ਚੰਡੀਗੜ੍ਹ,ਜੂਨ 2020 (ਇਕਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)
ਪੰਜਾਬ ਵਿਚ ਬੁੱਧਵਾਰ ਨੂੰ ਤਿੰਨ ਹੋਰ ਲੋਕਾਂ ਦੀ ਜਾਨ ਚਲੀ ਗਈ। ਅੰਮ੍ਰਿਤਸਰ ਵਿਚ 79 ਸਾਲਾ ਬਜ਼ੁਰਗ ਵਿਅਕਤੀ, ਸੰਗਰੂਰ ਵਿਚ 63 ਸਾਲਾ ਵਿਅਕਤੀ ਅਤੇ ਲੁਧਿਆਣਾ ਵਿਚ ਭਰਤੀ ਜਲੰਧਰ ਦੇ 65 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਤਿੰਨੋਂ ਸ਼ੂਗਰ, ਹਾਈਪਰਟੈਂਸ਼ਨ, ਦਿਲ ਦੀ ਤਕਲੀਫ ਅਤੇ ਸਾਹ ਲੈਣ ਵਿਚ ਤਕਲੀਫ ਵਰਗੀਆਂ ਬਿਮਾਰੀਆਂ ਤੋਂ ਪੀੜਤ ਸਨ। ਰਾਜ ਵਿਚ ਮ੍ਰਿਤਕਾਂ ਦੀ ਕੁੱਲ ਗਿਣਤੀ 113 ਹੋ ਗਈ ਹੈ। ਅੰਮ੍ਰਿਤਸਰ ਵਿਚ ਹੁਣ ਤਕ ਸਭ ਤੋਂ ਜ਼ਿਆਦਾ 33 ਲੋਕਾਂ ਦੀ ਜਾਨ ਗਈ ਹੈ ਜਦਕਿ ਲੁਧਿਆਣਾ ਵਿਚ 18 ਅਤੇ ਜਲੰਧਰ ਵਿਚ 19 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਦੂਜੇ ਪਾਸੇ ਬੁੱਧਵਾਰ ਨੂੰ ਰਾਜ ਵਿਚ 165 ਪਾਜ਼ੇਟਿਵ ਕੇਸ ਆਏ। ਕੁੱਲ ਇਨਫੈਕਟਿਡਾਂ ਦੀ ਗਿਣਤੀ 4780 ਹੋ ਗਈ ਹੈ। ਇਨ੍ਹਾਂ ਵਿਚ ਸਰਗਰਮ ਕੇਸ 1568 ਹਨ। ਬੁੱਧਵਾਰ ਨੂੰ 52 ਲੋਕ ਸਿਹਤਯਾਬ ਹੋਏ। ਜਲੰਧਰ ਵਿਚ ਸਭ ਤੋਂ ਜ਼ਿਆਦਾ 42, ਮੁਕਤਸਰ ਵਿਚ 33, ਲੁਧਿਆਣਾ ਵਿਚ 26, ਸੰਗਰੂਰ ਵਿਚ 19 ਅਤੇ ਅੰਮ੍ਰਿਤਸਰ ਵਿਚ 13 ਮਾਮਲੇ ਆਏ। ਹੋਰ ਜ਼ਿਲ੍ਹਿਆਂ ਵਿਚ 32 ਮਾਮਲੇ ਆਏ ਹਨ।
