ਗੀਤ-- ਮਸ਼ਾਲਾਂ ✍️ ਬਲਜਿੰਦਰ ਸਿੰਘ " ਬਾਲੀ ਰੇਤਗੜ"

ਜੋ ਤੁਰ ਗਏ ਬਾਲ ਮਸ਼ਾਲਾਂ ਹਨੇਰਿਆਂ 'ਚ ਬਲਾ ਕੇ ਰੱਖਿਓ

ਸੌਂ ਮਰ ਜਾਣ ਕਿਤੇ ਨਾ ਲੋਕੀਂ, ਨੀ ਕਲਮੋਂ ਜਗਾ ਕੇ ਰੱਖਿਓ

ਜੋ ਤੁਰ ਗਏ ਬਾਲ ਮਸ਼ਾਲਾਂ........ .............

ਸਾੜੇ ਕਾਮੇ ਨੰਗੇ ਦੇਹ ਦੇ,     ਹਨ ਆਸਾਂ ਮਰੀਆਂ ਵਾਲੇ

ਖ਼ਾਮੋਸ਼  ਜੁਗਾਂ ਤੋਂ ਭੁੱਖਣ-ਭਾਣੇ, ਪਰ ਸੋਚਾਂ ਠਰੀਆਂ ਵਾਲੇ  

ਕੱਚੇ ਕੋਠੇ ਕੜੀਆਂ ਵਾਲੇ,  ਢਾਰੇ ਰੁਸ਼ਨਾ ਕੇ ਰੱਖਿਓ    

ਜੋ ਤੁਰ ਗਏ ਬਾਲ ਮਸ਼ਾਲਾਂ  ............

ਕਲਮਾਂ ਉਪਰ ਹੱਕ ਜਮਾ ਕੇ, ਕੁੱਝ ਬੈਠ ਗਏ ਚਮਗਿੱਦੜ

ਰੋਸ ਹਕੂਮਤ ਅੱਗੇ ਕਰਦੇ,   ਹਨ  ਕਦ ਭੇਡਾਂ ਦੇ ਇੱਜੜ

ਸ਼ੇਰ ਦਹਾੜਾਂ ਮਾਰਨ ਅਣਖੀ, ਅਣਖਾਂ ਸੁਲਗਾ ਕੇ ਰੱਖਿਓ

ਜੋ ਤੁਰ ਗਏ ਬਾਲ ਮਸ਼ਾਲਾਂ, ..........

ਵਿਕ ਜਾਂਦੇ ਸਨਮਾਨਾਂ ਬਦਲੇ, ਵਿਦਵਾਨ ਕਹਾ ਕੇ ਢੋਂਗੀ

ਮਾਂ-ਬੋਲੀ ਦੀ ਤਹਿਮਤ ਉੱਪਰ,  ਇਹ ਸੇਜ ਹੰਡਾਵਣ ਯੋਗੀ

ਕਿੱਸੇ ਸੂਰਿਆਂ ਦੇ ਵੀਰ ਰਸੀ , ਵਾਰਾਂ ਜਸ ਗਾ ਗਾ ਰੱਖਿਓ

ਜੋ ਤੁਰ ਗਏ ਬਾਲ ਮਸ਼ਾਲਾਂ  ................

ਇਤਿਹਾਸ ਸੁਨਿਹਰਾ ਸੁਲਗ਼ ਨਾ ਜਾਵੇ, ਅੱਖਰ ਅੱਖਰ ਸਾਭੋਂ

ਮੇਟ ਰਹੇ ਨੇ ਦੁਸ਼ਮਣ ਪੈੜਾਂ , ਦੁੱਲਿਓ ਆਬ ਆਪਣੇ ਸਾਂਭੋ

ਪੰਨੇ ਤਖ਼ਤ-ਏ ਤਾਊਸ ਦੇ,  ਪੁੱਤ-ਪੋਤਿਆਂ ਨੂੰ ਪੜਾ ਰੱਖਿਓ

ਜੋ ਤੁਰ ਗਏ ਬਾਲ-ਮਸ਼ਾਲਾਂ-----------

ਪੰਜਾਬ ਗੁਰਾਂ ਦਾ ਜੁਗ -ਜੁਗ ਵਸੇ, ਬਸ "ਰੇਤਗੜ" ਕਰੇ ਦੁਆਵਾਂ

ਨਸਲਕੁਸ਼ੀ ਤੇ ਨਸ਼ਿਆਂ ਤੋਂ ਹੁਣ, ਜੂਹਾਂ ਬਚ ਜਾਣ ਪਿੰਡ ਥਾਵਾਂ

"ਬਾਲੀ" ਰੋਹ ਦੇ ਬਾਣ ਰਗਾਂ 'ਚ,ਬਾਜ਼ ਜਿਹੀ ਨਿਗਾਹ ਰੱਖਿਓ

ਜੋ ਤੁਰ ਗਏ ਬਾਲ ਮਸ਼ਾਲਾਂ, ਹਨੇਰਿਆਂ 'ਚ ਜਗਾ ਰੱਖਿਓ

 ਬਾਲੀ ਰੇਤਗੜ +919465129168