(ਕਵਿਤਾ) ਨਿਮਰਤਾ
ਨਿਮਰਤਾ ਨਾਲ ਇਨਸਾਨ
ਮਹਾਨ ਜਾਪੇ
ਨਫਰਤ ਆਵੇ ਨਾ ਨੇੜੇ
ਨੱਸ ਜਾਵੇ ਦੂਰ ਆਪੇ
ਨਿਮਰਤਾ ਨਾਲ ਚਿੱਤ ਨਿਹਾਲ ਹੋਵੇ
ਮਸਤੀ ਦੇ ਸਰੂਰ
ਅੰਦਰ ਰੂਹ ਖੋਵੇ
ਪੱਲੇ ਹਾਸੇ ਤੇ
ਹੰਝੂਆਂ ਨਾਲ ਨਾ
ਕੋਈ ਮੁੱਖ ਧੋਵੇ
ਨਿਮਰਤਾ ਨਾਲ ਕਾਰ ਵਿਹਾਰ
ਵੱਧੇ ਫੁੱਲੇ
ਬਲੁੰਦ ਹੌਸਲੇ ਲੁੱਟੀਏ ਅਸੀਂ ਬੁੱਲੇ
ਸ਼ੁਕਰਾਨਾ ਡਾਢੇ
ਦਾ ਕਰਨਾ ਨਾ ਭੁੱਲੇ
ਨਿਮਰਤਾ ਨਾਲ ਖੂਬਸੂਰਤ
ਖਿਆਲ ਆਉਂਦੇ
ਸੁਨਿਹਰੇ ਪਲ ਨੇ ਰੋਣਕਾਂ ਲਾਉਂਦੇ
ਬਾਣੀ ਰੱਬ ਦੀ
ਸੱਚਮੁੱਚ ਫੇਰ ਧਿਆਉਂਦੇ
ਦਿਲ ਜਿੱਤਣਾਂ ਫੇਰ ਅਸਾਨ ਹੋਵੇ
ਮੇਰੀ ਮੇਰੀ ਪਿੱਛੇ ਨਾ ਘਾਣ ਹੋਵੇ
ਅਸ਼ੋਕ ਨਾਲ ਨਿਮਰਤਾ
ਹੀ ਮਾਣ ਹੋਵੇ
ਅਸ਼ੋਕ ਬ੍ਰਾਹਮਣ ਮਾਜਰਾ ਪਟਿਆਲਾ
9914183731
