ਜਗਰਾਉਂ/ਲੁਧਿਆਣਾ, ਜੂਨ 2020( ਰਾਣਾ ਸ਼ੇਖਦੌਲਤ/ਮਨਜਿੰਦਰ ਗਿੱਲ) ਜਗਰਾਉਂ ਵਿੱਚ ਇੱਕ17 ਸਾਲ ਦੀ ਲੜਕੀ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਸਾਲੇ ਦਾ ਲੜਕਾ ਹੀ ਲੈ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਏ.ਐਸ. ਆਈ ਨਰਿੰਦਰ ਸ਼ਰਮਾ ਬੱਸ ਸਟੈਂਡ ਚੌਕੀ ਨੇ ਦੱਸਿਆ ਕਿ ਸ਼ੌਕੀਨ ਖਾਨ ਪੁੱਤਰ ਅਲੀ ਹਸਨ ਵਾਸੀ ਗਲੀ ਨੰਬਰ 1 ਕਰਨੈਲ ਗੇਟ ਨੇ ਆਪਣੇ ਬਿਆਨ ਦਰਜ ਕਰਵਾਏ ਕਿ ਮੇਰੀ ਲੜਕੀ ਖੁਸ਼ਨਮਾ ਜੋ ਦਸਵੀਂ ਕਲਾਸ ਵਿੱਚ ਪੜ੍ਹਦੀ ਹੈ ਜਿਸ ਦੀ ਉਮਰ ਕਰੀਬ17 ਸਾਲ ਹੈ ਲੌਕਡਾਊਨ ਹੋਣ ਕਰਕੇ ਸਕੂਲ ਬੰਦ ਹਨ ਮੇਰੀ ਲੜਕੀ ਘਰ ਵਿੱਚ ਹੀ ਰਹਿੰਦੀ ਸੀ ਕੱਲ੍ਹ ਜਦੋਂ ਘਰ ਕੋਈ ਨਹੀਂ ਸੀ ਤਾਂ ਮੇਰੇ ਸਾਲੇ ਦਾ ਲੜਕਾ ਮਹੁੰਦਮ ਆਰੀਫ ਉਸ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਘਰੋਂ ਲੈ ਗਿਆ।ਮੁੱਦਈ ਦੇ ਬਿਆਨਾਂ ਤੇ ਮੁੱਕਦਮਾ ਦਰਜ ਕਰ ਦਿੱਤਾ ਗਿਆ
