ਮਹਿਲ ਕਲਾਂ/ਬਰਨਾਲਾ-29 ਜੂਨ-(ਗੁਰਸੇਵਕ ਸਿੰਘ ਸੋਹੀ) -ਸ਼ਹਿਰੀ ਫੀਡਰ ਮਹਿਲ ਕਲਾਂ ਵਿਖੇ ਲੱਗ ਰਹੇ ਬਿਜਲੀ ਦੇ ਲੰਮੇ ਲੰਮੇ ਕੱਟਾਂ ਤੋਂ ਪੂਰੀ ਮਾਰਕੀਟ ਦੇ ਦੁਕਾਨਦਾਰ ਦੁਖੀ ਹਨ ।ਕਿਉਂਕਿ ਗਰਮੀ ਦਾ ਮੌਸਮ ਹੋਣ ਕਰਕੇ ਦੁਕਾਨਦਾਰਾਂ ਦਾ ਸਾਰਾ ਕੰਮ ਬਿਜਲੀ ਤੇ ਹੀ ਨਿਰਭਰ ਹੈ ।ਲੰਮੇ ਲੰਮੇ ਕੱਟਾਂ ਕਾਰਨ ਕੁਝ ਦੁਕਾਨਦਾਰਾਂ ਦਾ ਤਾਂ ਸਾਮਾਨ ਵੀ ਖਰਾਬ ਹੋ ਜਾਂਦਾ ਹੈ।ਮਹਿਲ ਕਲਾਂ ਦੇ ਬਾਜ਼ਾਰ ਵਿੱਚ ਆਉਂਦੀ ਸ਼ਹਿਰੀ ਫੀਡਰ ਬਿਜਲੀ ਸਪਲਾਈ ਵਿੱਚ ਹਰ ਰੋਜ਼ ਕਾਫ਼ੀ ਲੰਮੇ ਲੰਮੇ ਕੱਟ ਲੱਗ ਰਹੇ ਹਨ। ਜਿਸ ਕਾਰਨ ਦੁਕਾਨਦਾਰਾਂ ਦੇ ਕੰਮ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋ ਰਹੇ ਹਨ ।
ਅੱਜ ਕਸਬਾ ਮਹਿਲ ਕਲਾਂ ਦੇ ਸ਼ਹਿਰੀ ਫੀਡਰ ਦੀ ਸਪਲਾਈ ਲਗਾਤਾਰ ਚਾਲੂ ਕਰਵਾਉਣ ਲਈ ਦੁਕਾਨਦਾਰ ਯੂਨੀਅਨ ਦੇ ਪ੍ਰਧਾਨ ਗਗਨਦੀਪ ਸਿੰਘ ਸਰਾਂ ,ਜਨਰਲ ਸਕੱਤਰ ਹਰਦੀਪ ਸਿੰਘ ਬੀਹਲਾ ਦੀ ਅਗਵਾਈ ਹੇਠ ਇਕ ਵਫਦ ਐੱਸ ਡੀ ਓ ਮਹਿਲ ਕਲਾਂ ਨੂੰ ਮਿਲਿਆ ਅਤੇ ਮੰਗਾਂ ਤੋਂ ਜਾਣੂ ਕਰਵਾਇਆ।ਇਸ ਦੀ ਐਸ ਡੀ ਓ ਮਹਿਲਕਲਾਂ ਨੇ ਵਫ਼ਦ ਨੂੰ ਵਿਸ਼ਵਾਸ ਦੁਆਇਆ ਕਿ ਉਹ ਦੁਕਾਨਦਾਰਾਂ ਦੀਆਂ ਸਮੱਸਿਆਵਾਂ ਨੂੰ ਮੁੱਖ ਰੱਖਦੇ ਹੋਏ ਨਿਰਵਿਘਨ ਬਿਜਲੀ ਦੀ ਸਪਲਾਈ ਦੇਣਗੇ ਅਤੇ ਕਿਸੇ ਵੀ ਤਰ੍ਹਾਂ ਦੀ ਕੋਈ ਸਮੱਸਿਆ ਨਹੀਂ ਆਉਣ ਦੇਣਗੇ।ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਜਗਤਾਰ ਸਿੰਘ( ਗਿੱਲ ਸਟੂਡੀਓ),ਬਲਜੀਤ ਸਿੰਘ,( ਸਿੰਘ ਸਟੂਡੀਓ), ਕਮਲ ਮਹਿਲ ਖੁਰਦ, ਪ੍ਰੇਮ ਕੁਮਾਰ ਪਾਸੀ ਅਤੇ ਡਾ ਮਿੱਠੂ ਮੁਹੰਮਦ ,ਬਾਵਾ ਟੇਲਰ ਆਦਿ ਹਾਜ਼ਰ ਸਨ ।
