ਮਹਿਲ ਕਲਾਂ -ਬਰਨਾਲਾ -ਸਤੰਬਰ 2020 - (ਗੁਰਸੇਵਕ ਸਿੰਘ ਸੋਹੀ) -ਸ਼੍ਰੋਮਣੀ ਅਕਾਲੀ ਦਲ ਦੇ ਸ੍ਰ ਦਵਿੰਦਰ ਸਿੰਘ ਬੀਹਲਾ ਨੇ ਸ਼ੋਸ਼ਲ ਮੀਡੀਆ ਤੇ ਪੰਜਾਬ ਭਰ ਦੇ ਵਿੱਚ ਅਤੇ ਜਿੱਥੇ ਵੀ ਪੰਜਾਬੀ ਬੈਠੇ ਨੇ ਉਹਨਾਂ ਨੂੰ ਇੱਕ ਬੇਨਤੀ ਕੀਤੀ ਹੈ ਕਿ ਜਿਹੜਾ ਇਹ ਸ਼ੋਸ਼ਲ ਮੀਡੀਆ ਹੈ ਉਹ ਇੱਕ ਗਲੋਬਲ ਸੱਥ ਹੈ, ਉੱਥੇ ਜ਼ੋ ਵੀ ਗੱਲ ਆਪਾਂ ਕਹਿੰਦੇ ਹਾਂ ਉਹਦੇ ਨਾਲ ਜੇ ਤਾਂ ਕੋਈ ਫੈਕਟ ਹੈ, ਸਚਾਈ ਹੈ ਫਿਰ ਤਾਂ ਉਹ ਗੱਲ ਕਰਨ ਦਾ ਫਾਇਦਾ ਹੈ ਪਰ ਜੇ ਆਪਾਂ ਬਿਨ੍ਹਾਂ ਕਿਸੇ ਸਬੂਤ ਤੋਂ ਕਿਸੇ ਤੇ ਇਲਜਾਮ ਲਗਾ ਰਹੇ ਹਾਂ ਉਹ ਸਾਡੇ ਵਿਰੁੱਧ ਆਈ.ਟੀ ਐਕਟ ਦੀਆਂ ਧਾਰਾਵਾਂ ਲੱਗ ਕੇ ਕੇਸ ਹੋ ਸਕਦਾ ਹੈ ਅਤੇ ਸਜ਼ਾ ਵੀ ਹੋ ਜਾਂਦੀ ਹੈ, ਪਿਛਲੇ ਦਿਨੀਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਫੋਟੋ ਨਾਲ ਛੇੜਛਾੜ ਕਰਕੇ 28 ਸਾਲਾਂ ਦੇ ਨੋਜਵਾਨ ਨੇ ਭੱਦੀ ਸ਼ਬਦਾਵਲੀ ਦੀ ਵਰਤੋਂ ਕੀਤੀ, ਅੱਜ ਉਸ ਉੱਤੇ ਤਾਜੀਰਾਤ-ਏ-ਹਿੰਦ ,ਆਈ.ਪੀ.ਸੀ ਇੰਡੀਅਨ ਪੀਨਲ ਕੋਰਟ ਦੀਆਂ ਧਾਰਾਵਾਂ ਲਗਾ ਕੇ ਉਸਨੂੰ ਜੇਲ੍ਹ ਵਿੱਚ ਬੰਦ ਕਰ ਦਿੱਤਾ ਗਿਆ ਹੈ, ਕਿਉਂਕਿ ਕਿਸੇ ਵੀ ਜੁਮੇਵਾਰ ਵਿਅਕਤੀ ਦਾ ਅਕਸ ਖ਼ਰਾਬ ਕਰਨ ਦਾ ,ਡੇਫਾਮੇਸ਼ਣ ਦਾ ਕੇਸ ਹੋ ਜਾਂਦਾ ਹੈ, ਇੱਕ ਪਰਚਾ ਦਰਜ਼ ਹੋਣ ਤੇ 50-70 ਹਜ਼ਾਰ ਦਾ ਖਰਚਾ ਆ ਜਾਂਦਾ ਹੈ ਉਸ ਤੋਂ ਬਾਅਦ ਵਾਲਾ ਖਰਚਾ ਅਲੱਗ ਲਗਦਾ ਹੈ, ਦਵਿੰਦਰ ਸਿੰਘ ਬੀਹਲਾ ਜੀ ਦੇ ਪੋਸਟਰਾਂ ਨਾਲ ਪਿਛਲੇ ਦਿਨੀਂ ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਵੱਲੋਂ ਛੇੜਛਾੜ ਕੀਤੀ ਗਈ ਅਤੇ ਉਹਨਾਂ ਦੀਆਂ ਵੀਡੀਉ ਨਾਲ ਕੱਟ ਵੱਢ ਕਰਕੇ ਪੇਸ਼ ਕੀਤੀਆਂ ਗਈਆਂ, ਉਹਨਾਂ ਦੀਆਂ ਫੇਕ ਖਬਰਾਂ ਵੀ ਬਣਾਈਆਂ ਗਈਆਂ ਕਿ ਫਲਾਣਾ ਕਿਸੇ ਪੰਜਾਬੀ ਐਕਟਰੈੱਸ ਦਾ ਨਾਮ ਲੈਕੇ ਕਿ ਉਸ ਐਕਟਰੈੱਸ ਦੀ ਵੀਡੀਉ ਦਾ ਸੈਂਕਡ ਪਾਰਟ ਆ ਗਿਆ ਉਹ ਵਿਡੀਉ ਲੈਣ ਲਈ ਦਵਿੰਦਰ ਸਿੰਘ ਬੀਹਲਾ ਜੀ ਦਾ ਫੋਨ ਨੰਬਰ ਪਾ ਦਿੱਤਾ ਗਿਆ ਕਿ ਇਸ ਨੰਬਰ ਉੱਤੇ ਮੈਸੇਜ ਕਰਕੇ ਵੀਡੀਉ ਲਵੋ ਅਤੇ ਉਨ੍ਹਾਂ ਨੂੰ ਵਟਸਐਪ ਉੱਤੇ ਬਹੁਤ ਮੈਸੇਜ ਆਏ ਵੀ, ਤਾਂ ਉਹਨਾਂ ਨੇ ਸਪੱਸ਼ਟੀਕਰਨ ਦਿੱਤਾ ਕਿ ਮੈਂ ਦਵਿੰਦਰ ਸਿੰਘ ਬੀਹਲਾ, ਸ਼੍ਰੋਮਣੀ ਅਕਾਲੀ ਦਲ ਦੀ ਨੁਮਾਇੰਦਗੀ ਕਰਦਾ ਹਾਂ ਜ਼ਿਲ੍ਹਾ ਬਰਨਾਲਾ ਦੇ ਵਿੱਚ ਇਹ ਝਾੜੂ ਵਾਲਿਆਂ ਵੱਲੋਂ ਕੂੜ ਪ੍ਰਚਾਰ ਕੀਤਾ ਗਿਆ ਮੇਰਾ ਫੋਨ ਵਿਅਸਥ ਕਰਨ ਲਈ, ਫਿਰ ਦਵਿੰਦਰ ਸਿੰਘ ਬੀਹਲਾ ਜੀ ਦੀ ਇੱਕ ਹੋਰ ਝੂਠੀ ਖਬਰ ਆਈ ਜਿਸ ਵਿੱਚ ਭਾਬੀ ਰਣਜੀਤ ਕੌਰ ਨਾਲ ਦਵਿੰਦਰ ਜੀ ਦੀ ਤਸਵੀਰ ਲਗਾ ਦਿੱਤੀ ਗਈ ਦਵਿੰਦਰ ਸਿੰਘ ਬੀਹਲਾ ਨੇ ਉਹਦਾ ਵੀ ਖੰਡਣ ਕੀਤਾ, ਇੱਕ ਹੋਰ ਖ਼ਬਰ ਲਗਾਈ ਗਈ ਕਿ ਪਾਰਟੀ ਪ੍ਰਧਾਨ ਸ੍ਰ ਸੁਖਬੀਰ ਸਿੰਘ ਬਾਦਲ ਨੇ ਬੀਹਲਾ ਬਾਰੇ ਕਿਹਾ ਕਿ ਪਾਰਟੀ ਵਿੱਚ ਪਾਰਟੀ ਵਿੱਚ ਪੈਰਾਸ਼ੂਟਰਾਂ ਲਈ ਕੋਈ ਜਗ੍ਹਾ ਨਹੀਂ ਹੈ, ਉਹ ਸਾਰੀਆਂ ਫੇਕ ਖਬਰਾਂ ਨੇ, ਅੱਜ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਦਿੱਲੀ ਦੇ ਸੀ.ਐਮ ਅਰਵਿੰਦ ਕੇਜਰੀਵਾਲ ਨੂੰ ਤਾੜਨਾ ਕੀਤੀ ਹੈ ਕਿ ਝਾੜੂ ਵਾਲੇ ਕੂੜ ਪ੍ਰਚਾਰ ਕਰ ਰਹੇ ਹਨ, ਉਹਨਾਂ ਨੇ ਕਿਹਾ ਕਿ ਮੈਂ ਕੋਵਿਡ-19 ਕਰੋਨਾ ਦੇ ਵਿੱਚ ਜਿਹੜੀਆਂ ਹਦਾਇਤਾਂ ਜਾਰੀ ਕੀਤੀਆਂ ਨੇ ਉੱਥੇ ਝਾੜੂ ਵਾਲੇ ਝੂਠਾ ਪ੍ਰਚਾਰ ਕਰ ਰਹੇ ਹਨ,ਕਿ ਇਹਨਾਂ ਦੇ ਆਸ਼ਾ ਵਰਕਰ ਤੁਹਾਡੇ ਅੰਗ ਵੇਚ ਦੇਣਗੇ। ਅੱਜ ਆਪਣੇ ਦੇਸ਼ ਵਿੱਚ ਜੋ ਮਹਾਂਮਾਰੀ ਦਾ ਦੌਰ ਚੱਲ ਰਿਹਾ, ਆਪਾਂ ਸਾਰਿਆਂ ਨੂੰ ਜ਼ੋ ਵੀ ਸਰਕਾਰੀ ਮੁਲਾਜ਼ਮ ਹੈ ਜਾ ਆਪਣੇ ਸਟੇਟ ਦੇ ਮੁੱਖ ਮੰਤਰੀ ਵੱਲੋਂ ਆਦੇਸ਼ ਆਉਂਦਾ ਹੈ ਆਪਾਂ ਉਹਨਾਂ ਦਾ ਰਲ਼ ਕੇ ਸਾਥ ਦੲੀੲੇ ਤਾਂ ਜ਼ੋ ਆਪਾਂ ਇਸ ਤੋਂ ਛੁਟਕਾਰਾ ਪਾ ਸਕੀਏ ਅਤੇ ਜਿਵੇਂ ਕਿ ਦਵਿੰਦਰ ਸਿੰਘ ਬੀਹਲਾ ਨੇ ਪਹਿਲਾਂ ਵੀ ਕਿਹਾ ਸੀ ਅਤੇ ਬਰਨਾਲਾ ਕੋਰਟ ਦੇ ਵਿੱਚ ਕੇਸ ਵੀ ਕੀਤਾ ਹੋਇਆ ਭਗਵੰਤ ਮਾਨ ਅਤੇ ਉਸ ਦੇ ਸਾਥੀ ਜ਼ੋ ਫੇਸਬੁੱਕ ਉੱਤੇ ਫੇਕ ਪੇਜ਼,ਫੇਕ ਆਈਡੀ ਚਲਾਉਂਦੇ ਹਨ, ਇਹਨਾਂ ਦਾ ਕੰਮ ਹੀ ਇਹ ਹੈ ਕਿ ਫੇਕ ਆਈਡੀ ਬਨਾ ਕੇ ਲੋਕਾਂ ਨੂੰ, ਧੀਆਂ ਭੈਣਾਂ ਨੂੰ ਗਾਲ਼ਾਂ ਕੱਢਣੀਆਂ, ਡਰਾਉਣਾ, ਧਮਕਾਉਣਾ ਪਰ ਦਵਿੰਦਰ ਸਿੰਘ ਬੀਹਲਾ ਨੇ ਜਿਸ ਦਿਨ ਦਾ ਕੇਸ ਕੀਤਾ ਇਹਨਾਂ ਦੇ 90% ਬੰਦੇ ਘਰੇ ਬੈਠ ਗਏ ਹਨ, ਕੱਲ ਹੀ ਇੱਕ ਮੁੰਡਾ ਗ੍ਰਿਫਤਾਰ ਹੋਈਆ ਹੈ ਫਿਰੋਜ਼ਪੁਰ ਪੁਲਿਸ ਨੇ ਫੜਿਆ ਹੈ ਪਿੰਡ ਨਾਜੂ ਸ਼ਾਹ ਵਾਲਾ ਦਾ ਰਹਿਣ ਵਾਲਾ ਅਮਰਿੰਦਰ ਸਿੰਘ ਉਹਤੇ ਐਫ.ਆਈ.ਆਰ ਦਰਜ਼ ਹੋ ਚੁੱਕੀ ਹੈ, ਪੰਜਾਬ ਪੁਲਿਸ ਅਨੁਸਾਰ ਅਮਰਿੰਦਰ ਸਿੰਘ ਆਮ ਆਦਮੀ ਪਾਰਟੀ ਦਾ ਵਰਕਰ ਹੈ, ਅਮਰਿੰਦਰ ਸਿੰਘ ਖਿਲਾਫ ਆਈ.ਪੀ.ਸੀ ਦੀ ਧਾਰਾ 153,ਸੂਚਨਾ ਟੈਕਨਾਲੋਜੀ ਐਕਟ-66, ਡਿਜ਼ਾਸਟਰ ਮੈਨੇਜਮੈਂਟ ਐਕਟ-2005 ਦੀ ਧਾਰਾ 54 ਦੇ ਤਹਿਤ ਐਫ.ਆਈ.ਆਰ ਦਰਜ਼ ਕੀਤੀ ਗਈ ਹੈ ਅਤੇ ਦਵਿੰਦਰ ਸਿੰਘ ਬੀਹਲਾ ਨੇ ਬੇਨਤੀ ਕੀਤੀ ਸਾਰੇ ਪੰਜਾਬੀਆਂ ਨੂੰ, ਮੀਡੀਆ ਵਾਲਿਆਂ ਨੂੰ ਕਿ ਤੁਸੀਂ ਜੇ ਕੋਈ ਕੂੜ ਪ੍ਰਚਾਰ ਕਰਨਾ ਹੈ ਕਿਸੇ ਖਿਲਾਫ ਪਹਿਲਾਂ ਉਹਦੀ ਸਚਾਈ ਜਾਣੀਆ ਕਰੋ। ਇਹ ਕੰਮ ਹੁਣ ਬੰਦ ਕਰ ਦਿਉ ਨਹੀਂ ਸਾਰੇ ਹੀ ਇਹਦੇ ਲਪੇਟੇ ਵਿੱਚ ਆਉਣਗੇ,ਆਪਣਾ ਸਭਿਆਚਾਰ ਗਾਲ਼ਾਂ ਵਾਲਾ ਨਹੀਂ ਹੈ, ਆਪਾਂ ਧੀਆਂ ਭੈਣਾਂ ਦਾ ਸ਼ੋਸ਼ਣ ਬੰਦ ਕਰੀਏ।
