* ਟੋਡਰ ਮੱਲ ਦੀ ਕੁਰਬਾਨੀ *
ਦੀਵਾਨ ਟੋਡਰ ਮੱਲ ਘਰ 'ਚ ਵਿਉਂਤ ਬਣਾਵੇ।
ਬਿਰਧ ਮਾਂ ਲਾਲਾਂ ਦਾ, ਸਸਕਾਰ ਕੀਤਾ ਜਾਵੇ।
ਅੱਗੋਂ ਵਜੀਦਾ ਪਾਪੀ , ਕਹਿ ਮੁੱਖੋਂ ਬੋਲ ਸੁਣਾਵੇ।
ਮੁੱਲ ਖਰੀਦ ਸਸਕਾਰ ਲਈ ਥਾਂ ਲੈ ਲਈ ਜਾਵੇ।
ਖੜੀਆਂ ਕਰ ਸੋਨੇ ਦੀ, ਮੋਹਰਾਂ ਲੈ ਥਾਂ ਦੇਊਂਗਾ।
ਜੇ ਕਰਨਾ ਸਸਕਾਰ ਹੈ ਏਹ ਸਰਤ ਪਗਾਊਂਗਾ।
ਘਰ ਵਿਚਲਾ ਗਹਿਣਾ ਗੱਟਾ ਸਭ ਢੇਰੀ ਕਰਤਾ।
ਜਾਲਮ ਨੇ ਥਾਂਉ ਲਈ ਕਿੱਡਾ ਉੱਚਾ ਮੁੱਲ ਕਰਤਾ?
ਜਿਵੇਂ ਕਿਵੇਂ ਕਰ ਟੋਡਰ ਮੱਲ ਨੇ ਥਾਂ ਖਰੀਦ ਲਈ।
ਪਤਨੀ,ਪੁੱਤਰ ਤੇ ਰੇੜੀ ਵਾਲੇ ਦੀ ਹੈ ਮਦਦ ਲਈ।
ਕਰ ਇਸ਼ਨਾਨ,ਦੇਹਾਂ ਨੂੰ ਅਰਥੀ 'ਚ ਪਾ ਲਿਆ।
ਬੜੇ ਗਮਗੀਨ ਮਹੌਲ ਕਾਰਜ ਨਿਪਟਾ ਲਿਆ।
ਜਾਲਮ ਦੇ ਪਾਪ ਤੋਂ ,ਸਾਰਾ ਜਹਾਨ ਰੋਇਆ ਸੀ।
ਕਾਦਰ ਦੇ ਪਾਣੀ ਨੇ ਅੰਮ੍ਰਿਤ ਨਾਲ ਧੋਇਆ ਸੀ।
ਜ਼ੁਲਮ ਦੀ ਹੱਦ ਸੀ ਹੋਈ , ਹਰ ਜੋ ਅੱਖ ਰੋਈ ਸੀ।
ਕੁਲੈਹਿਣੀ ਏਸ ਘੜੀ 'ਤੇ ਵਹੁੜਿਆ ਨਾ ਕੋਈ ਸੀ।
ਜਬਰ ਸਬਰ ਦੀ ਜੰਗ 'ਚੋਂ ਸਬਰ ਦੀ ਜਿੱਤ ਹੋਈ ਐ।
ਜ਼ਾਬਰ ਦੇ ਪਾਪ ਨਾਲ ਧਰਤੀ ਲਾਲੋ ਲਾਲ ਹੋਈ ਐ।
ਸੰਸਾਰ ਦੀ ਸਭ ਤੋਂ ਮਹਿੰਗੀ ਸਸਕਾਰ ਵਾਲੀ ਥਾਂ ਹੈ।
ਹੈ ਸੁਸੋਭਿਤ ਗੁਰਦੁਆਰਾ ਜੋਤੀ ਸਰੂਪ, ਓਹ ਥਾਂ ਹੈ।
ਲੱਖਾਂ ਦੀ ਗਿਣਤੀ ' ਚ ਸੰਗਤ ਹਾਜ਼ਰੀ ਭਰਦੀ ਹੈ।
ਮਹਾਨ ਸ਼ਹੀਦਾਂ ਨੂੰ , ਝੁਕ ਝੁਕ ਸੱਜਦਾ ਕਰਦੀ ਹੈ।
ਵਜੀਦੇ ਦੀ ਕਬਰ 'ਤੇ ਕੋਈ ਦੀਵਾ ਜਗਾਉਂਦਾ ਨਹੀਂ।
ਮੰਦਾ ਕੀਤਾ ਕਰਮ ਕਦੇ ਵੀ ਕਿਸੇ ਨੂੰ ਭਾਹੁੰਦਾ ਨਹੀਂ।
ਸ਼ਹੀਦੀ 'ਤੇ ਨਗਰ ਕੀਰਤਨ, ਸਜਾਇਆ ਜਾਂਦਾ ਹੈ।
ਅਜ਼ੀਬ ਦ੍ਰਿਸ਼ ਤੱਕ ਸ਼ਰਧਾ 'ਚ ਮਨਾਇਆ ਜਾਂਦਾ ਹੈ।
ਹਰ ਸਾਲ ਆਜ਼ਾਦ ਵੀ ਸ਼ਹੀਦਾਂ ਨੂੰ ਸੱਜਦਾ ਕਰਦਾ ਹੈ।
ਕਲਮ ਝਰੀਟ ਮਹਾਨ ਸ਼ਹੀਦਾਂ ਨੂੰ ਸੱਜਦਾ ਕਰਦਾ ਹੈ।
* ਰਣਜੀਤ ਸਿੰਘ ਆਜ਼ਾਦ ਕਾਂਝਲਾ *
