ਜਗਰਾਉਂ (ਰਾਣਾ ਸ਼ੇਖਦੌਲਤ) ਜਗਰਾਉਂ ਦਾ ਸਿਵਲ ਹਸਪਤਾਲ ਬਹੁਤ ਵਾਰ ਡਾਕਟਰਾਂ ਦੀ ਲਾਹਪ੍ਰਵਾਹੀ ਕਾਰਨ ਚਰਚਾ ਵਿੱਚ ਆ ਚੁੱਕਾ ਹੈ ਮੁਤਾਬਕ ਜਾਣਕਾਰੀ ਅਨੁਸਾਰ ਸੁਖਵਿੰਦਰ ਸਿੰਘ ਪੁੱਤਰ ਲੇਟ ਊਧਮ ਸਿੰਘ ਅਗਵਾੜ ਗੁੱਜ਼ਰਾ ਨੇ ਦੱਸਿਆ ਕਿ ਉਹ ਆਪਣੇ ਦਾਦਾ ਹਰਜੀਤ ਸਿੰਘ ਦੀਆਂ ਅੱਖਾਂ ਦਾ ਚੈਂਕ ਅੱਪ ਕਰਵਾਉਣ ਲਈ ਡਾਕਟਰ ਸੁਖਜੀਵਨ ਸਿੰਘ ਕੱਕੜ ਐਸ. ਐਮ.ਓ ਜਗਰਾਉਂ ਪਾਸ ਸਿਵਲ ਹਸਪਤਾਲ ਗਏ ਸੀ ਤਾਂ ਡਾਕਟਰ ਨੇ ਕਿਹਾ ਕਿ ਤੁਹਾਡੀ ਖੱਬੀ ਅੱਖ ਦਾ ਅਪਰੇਸ਼ਨ ਹੋਵੇਗਾ ਤੁਸੀਂ ਕੱਲ੍ਹ ਆ ਜਾਣਾ ਅਪਰੇਸ਼ਨ ਕਰਵਾ ਲੈਣਾ।ਅਸੀਂ 3 ਮਾਰਚ ਨੂੰ ਸਿਵਲ ਹਸਪਤਾਲ ਅਪਰੇਸ਼ਨ ਕਰਵਾਉਣ ਲਈ ਚਲੇ ਗਏ ਉਨ੍ਹਾਂ ਨੇ ਖੱਬੀ ਅੱਖ ਅਪਰੇਸ਼ਨ ਕਰ ਦਿੱਤਾ ਅਤੇ ਮੇਰੇ ਦਾਦਾ ਜੀ ਨੂੰ ਛੁੱਟੀ ਦੇ ਦਿੱਤੀ ਪਰ ਅਪਰੇਸ਼ਨ ਤੋਂ ਬਾਅਦ ਮੇਰੇ ਦਾਦਾ ਜੀ ਅੱਖ ਵਿੱਚ ਦਰਦ ਹੋਣ ਲੱਗ ਪਿਆ ਅਸੀਂ ਉਕਤ ਡਾਕਟਰ ਨੂੰ ਮਿਲੇ ਉਨ੍ਹਾਂ ਨੇ ਕਿਹਾ ਕਿ ਤੁਸੀਂ ਅੱਖ ਦਾ ਇਲਾਜ ਮੇਰੇ ਤੋਂ ਨਹੀਂ ਹੋਣਾ ਤੁਸੀਂ ਇਸ ਨੂੰ ,ਐਡਵਾਂਸ ਸੈਂਟਰ ਫਾਰ ਆ਼ਈਜ਼ ਹਸਪਤਾਲ ਲੁਧਿਆਣਾ ਚਲੇ ਜਾਓ।ਉਥੇ ਸਾਰਾ ਖਰਚਾ ਮੈਂ ਕਰ ਦੇਵਾਂਗਾ ਕਿਸੇ ਕੋਲ ਕੋਈ ਵੀ ਗੱਲ ਨਹੀਂ ਕਰਨੀ ਅਸੀਂ 9 ਮਾਰਚ ਨੂੰ ਲੁਧਿਆਣੇ ਡਾਕਟਰ ਦਿਨੇਸ਼ ਕੋਲ ਗਏ ਡਾਕਟਰ ਦਿਨੇਸ਼ ਨੇ ਕਿਹਾ ਕਿ ਅੱਖ ਪੂਰੀ ਤਰ੍ਹਾਂ ਖਰਾਬ ਹੋ ਚੁੱਕੀ ਹੈ ਤੁਸੀਂ ਡਾਕਟਰ ਤੋਂ ਅਪਰੇਸ਼ਨ ਕਰਵਾਇਆ ਹੈ ਉਸ ਤੋਂ ਅੱਖ ਕਢਵਾ ਲਓ।ਅਸੀਂ 11 ਮਾਰਚ ਨੂੰ ਆਪਣੇ ਦਾਦਾ ਜੀ ਨੂੰ ਲੈਕੇ ਡਾਕਟਰ ਸੁਖਜੀਵਨ ਸਿੰਘ ਕੱਕੜ ਕੋਲ ਗਏ ਤਾਂ ਡਾਕਟਰ ਨੇ ਮੇਰੇ ਦਾਦਾ ਜੀ ਦੀ ਅੱਖ ਕੱਢ ਦਿੱਤੀ।ਇਹ ਡਾਕਟਰ ਦੀ ਲਾਹਪ੍ਰਵਾਹੀ ਕਰਕੇ ਮੇਰੇ ਦਾਦਾ ਜੀ ਦੀ ਅੱਖ ਕੱਢ ਦਿੱਤੀ ਹੈ ਅਜਿਹੀ ਹੀ ਪਹਿਲਾਂ ਇੱਕ ਗਿੰਦਰੋ ਬਾਈ ਪਤਨੀ ਸੁਰਜਨ ਸਿੰਘ ਦੀ ਵੀ ਇੱਕ ਅੱਖ ਕੱਢ ਦਿੱਤੀ ਗਈ ਜੇਕਰ ਐਸ. ਐਮ. ਓ ਦਾ ਇਹ ਹਾਲ ਹੈ ਤਾਂ ਹਸਪਤਾਲ ਦੇ ਮਰੀਜ਼ ਰੱਬ ਦੇ ਸਹਾਰੇ ਹੋਣਗੇ
