ਮੁੱਲਾਂਪੁਰ ਦਾਖਾ 25 ਫਰਵਰੀ (ਸਤਵਿੰਦਰ ਸਿੰਘ ਗਿੱਲ) ਲੋਕ ਕਲਾ ਮੰਚ (ਰਜਿ:) ਮੰਡੀ ਮੁੱਲਾਂਪੁਰ ਵੱਲੋਂ ਗੁਰਸ਼ਰਨ ਕਲਾ ਭਵਨ ਵਿਖੇ ਮਹੀਨੇ ਦੇ ਅਖੀਰਲੇ ਸ਼ਨੀਵਾਰ ਦਾ ਸਮਾਗਮ ‘ਮਾਤਾ ਭਾਸ਼ਾ ਦਿਵਸ’ ਨੂੰ ਸਮਰਪਿਤ ਕਰਵਾਇਆ ਜਿਸਦਾ ਉਦਘਾਟਨ ਰਿਟਾਇਰ ਆਈ.ਏ.ਐਸ.ਹਰਚਰਨ ਸਿੰਘ ਸੰਧੂ ਸਾਹਿਤਕਾਰ, ਸਾਬਕਾ ਅਧਿਆਪਕ ਆਗੂ ਹਰਦਿਆਲ ਸਿੰਘ ਜੌਹਲ, ਜਰਨੈਲ ਸਿੰਘ ਤੱਗੜ ਕੈਲਗਰੀ, ਅਵਤਾਰ ਕੌਰ ਕੈਲਗਰੀ, ਪਵਨ ਕੁਮਾਰ, ਮਾਸਟਰ ਗੁਰਜੀਤ ਸਿੰਘ, ਵਿਜੈ ਕੁਮਾਰ ਮੋਗਾ, ਅਮਰੀਕ ਤਲਵੰਡੀ ਅਤੇ ਹਰਕੇਸ਼ ਚੌਧਰੀ, ਅੰਜੂ ਚੌਧਰੀ, ਨੀਰਜਾ ਨੇ ਮੋਮਬੱਤੀਆਂ ਬਾਲ ਕੇ ਕੀਤਾ।
ਇਸ ਮੌਕੇ ਹਰਚਰਨ ਸਿੰਘ ਸੰਧੂ ਨੇ ਵਿਚਾਰ ਪੇਸ਼ ਕੀਤੇ ਲੋਕ ਕਲਾ ਮੰਚ ਦੇ ਯਤਨਾਂ ਦੀ ਪ੍ਰਸ਼ੰਸਾਂ ਕੀਤੀ, ਗੁਰਦਿਆਲ ਸਿੰਘ ਜੌਹਲ ਨੇ ਗੁਰਸ਼ਰਨ ਭਾਅ ਜੀ ਦੀ ਘਾਲਣਾ ਨੂੰ ਯਾਦ ਕੀਤਾ। ਜਰਨੈਲ ਤੱਗੜ ਨੇ ਵਿਚਾਰ ਪੇਸ਼ ਕਰਦਿਆਂ ਆਖਿਆ ਕਿ ਪੰਜਾਬੀ ਮਾਂ ਬੋਲੀ ਬਚਾਉਣ ਦਾ ਸਵਾਲ ਸਾਡੇ ਸਾਹਮਣੇ ਖੜਾ ਹੈ। ਇਸ ਉਪਰੰਤ ਦਿਲਪ੍ਰੀਤ ਚੋਹਾਨ ਅਤੇ ਗੁਰਮੀਤ ਬਾਵਾ ਦੁਆਰਾ ਲਿਖਿਤ ਨਾਟਕ ‘ਵੈਂਸੇਂਜ’ ਪਰਵਾਸ ਥੀਏਟਰ ਗਰੁੱਪ ਬਰਨਾਲਾ ਨੇ ਪੇਸ਼ ਕੀਤਾ। ਨਾਟਕ ਰਾਹੀਂ ਪੇਸ਼ ਕੀਤਾ ਗਿਆ ਕਿ ਕਿਸ ਤਰ੍ਹਾਂ ਪੈਸੇ ਦੀ ਚਕਾਚੌਂਧ ਮਨੁੱਖ ਨੂੰ ਸਹੀ ਗਲਤ ਵਿਚਾਲੇ ਫ਼ਰਕ ਕਰਨ ਦੀ ਹੋਸ਼ ਭੁਲਾ ਦਿੰਦੀ ਹੈ। ਨਾਟਕ ਆਪਣਾ ਸੁਨੇਹਾ ਦੇਣ ਵਿੱਚ ਕਾਮਯਾਬ ਰਿਹਾ। ਇਸ ਮੌਕੇ ਤੇ ਸ਼ੇਰ ਜੰਗ ਜਾਂਗਲੀ ਯਾਦਗਾਰੀ ਫਾਉਂਡੇਸ਼ਨ ਵੱਲੋਂ ਵਿਜੈ ਮਿੱਤਲ ਮੋਗਾ ਵੱਲੋਂ ਗੁਰਸ਼ਰਨ ਕਲਾ ਭਵਨ ਵਿਖੇ ਦਸ ਕੁਰਸੀਆਂ ਲਗਵਾਉਣ ਦਾ ਜਿੰਮਾ ਲਿਆ। ‘ਇਹੋ ਜਿਹਾ ਸੀ ਸ਼ੇਰ ਜੰਗ ਜਾਂਗਲੀ’ ਪੁਸਤਕ ਵੀ ਰਲੀਜ਼ ਕੀਤੀ ਗਈ। ਇਸ ਮੌਕੇ ਤੇ ਮਾ. ਗੁਰਜੀਤ ਸਿੰਘ, ਜਸਵੀਰ ਕੌਰ ਅਤੇ ਹਰਮਨਦੀਪ ਸਿੰਘ ਨੇ ਮੰਚ ਦੀ ਪੈਂਤੀ ਹਜਾਰ ਰੁਪਏ ਨਾਲ ਸਹਾਇਤਾ ਕੀਤੀ। ਪਰਵਾਜ ਥੀਏਟਰ ਗਰੁੱਪ, ਪਵਨ ਸੀਮਾ, ਮਾਸਟਰ ਗੁਰਜੀਤ ਸਿੰਘ, ਜਰਨੈਲ ਤੱਗੜ, ਗੁਰਦਿਆਲ ਸਿੰਘ, ਹਰਚਰਨ ਸੰਧੂ ਆਦਿ ਦਾ ਸਨਮਾਨ ਲੋਕ ਕਲਾ ਮੰਚ ਦੇ ਨਿਰਦੇਸ਼ਕ ਹਰਕੇਸ਼ ਚੌਧਰੀ , ਕਮਲਜੀਤ ਮੋਹੀ, ਦੀਪਕ ਰਾਏ, ਅਨਿਲ ਸੇਠੀ, ਭਾਗ ਸਿੰਘ, ਗੁਰਿੰਦਰ ਗੁਰੀ,ਬਲਜੀਤ ਕੌਰ,ਨੈਨਾ ਸ਼ਰਮਾਂ, ਕਰਨਵੀਰ ਸਿੰਘ, ਅਭਿਨੈ ਬਾਂਸਲ, ਜਰਨੈਲ ਸਿੰਘ ਮੈਂਬਰ, ਬਾਬਾ ਤੇਜਾ ਸਿੰਘ, ਪਰਗਟ ਸਿੰਘ, ਸੁਖਦੀਪ ਸਿੰਘ ਵੱਲੋਂ ਕੀਤਾ ਗਿਆ।
