ਔਰਤ ਹਾਂ( ਕੌਮਾਂਤਰੀ ਮਹਿਲਾ ਦਿਵਸ) ✍️ ਰਣਬੀਰ ਸਿੰਘ ਪ੍ਰਿੰਸ

ਔਰਤ ਹਾਂ ਤੂੰ ਔਰਤ ਸਮਝ ਕੇ ,

ਐਦਾਂ ਅੱਤਿਆਚਾਰ ਨਾ ਕਰ,

ਅਬਲਾ ਤੇ ਕੰਮਜ਼ੋਰ ਆਖ ਕੇ,

ਮੇਰਾ ਤੂੰ ਤ੍ਰਿਸਕਾਰ ਨਾ ਕਰ,

ਨਾਜ਼ੁਕ ਕਲੀ, ਮਾਸੂਮ ਜਿਹੀ ਦੇ,

ਰਾਹਾਂ ਵਿੱਚ ਅੰਗਿਆਰ ਨਾ ਧਰ,

ਬੇਵਫ਼ਾ ,ਬੇਸ਼ਰਮ ਨਹੀਂ ਮੈਂ,

ਤੂੰ ਥੋੜ੍ਹਾ ਜਿਹਾ ਇਤਬਾਰ ਤਾਂ ਕਰ,

ਕਦੇ ਬੇਅਕਲ, ਬੇ ਗ਼ੈਰਤ ਕਹਿ ਕੇ,

ਕੱਖੋਂ ਹੌਲ਼ਾ ਕਿਰਦਾਰ ਨਾ ਕਰ

ਚੀਰ ਹਰਨ ਕਦੇ, ਅਗਨਿ ਪ੍ਰੀਖਿਆ,

ਸਿਤਮ ਮੇਰੇ ਤੇ ਹਰ ਵਾਰ ਨਾ ਕਰ,

ਪ੍ਰਿੰਸ ਨਿਮਾਣਿਆ ,ਬਣ ਜਾ ਸਿਆਣਾ,

ਆ ਮਰਦਪੁਣੇ ਦਾ ਹੰਕਾਰ ਨਾ ਕਰ,

ਜਣਨੀ ਹੋ ਜੇ, ਤੈਨੂੰ ਜਣ ਸਕਦੀ ਹਾਂ,

ਲੋੜ ਪਵੇ ਤਾਂ ਲਵਾਂ ਪ੍ਰਾਣ ਵੀ ਹਰ ,

ਰਣਬੀਰ ਸਿੰਘ ਪ੍ਰਿੰਸ

ਸ਼ਾਹਪੁਰ ਕਲਾਂ ਆਫ਼ਿਸਰ ਕਾਲੋਨੀ

ਸੰਗਰੂਰ 9872299613