15 ਲੋਕਾ ਦੀ ਮੌਤ ਤਕਰੀਬਨ 50 ਦੇ ਲਗਭਗ ਜਖਮੀ
ਭੂਪਾਲ, 25 ਫ਼ਰਵਰੀ (ਜਨ ਸ਼ਕਤੀ ਨਿਊਜ਼ ਬਿਊਰੋ ) ਮੱਧ ਪ੍ਰਦੇਸ਼ ਦੇ ਸਿੱਧੀ 'ਚ ਚੁਰਹਟ-ਰੀਵਾ ਰਾਸ਼ਟਰੀ ਰਾਜਮਾਰਗ 'ਤੇ ਰਾਤ ਹੋਏ ਭਿਆਨਕ ਸੜਕ ਹਾਦਸੇ 'ਚ 15 ਬੱਸ ਯਾਤਰੀਆਂ ਦੀ ਮੌਤ ਹੋ ਗਈ। 8 ਦੀ ਮੌਕੇ 'ਤੇ ਹੀ ਮੌਤ, ਜਦਕਿ ਬਾਕੀਆਂ ਨੇ ਹਸਪਤਾਲ 'ਚ ਦਮ ਤੋੜ ਦਿੱਤਾ। 50 ਯਾਤਰੀ ਜ਼ਖਮੀ ਇਨ੍ਹਾਂ ਵਿੱਚੋਂ 10 ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਹਾਦਸਾ ਟਰੱਕ ਦਾ ਟਾਇਰ ਫਟਣ ਕਾਰਨ ਵਾਪਰਿਆ। ਬੇਕਾਬੂ ਟਰੱਕ ਨੇ ਖੜ੍ਹੀਆਂ ਤਿੰਨ ਬੱਸਾਂ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ। ਹੁਣ ਤੱਕ ਸਿਰਫ 9 ਮ੍ਰਿਤਕਾਂ ਦੀ ਪਛਾਣ ਹੋ ਸਕੀ ਹੈ।ਇਹ ਬੱਸਾਂ ਸਤਨਾ 'ਚ ਆਯੋਜਿਤ ਕੋਲ ਸਮਾਜ ਦੇ ਮਹਾਕੁੰਭ 'ਚ ਸ਼ਾਮਲ ਹੋਣ ਤੋਂ ਬਾਅਦ ਸਿੱਧੀ ਵਾਪਸ ਪਰਤ ਰਹੀਆਂ ਸਨ। ਸੀਐਮ ਸ਼ਿਵਰਾਜ ਸਿੱਧੀ ਸੂਚਨਾ ਮਿਲਦੇ ਹੀ ਪਿੰਡ ਬਡਖਰਾ ਪਹੁੰਚੇ।ਚਸ਼ਮਦੀਦਾਂ ਨੇ ਦੱਸਿਆ ਕਿ ਇਹ ਹਾਦਸਾ ਰਾਤ 9 ਵਜੇ ਮੋਹਨੀਆ ਸੁਰੰਗ ਤੋਂ ਕੁਝ ਦੂਰੀ 'ਤੇ ਵਾਪਰਿਆ। ਇੱਥੇ ਇੱਕ ਤੇਜ਼ ਰਫ਼ਤਾਰ ਟਰੱਕ ਦੀ ਟੱਕਰ ਨਾਲ ਦੋ ਬੱਸਾਂ 10 ਫੁੱਟ ਡੂੰਘੀ ਖੱਡ ਵਿੱਚ ਜਾ ਡਿੱਗੀਆਂ। ਹਾਈਵੇ 'ਤੇ ਹੀ ਇੱਕ ਬੱਸ ਪਲਟ ਗਈ। ਟਰੱਕ ਸੀਮਿੰਟ ਨਾਲ ਭਰਿਆ ਹੋਇਆ ਸੀ ।
