ਤੈਨੂੰ ਦੂਰ ਲਿਖਾਂ ਕੇ ਪਾਸ ਲਿਖਾਂ
ਜਾਂ ਫਿਰ ਕੋਈ ਖਾਸ ਲਿਖਾਂ
ਕਿਉਂ ਤੇਰੇ ਬਾਰੇ ਪੁੱਛਦੇ ਸਾਰੇ
ਮੈਂ ਜਦ ਵੀ ਕੁੱਝ ਉਦਾਸ ਲਿਖਾਂ
ਇਸ ਝੂਠੀ ਦੁਨੀਆਂ ਦਾਰੀ ਨੂੰ
ਮੈਂ ਤੁਰਦੀ ਫਿਰਦੀ ਲਾਸ਼ ਲਿਖਾਂ
ਤੁਸੀਂ ਮਹਾਨ ਜੋ ਕਲਮ ਮੇਰੀ ਨੂੰ
ਦਿੰਦੇ ਓ ਸਨਮਾਨ ਲਿਖਾਂ
ਮੈਂ ਚੋਂ ਮੈਂ ਤਾਂ ਮਰ ਚੁੱਕੀ ਹੈ
"ਸਰਬ" ਨਾ ਮੈਂ ਕੁੱਝ ਖਾਸ ਲਿਖਾਂ
ਚਹੁੰ ਅੱਖਰਾਂ ਵਿੱਚ ਜੱਗ ਸਮੇਟਿਆ
ਲੇਖਕ ਦੀ ਉਸ ਜਾਤ ਲਿਖਾਂ
ਕੱਠਪੁਤਲੀ ਹਾਂ ਓਹਦੇ ਦਰ ਦੀ
ਓਹ ਜਿਵੇਂ ਨਚਾਵੇ ਨਾਚ ਲਿਖਾਂ
ਮੈਂ ਤਾਂ ਇੱਕ ਨਿਮਾਣੀ ਜੀ ਹਾਂ
ਮੈਂ ਨਾ ਕੁੱਝ ਵੀ ਖਾਸ ਲਿਖਾਂ
ਡਾ.ਸਰਬਜੀਤ ਕੌਰ ਬਰਾੜ ਮੋਗਾ
