ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਧੰਨ-ਧੰਨ ਬਾਬਾ ਨੰਦ ਜੀ ਨਾਨਕਸਰ ਕਲੇਰਾਂ ਵਾਲਿਆਂ 149ਵੇ ਜਨਮ ਦਿਹਾੜੇ ਨੂੰ ਸਮਰਪਿਤ ਉਨ੍ਹਾਂ ਦੇ ਜਨਮ ਅਸਥਾਨ ਪਿੰਡ ਸ਼ੇਰਪੁਰ ਕਲਾਂ(ਜਗਰਾਉ) ਵਿਖੇ ਜਨਮ ਅਸਥਾਨ ਦੇ ਮੱੁਖ ਸਰਪ੍ਰਸਤ ਬਾਬਾ ਚਰਨ ਸਿੰਘ ਜੀ ਕੰਨੀਆ ਵਾਲਿਆਂ ਦੀ ਅਗਵਾਈ ਵਿੱਚ 19 ਅਕਤੂਬਰ (3 ਕੱਤਕ) ਨੂੰ ਮਹਾਨ ਜਪ-ਤਪ ਸਮਾਗਮ ਬੜੀ ਸ਼ਰਧਾ ਭਾਵਨਾ ਤੇ ਉਤਸ਼ਾਹ ਨਾਲ ਸੁਰੂ ਹੋ ਰਹੇ ਹਨ।ਸਮਾਗਮਾਂ ਸਬੰਧੀ ਜਾਣਕਾਰੀ ਦਿੰਦਿਆਂ ਸਮਾਗਮਾਂ ਦੇ ਮੱੁਖ ਪ੍ਰਬੰਧਕ ਸਰਬਜੀਤ ਸਿੰਘ ਨੇ ਦੱਸਿਆ ਕਿ 19 ਅਕਤੂਬਰ ਤੋ 29 ਅਕਤੂਬਰ ਤੱਕ ਚਲਣ ਵਾਲੇ 10 ਰੋਜ਼ਾਂ ਧਾਰਮਿਕ ਸਮਾਂਗਮਾਂ ਦੌਰਾਨ 19 ਅਕਤੂਬਰ ਨੂੰ ਅਖੰਡਪਾਠਾਂ ਦੀ ਪਹਿਲੀ ਲੜੀ ਆਰੰਭ ਹੋਵੇਗੀ ਜਿਸ ਦੇ ਭੋਗ 21 ਅਕਤੂਬਰ ਨੂੰ ਪੈਣਗੇ। ਇਸ ਤਰ੍ਹਾਂ ਪੰਜ ਲੜੀਆਂ ਵਿੱਚ ਅਖੰਡਪਾਠਾਂ ਦੇ ਭੋਗ ਤੇ ਸਮਾਪਤੀ 29 ਅਕਤੂਬਰ ਨੂੰ ਹੋਵੇਗੀ।28 ਅਕਤੂਬਰ (12 ਕਤੱਕ) ਨੂੰ ਸੋਨੇ ਦੇ ਸਿੰਘਾਸਨ ਤੇ ਗੁਰੂ ਸਾਹਿਬ ਨੂੰ ਹਾਜ਼ਰ-ਨਾਜਰ ਗੁਰੂ ਮੰਨ ਕੇ ਬਿਰਾਮਮਾਨ ਕੀਤਾ ਜਾਵੇਗਾ ਤੇ ਨਾਲ ਸੋਨੇ ਦੇ ਬਰਤਨਾਂ ਵਿੱਚ ਜੈਕਾਰਿਆਂ ਦੀ ਗੰੂਜ ਵਿੱਚ ਭੋਗ ਲਗਵਾਏ ਜਾਣਗੇ ਉਪਰੰਤ ਧੰਨ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਛੱਤਰ-ਛਾਇਆ ਤੋ ਪੰਜ ਪਿਆਰਿਆਂ ਦੀ ਅਗਵਾਈ ਵਿੱਚ ਸੋਨੇ ਦੀ ਪਲਾਕੀ ਵਿੱਚ ਗੁਰੂ ਸਾਹਿਬ ਨੂੰ ਸੁਭੋਸਿਤ ਕਰਕੇ ਨਗਰ ਪ੍ਰਕਰਮਾ ਕੀਤੀ ਜਾਵੇਗੀ।ਰਾਤ ਨੂੰ ਬਾਬਾ ਜੀ ਦੇ ਜਨਮ ਸਮੇ 1 ਵਜੇ ਕੇ 13 ਮਿੰਟ ਤੇ ਬੈਡ ਪਾਰਟੀਆਂ ਵਿਸ਼ੇਸ ਸਲਾਮੀ ਦੇਣਗੀਆਂ ਉਪਰੰਤ ਆਤਿਸ਼ਬਾਜੀ ਦਾ ਨਾਜ਼ਰਾ ਵੇਖਣਯੋਗ ਹੋਵੇਗਾ
