ਮੋਗਾ ( ਜੱਜ ਮਸੀਤਾਂ) ਅੱਜ ਪਿੰਡ ਤਾਰੇਵਾਲ ਵਿੱਚ ਕਰੋਨਾ ਵਾਇਰਸ ਦੇ ਬਚਾਅ ਲਈ ਪੂਰੇ ਪਿੰਡ ਵਿੱਚ ਦਵਾਈ ਤਿਆਰ ਕਰਕੇ ਛੜਕਾਈ ਗਈ ਕਿਉਂਕਿ ਅੱਜ ਪੂਰਾ ਸੰਸਾਰ ਕਰੋਨਾ ਵਾਇਰਸ ਦੀ ਮਾਰ ਹੇਠ ਆ ਗਿਆ ਹੈ।ਵੱਡੇ ਵੱਡੇ ਮੁਲਕਾਂ ਤੋਂ ਵੀ ਇਸ ਦਾ ਇਲਾਜ ਨਹੀਂ ਲੱਭਿਆ ਗਿਆ। ਪਰ ਪਿੰਡ ਤਾਰੇਵਾਲ ਦੇ ਨੌਜਵਾਨਾਂ ਨੇ ਪੂਰੇ ਨਗਰ ਅਤੇ ਪੰਚਾਇਤ ਦੀ ਮੱਦਦ ਨਾਲ ਪੂਰੇ ਪਿੰਡ ਵਿੱਚ ਦਵਾਈ ਤਿਆਰ ਕਰਕੇ ਸ਼ਪਰੇਅ ਕਰਾਈ ਗਈ ਅਤੇ ਪੂਰੇ ਨਗਰ ਵਿੱਚ ਕਰੋਨਾ ਵਾਇਰਸ ਤੋਂ ਬਚਾਅ ਲਈ ਇਸ਼ਤਿਹਾਰ ਵੀ ਵੰਡੇ ਗਏ ਅਤੇ ਕਰੋਨਾ ਵਾਇਰਸ ਨੂੰ ਕਿਵੇਂ ਰੋਕਿਆਂ ਜਾ ਸਕਦਾ ਇਸ਼ਤਿਹਾਰ ਦੇ ਕੇ ਜਾਣੂੰ ਕਰਵਾਇਆ। ਇਹ ਸ਼ਪਰੇਅ ਪੂਰੇ ਪਿੰਡ ਦੀ ਹਰ ਗਲੀ ਅਤੇ ਹਰ ਘਰ ਵਿੱਚ ਕੀਤੀ ਗਈ ਅਤੇ ਪੂਰੀ ਪੰਚਾਇਤ ਨੇ ਇਹ ਵਿਸਵਾਸ਼ ਦਵਾਇਆ ਕਿ ਜੋ ਵੀ ਸਾਡੇ ਪਿੰਡ ਵਿਦੇਸ਼ ਤੋਂ ਆਵੇਗਾ ਅਸੀਂ ਉਸ ਦੇ ਆਪ ਟੈਸਟ ਕਰਵਾ ਕੇ ਰਿਪੋਰਟ ਉੱਪਰ ਭੇਜਾਂਗੇ ਇਹ ਮਹਿੰਮ ਸਰਪੰਚ ਹਰਬੰਸ ਸਿੰਘ ਅਤੇ ਪੰਚ ਦਵਿੰਦਰ ਸਿੰਘ ਦੀ ਅਗਵਾਈ ਹੇਠ ਕਰਵਾਈ ਗਈ।
