ਜਗਰਾਉਂ ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੋਂਦਾ ਦੇ ਪਿੰਡ ਬਹਾਦਰ ਕੇ (ਸਿਧਵਾਂਬੇਟ) ਦੇ ਪ੍ਰਧਾਨ ਕਾਮਰੇਡ ਬਲਬੀਰ ਸਿੰਘ ਬਹਾਦਰਕੇ ਸੰਖੇਪ ਬੀਮਾਰੀ ਤੋਂ ਬਾਅਦ ਬੀਤੇ ਦਿਨੀਂ ਵਿਛੋੜਾ ਦੇ ਗਏ ੳਹ ਲੰਬੇ ਸਮੇਂ ਤੋਂ ਮਜਦੂਰ ਕਿਸਾਨ ਲਹਿਰ ਨਾਲ ਜੂੜੇ ਹੋਏ ਸਨ। ਮੁਜਾਰਿਆਂ ਆਬਾਦਕਾਰਾਂ ਦੇ ਜਮੀਨੀ ਸੰਘਰਸ਼ ਚ ਮੂਹਰਲੀਆਂ ਸਫਾਂ ਚ ਹੋ ਕੇ ਅਗਵਾਈ ਕਰਦੇ ਰਹੇ ਕਾਮਰੇਡ ਬਲਬੀਰ ਸਿੰਘ ਇਲਾਕੇ ਦੀ ਜਾਣੀ ਪਛਾਣੀ ਸਖਸ਼ੀਅਤ ਸਨ।ਅਨੇਕਾਂ ਕਿਸਾਨ ਮਜ਼ਦੂਰ ਸੰਘਰਸ਼ਾਂ ਚ ਉਹ ਕਈ ਵਾਰ ਜੇਲ ਵੀ ਗਏ। ਪਿਛਲੇ ਲੰਮੇ ਅਰਸੇ ਤੋਂ ਕਿਸਾਨ ਜਥੇਬੰਦੀ ਦੀ ਅਗਵਾਈ ਕਰਦਿਆਂ ਉਨਾਂ ਕਈ ਸੰਘਰਸ਼ਾਂ ਚ ਹਿੱਸਾ ਲਿਆ। ਉਹ ਇਕ ਸਮਾਜਵਾਦੀ ਸਮਾਜ ਦੀ ਸਥਾਪਨਾ ਦੇ ਆਦਰਸ਼ ਨੂੰ ਪਰਨਾਏ ਹੋਏ ਸਮਰਪਿਤ ਕਾਮਰੇਡ ਸਨ। ਉਨਾਂ ਦੇ ਵਿਛੋੜੇ ਤੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੇ ਜਿਲਾ ਪ੍ਰਧਾਨ ਹਰਦੀਪ ਸਿੰਘ ਗਾਲਿਬ,ਕਾਕਾ ਪ੍ਰਧਾਨ ਮਹਿੰਦਰ ਸਿੰਘ ਕਮਾਲਪੁਰਾ, ਜਿਲਾ ਸਕੱਤਰ ਇੰਦਰਜੀਤ ਸਿੰਘ ਧਾਲੀਵਾਲ,ਬਲਾਕ ਪ੍ਰਧਾਨ ਦੇਵਿੰਦਰ ਸਿੰਘ ਮਲਸੀਹਾਂ,ਬਲਾਕ ਸੱਕਤਰ ਰਾਮਸ਼ਰਨ ਸਿੰਘ ਰਸੂਲਪੁਰ,ਨਿਰਮਲ ਸਿੰਘ ਭਮਾਲ ਸਾਬਕਾ ਜਿਲਾ ਪ੍ਰਧਾਨ ਨੇ ਡੂੰਘੇ ਦੁੱਖ ਦਾ ਇਜ਼ਹਾਰ ਕਰਦਿਆਂ ਸ਼ਰਧਾਜਲੀ ਭੇਂਟ ਕੀਤੀ। ਉਨਾਂ ਦੱਸਿਆ ਕਿ ਕਾਮਰੇਡ ਬਲਬੀਰ ਸਿੰਘ ਦੀ ਯਾਦ ਚ ਸ਼ਰਧਾਂਜਲੀ ਸਮਾਗਮ ਮਿਤੀ 23 ਜੂਨ ਦਿਨ ਬੁੱਧਵਾਰ ਦੁਪਹਿਰ 12•30 ਵਜੇ ਉਨਾਂ ਦੇ ਪਿੰਡ ਬਹਾਦਰ ਕੇ ਨੇੜੇ ਤਿਹਾੜਾ ਵਿਖੇ ਰੱਖਿਆ ਗਿਆ ਹੈ।
