ਗਾਜ਼ੀਆਬਾਦ, ਦਸੰਬਰ 2019-(ਏਜੰਸੀ)-
ਗਾਜ਼ੀਆਬਾਦ ਦੇ ਇੰਦਰਾਪੁਰਮ ਇਲਾਕੇ 'ਚ ਇਕ ਵਿਅਕਤੀ ਉਸ ਦੀ ਪਤਨੀ ਤੇ ਉਸ ਦੀ ਵਰਕ ਪਾਰਟਨਰ ਨੇ ਇਮਾਰਤ ਦੀ ਅੱਠਵੀਂ ਮੰਜ਼ਿਲ ਤੋਂ ਛਾਲ ਮਾਰ ਕੇ ਆਤਮ-ਹੱਤਿਆ ਕਰ ਲਈ | ਇਸ ਤੋਂ ਪਹਿਲਾਂ ਉਨ੍ਹਾਂ ਆਪਣੇ ਨਾਬਾਲਗ ਬੇਟੀ ਤੇ ਬੇਟੇ ਦੀ ਵੀ ਹੱਤਿਆ ਕਰ ਦਿੱਤੀ ਸੀ | ਪੁਲਿਸ ਸੁਪਰਡੈਂਟ ਮਨੀਸ਼ ਮਿਸ਼ਰਾ ਨੇ ਦੱਸਿਆ ਕਿ ਮਿ੍ਤਕਾਂ ਦੀ ਪਛਾਣ ਗੁਲਸ਼ਨ, ਉਸ ਦੀ ਪਤਨੀ ਪ੍ਰਵੀਨ ਤੇ ਉਸ ਦੀ ਵਰਕ ਪਾਰਟਨਰ ਸੰਜਨਾ ਵਜੋਂ ਹੋਈ ਹੈ, ਜਿਨ੍ਹਾਂ ਇੰਦਰਾਪੁਰਮ ਇਲਾਕੇ ਦੇ ਵੈਭਬ ਬਲਾਕ ਦੀ ਕ੍ਰਿਸ਼ਨਾ ਸੁਸਾਇਟੀ ਦੇ ਰਿਹਾਇਸ਼ੀ ਕੰਪਲੈਕਸ ਦੀ ਅੱਠਵੀਂ ਮੰਜ਼ਿਲ ਤੋਂ ਛਾਲਾਂ ਮਾਰ ਕੇ ਆਤਮ-ਹੱਤਿਆ ਕਰ ਲਈ ਹੈ, ਇਸ ਤੋਂ ਪਹਿਲਾਂ ਉਨ੍ਹਾਂ ਫੈਸ਼ਨ ਡਿਜ਼ਾਈਨ ਦਾ ਕੋਰਸ ਕਰਦੀ ਆਪਣੀ ਬੇਟੀ ਕ੍ਰਿਤਿਕਾ (17) ਅਤੇ 9ਵੀਂ 'ਚ ਪੜ੍ਹਦੇ ਬੇਟੇ ਰਿਤਿਕ ਦੀ ਸੋਮਵਾਰ-ਮੰਗਲਵਾਰ ਦੀ ਦਰਮਿਆਨੀ ਰਾਤ ਨੂੰ ਜ਼ਹਿਰੀਲੇ ਪਦਾਰਥ ਨਾਲ ਹੱਤਿਆ ਕਰਨ ਦੇ ਨਾਲ ਹੀ ਪਾਲਤੂ ਖਰਗੋਸ਼ ਦੀ ਵੀ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ | ਮਿ੍ਤਕ ਦੇ ਭਰਾ ਨੇ 5 ਲੋਕਾਂ ਦੀ ਮੌਤ ਦੀ ਵਜ੍ਹਾ ਗੁਲਸ਼ਨ, ਉਸ ਦੀ ਪਤਨੀ ਤੇ ਉਸ ਦੀ ਵਰਕ ਪਾਰਟਨਰ ਵਿਚਾਲੇ ਉਸ ਦੇ ਸਾਂਢੂ ਨਾਲ 2 ਕਰੋੜ ਰੁਪਏ ਦੇ ਲੈਣ-ਦੇਣ ਨੂੰ ਲੈ ਕੇ ਹੋਏ ਝਗੜੇ ਨੂੰ ਦੱਸਿਆ ਹੈ | ਪੁਲਿਸ ਨੇ ਸ਼ੱਕ ਜ਼ਾਹਿਰ ਕੀਤਾ ਹੈ ਕਿ ਮਿ੍ਤਕ ਜੋੜੇ ਨਾਲ ਰਹਿਣ ਵਾਲੀ ਸੰਜਨਾ ਦੇ ਗੁਲਸ਼ਨ ਨਾਲ ਵਿਆਹ ਬਾਹਰੇ ਸਬੰਧ ਵੀ ਇਸ ਮੰਦਭਾਗੀ ਘਟਨਾ ਦੀ ਵਜ੍ਹਾ ਹੋ ਸਕਦੀ ਹੈ | ਪੁਲਿਸ ਨੇ ਖੁਦਕੁਸ਼ੀ ਨੋਟਿਸ ਬਰਾਮਦ ਕਰ ਲਿਆ ਹੈ ਤੇ ਮਿ੍ਤਕ ਬੱਚਿਆਂ ਵਲੋਂ ਦੀਵਾਰ 'ਤੇ ਕੁਝ ਲਿਖਿਆ ਤੇ ਬਾਊਾਸ ਹੋਏ ਚੈਕ ਵੀ ਚਿਪਕਾਏ ਮਿਲੇ ਹਨ | ਪੁਲਿਸ ਮੁਤਾਬਿਕ ਆਤਮ ਹੱਤਿਆ ਕਰਨ ਵਾਲਿਆਂ ਨੂੰ ਛਾਲ ਮਾਰਨ ਬਾਅਦ ਜ਼ਖ਼ਮੀ ਹਾਲਤ 'ਚ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਸੀ, ਜਿਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮਿ੍ਤਕ ਕਰਾਰ ਦੇ ਦਿੱਤਾ | ਪੁਲਿਸ ਵਲੋਂ ਇਸ ਮਾਮਲੇ ਦੀ ਹਰ ਪਹਿਲੂ ਤੋਂ ਜਾਂਚ ਕੀਤੀ ਜਾ ਰਹੀ ਹੈ |
