ਅਕਸਰ ਸੁਣਦੇ ਆਂ
ਕਿ-
ਜਿੰਦਗੀ ਵਿਚ ਹਮੇਸ਼ਾ
'ਪਾਜ਼ੀਟਿਵ'
ਖਿਆਲਾਂ ਨੂੰ
ਪੱਲੇ ਬੰਨਕੇ
ਚੱਲਣਾ ਹੀ
ਚੰਗੇ ਬੰਦਿਆਂ
ਦੀ ਪਛਾਣ ਹੁੰਦੀ ਐ!
'ਨੈਗੇਟਿਵ'
ਸੋਚ ਤਾਂ
ਬੇਈਮਾਨ ਹੁੰਦੀ ਐ!
ਪਰ-
ਸਵੇਰੇ ਉਠ ਕੇ
ਜਦੋਂ ਅਖਬਾਰ
ਵੇਖਦਾਂ
ਤਾਂ
' ਪਾਜ਼ੀਟਿਵ'
ਸ਼ਬਦ ਪੜਕੇ
ਰੂਹ ਪ੍ਰੇਸ਼ਾਨ ਹੁੰਦੀ ਐ!
ਸੁਫਨੇ ਵਿਚ ਵੀ
ਸੋਚਿਆ ਨਹੀਂ ਸੀ
ਕਿ-
ਦੋਸਤੋ-
ਜਿੰਦਗੀ ਵਿੱਚ
' ਪਾਜ਼ੀਟਿਵ'
ਸ਼ਬਦ ਵੀ
'ਨੈਗੇਟਿਵ '
ਬਣਕੇ ਰੂਹ ਨੂੰ
ਝੰਜੋੜ ਕੇ
ਰੱਖ ਦੇਵੇਗਾ!
ਖੈਰ -
ਸੱਚ ਤਾਂ ਇਹ ਵੀ ਆ
ਕਿ-
ਸੂਰਜ ਚੜ੍ਹਨ ਨਾਲ
ਹੀ ' ਸਵੇਰਾ'
ਨਹੀਂ ਹੁੰਦਾ
ਦਿਲ 'ਚ ਉੱਠੇ
ਚੰਗੇ ਖਿਆਲਾਤ ਵੀ
ਜਿੰਦਗੀ ਵਿਚ
' ਚਾਨਣ'
ਬਿਖੇਰ ਦੇ ਨੇ!
ਦੋਸਤੋ!
ਆਓ-
' ਪਾਜ਼ੀਟਿਵ '
' ਨੈਗੇਟਿਵ '
ਜਾਣੀ ਕਿ-
' ਸੁੱਖ'
' ਦੁੱਖ '
ਨੂੰ ਕੱਪੜੇ ਮੰਨਕੇ
ਪਹਿਨ ਲਈਏ
ਤਾਂ ਜੁ
' ਜਿੰਦਗੀ'
ਚੱਲਦੀ ਰਹੇ!
ਨਿਰੰਤਰ ਚੱਲਦੀ ਰਹੇ!!
-ਸੁਖਦੇਵ ਸਲੇਮਪੁਰੀ
09780620233
31ਮਈ,2020
