ਜਗਰਾਉਂ, 08 ਮਾਰਚ 2024 - ਨੇੜਲੇ ਪਿੰਡ ਪੱਬੀਆਂ ਦੇ ਨਿਵਾਸੀ ਦਲਜੀਤ ਸਿੰਘ ਨੂੰ ਅਪਣੀ ਪਤਨੀ ਨਾਲ ਘਰੇਲੂ ਝਗੜੇ ਦੇ ਚਲਦਿਆਂ ਥਾਣੇ ਕੀਤੀ ਸ਼ਿਕਾਇਤ ਦੇ ਆਧਾਰ ਤੇ ਅੱਜ ਦੋਨੋਂ ਧਿਰਾਂ ਨੂੰ ਥਾਣਾ ਸਦਰ ਬੁਲਾਇਆ ਗਿਆ ਸੀ।ਇਸ ਦੌਰਾਨ ਇੱਕ ਥਾਣੇਦਾਰ ਵੱਲੋਂ ਦਲਜੀਤ ਸਿੰਘ ਦੀ ਬੇਜ਼ਤੀ ਕੀਤੀ ਗਈ ਅਤੇ ਪਰਚਾ ਦਰਜ਼ ਲਈ ਕਿਹਾ ਗਿਆ ਅਤੇ ਫ਼ਿਰ ਉਸਦੀ ਪਤਨੀ ਸਾਹਮਣੇ ਚਪੇੜ ਮਾਰ ਦਿੱਤੀ।ਇਸ ਦੌਰਾਨ ਅਪਣੀ ਹੁੰਦੀ ਬੇਜ਼ਤੀ ਨੂੰ ਨਾ ਬਰਦਾਸ਼ਤ ਕਰਦਿਆਂ ਦਲਜੀਤ ਸਿੰਘ ਨੇ ਅਪਣੇ ਉੱਪਰ ਪਟਰੋਲ ਪਾ ਕੇ ਅਪਣੇ ਆਪ ਨੂੰ ਅੱਗ ਲਗਾ ਲਈ। ਮੌਕੇ ਤੇ ਪੁਲਿਸ ਪ੍ਰਸ਼ਾਸਨ ਅਤੇ ਆਲੇ ਦੁਆਲੇ ਦੇ ਲੋਕਾਂ ਨੇ ਦਲਜੀਤ ਸਿੰਘ ਨੂੰ ਤੁਰੰਤ ਸਥਾਨਕ ਸਿਵਲ ਹਸਪਤਾਲ ਵਿੱਚ ਇਲਾਜ ਲਈ ਲਿਆ ਕੇ ਦਾਖਲ ਕਰਵਾਇਆ ਗਿਆ।
ਜਿਥੇ ਹਸਪਤਾਲ ਦੇ ਡਾਕਟਰਾਂ ਵੱਲੋਂ ਉਕਤ ਵਿਅਕਤੀ ਦਾ ਚੈੱਕਅਪ ਕਰਨ ਦੌਰਾਨ ਦੱਸਿਆ ਕਿ ਸ਼ਰੀਰ 55% ਝੁਲਸ ਗਿਆ ਹੈ ਇਸ ਕਰਕੇ ਉਸਨੂੰ ਇਲਾਜ ਲਈ ਫਰੀਦਕੋਟ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ ਹੈ।ਇਸ ਮਾਮਲੇ ਸਬੰਧੀ ਥਾਣਾ ਸਦਰ ਦੇ ਐਸ, ਐਚ,ਓ,ਨੰਦ ਲਾਲ ਨੇ ਮੀਡੀਆ ਨੂੰ ਦੱਸਿਆ ਕਿ ਥਾਣੇ ਵਿੱਚ ਕਿਸੇ ਨੇ ਵੀ ਉਸ ਵਿਅਕਤੀ ਦੇ ਥੱਪੜ ਨਹੀਂ ਮਾਰਿਆ ਨਾ ਹੀ ਕਿਸੇ ਨੇ ਉਸ ਨਾਲ ਕੋਈ ਬਦਤਮੀਜੀ ਕੀਤੀ ਹੈ। ਇਹ ਵਿਆਕਤੀ ਨੇ ਥਾਣੇ ਦੇ ਬਾਹਰ ਅਪਣੇ ਆਪ ਨੂੰ ਅੱਗ ਲਗਾਈ ਹੈ ਤੇ ਆਪਣੇ ਆਪ ਨੂੰ ਅੱਗ ਲਗਾ ਕੇ ਥਾਣੇ ਅੰਦਰ ਆ ਗਿਆ ਜਿਸਨੂੰ ਇਲਾਜ ਲਈ ਹਸਪਤਾਲ ਭੇਜ ਦਿੱਤਾ ਗਿਆ
