਸਿੰਘ, ਜ਼ਿਲ੍ਹਾ ਪ੍ਰਧਾਨ ਕਪੂਰਥਲਾ ਪ੍ਰੀਤ ਸੰਗੋਜਲਾ, ਸੂਬਾ ਪ੍ਰਧਾਨ ਐਡਵੋਕੇਟ ਦੀਪਕ ਸ਼ਰਮਾ, ਚੇਅਰਮੈਨ ਜਸਵਿੰਦਰ ਜੱਸੀ, ਪੱਤਰਕਾਰ ਤਰਸੇਮ ਲਾਲਕਾ ,ਦਵਿੰਦਰ ਜੈਨ, ਮਨਜੀਤ ਸਿੰਘ ਗਿੱਲ , ਹਰਜੀਤ ਸੋਚਿਆ ਬੂਟਾ ਸਿੰਘ ਗ਼ਾਲਿਬ, ਹਰਭਜਨ ਸਿੰਘ, ਗੁਰਦੇਵ ਸਿੰਘ ਗ਼ਾਲਿਬ , ਬਲਦੇਵ ਸਿੰਘ ,ਰਸ਼ਪਾਲ ਸਿੰਘ ਸ਼ੇਰਪੁਰੀ, ਬੱਸੀ, ਸਰਬਜੀਤ ਸਿੰਘ, ਸਤਪਾਲ ਸਿੰਘ ਅਤੇ ਨਸੀਬ ਵਿਰਕ ਸਮੇਤ ਵੱਡੀ ਗਿਣਤੀ ਵਿੱਚ ਪੱਤਰਕਾਰ ਭਾਈਚਾਰਾ ਹਾਜ਼ਰ ਸੀ ।
