ਜਗਰਾਉਂ( ਰਾਣਾ ਸ਼ੇਖਦੌਲਤ)ਇਥੋਂ ਨਜਦੀਕ ਬੇਟ ਇਲਾਕੇ ਦੇ ਇੱਕ ਪਿੰਡ ਦੀ ਲੜਕੀ ਨੂੰ ਕਈ ਸਾਲਾਂ ਤੋ ਡਰਾ-ਧਮਕਾ ਕੇ ਜਬਰ ਜਨਾਹ ਕਰਨ ਦਾ ਮਾਮਲਾ ਆਇਆ। ਜਬਰ ਜਨਾਹ ਦੀ ਪੀੜਤ ਲੜਕੀ ਪਿਛਲੇ 20 ਦਿਨਾਂ ਤੋਂ ਆਪਣੇ ਪਰਿਵਾਰ ਨਾਲ ਆਪਣੇ ਤੇ ਹੋਏ ਤੱਸ਼ਦਦ ਦਾ ਇਨਸਾਫ ਲੈਣ ਲਈ ਸਿੱਧਵਾਂ ਬੇਟ ਥਾਣੇ ਦੇ ਚੱਕਰ ਲਗਾ ਰਹੀ ਹੈ।ਬੁਧੱਵਾਰ ਨੂੰ ਪੀੜਤਾਂ ਨੇ ਦੱਸਿਆ ਕਿ ਉਸ ਦੀ ਉਮਰ 23 ਸਾਲਾਂ ਦੀ ਹੈ ਜਦੋਂ ਉਹ 17 ਸਾਲ ਦੀ ਸੀ ਤਾਂ ਸਾਡੇ ਪਿੰਡ ਦਾ ਹੀ ਲੜਕਾ ਸੁਖਵਿੰਦਰ ਸਿੰਘ ਪੁੱਤਰ ਚਰਨਜੀਤ ਸਿੰਘ ਉਸ ਨੂੰ ਉਸ ਦੇ ਭਰਾ ਤੇ ਪਿਤਾ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਕੇ ਜਬਰ ਜਨਾਹ ਕਰਦਾ ਰਿਹਾ ।ਮੇਰਾ ਕੁਝ ਟਾਈਮ ਪਹਿਲਾਂ ਵਿਆਹ ਹੋ ਗਿਆ ਸੀ ਜਦੋਂ ਜਨਵਰੀ2020 ਵਿੱਚ ਮੈਂ ਆਪਣੇ ਪੇਕੇ ਆਈ ਤਾਂ ਸੁਖਵਿੰਦਰ ਸਿੰਘ ਕਰੀਬ 11-12 ਵਜੇ ਰਾਤ ਨੂੰ ਘਰ ਆ ਗਿਆ ਉਸ ਟਾਈਮ ਸਾਰੇ ਪਰਿਵਾਰ ਦੇ ਮੈਂਬਰ ਸੁੱਤੇ ਪਏ ਸਨ।ਉਸ ਨੇ ਮੈਨੂੰ ਆਪਣੇ ਘਰ ਲਜਾ ਕੇ ਜਬਰੀ ਜਬਰ ਜਨਾਹ ਕੀਤਾ ਉਹ ਮੈਨੂੰ ਇਹ ਧਮਕੀ ਦਿੰਦਾ ਰਿਹਾ ਕਿ ਮੈਂ ਤੇਰੇ ਭਰਾ ਤੇ ਪਿਤਾ ਨੂੰ ਜਾਨੋਂ ਮਾਰ ਦਵੇਗਾ। ਪਰ ਫਰਵਰੀ ਮਹੀਨੇ ਵਿੱਚ ਸੁਖਵਿੰਦਰ ਸਿੰਘ ਮੇਰੇ ਪਿਤਾ ਦੀ ਦੁਕਾਨ ਅੱਗੇ ਚਿੱਟਾ ਵੇਚ ਰਿਹਾ ਸੀ ਚਿੱਟੇ ਨੂੰ ਰੋਕਣ ਤੇ ਉਕਤ ਦੋਸ਼ੀ ਨੇ ਮੇਰੇ ਪਰਿਵਾਰ ਨਾਲ ਕੁੱਟ ਮਾਰ ਕੀਤੀ।ਜਿਸ ਤੇ ਮੈਂ ਆਪਣੇ ਨਾਲ ਹੋਈ ਜਬਰ ਜਨਾਹ ਦੀ ਸ਼ਕਾਇਤ ਥਾਣਾ ਸਿੱਧਵਾਂ ਬੇਟ ਕੀਤੀ।ਥਾਣੇ ਸਿੱਧਵਾਂ ਬੇਟ ਦੇ ਮੁੱਖੀ ਨੇ ਰਾਜੇਸ਼ ਠਾਕਰ ਨੇ 13 ਫਰਵਰੀ ਨੂੰ ਮੇਰੀ ਸ਼ਕਾਇਤ ਉਪਰ ਦੋਸ਼ੀ ਖਿਲਾਫ ਮੁੱਕਦਮਾ ਦਰਜ ਕਰ ਦਿੱਤਾ।ਪਰ ਦੋਸ਼ੀ ਪੁਲਿਸ ਦੀ ਗ੍ਰਿਫਤਾਰੀ ਤੋਂ ਬਾਹਰ ਹੈ ਪੁਲਿਸ ਛਾਪੇਮਾਰੀ ਕਰ ਰਹੀ ਹੈ।
