ਜਗਰਾਉਂ , 25 ਸਤੰਬਰ (ਬਲਦੇਵ ਸਿੰਘ, ਸਿੱਖਿਆ ਪ੍ਰਤੀਨਿੱਧ)ਅੱਜ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸ਼ੇਰਪੁਰ ਕਲਾਂ ਦੇ ਵਿਦਿਆਰਥੀਆਂ ਲਈ ਨਸ਼ਿਆਂ ਤੋਂ ਬਚਣ ਦਾ ਸੁਨੇਹਾ ਦਿੰਦਾ ਸ਼ਾਨਦਾਰ ਨਾਟਕ ,ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਵਿਦਿਆਰਥੀਆਂ ਨੇ ਖੇਡਿਆ। ਇਸ ਸਮੇਂ ਸਕੂਲ ਪ੍ਰਾਰਥਨਾ ਸਭਾ ਮੌਕੇ ਪ੍ਰਿੰਸੀਪਲ ਸ਼੍ਰੀ ਵਿਨੋਦ ਕੁਮਾਰ ਜੀ ਨੇ ਨਸ਼ਿਆਂ ਵਿਰੁੱਧ ਜਾਣਕਾਰੀ ਦਿੰਦਿਆਂ, ਇਸ ਨਾਟਕ ਨੂੰ ਖੇਡਣ ਦੀ ਆਗਿਆ ਦਿੱਤੀ ਤੇ ਕਲਾਕਾਰਾਂ ਨੂੰ ਜੀ ਆਇਆ ਆਖਿਆ। ਕਲਾਕਾਰਾਂ ਨੇ ਨਾਟਕ ਖੇਡਦਿਆਂ ਜਿਥੇ ਵਿਦਿਆਰਥੀ ਵਰਗ ਨੂੰ ਹਸਾਇਆ ਤੇ ਉਥੇ ਰੁਆਇਆ ਵੀ ।ਅੱਜ ਦੇ ਸਮਾਜ ਦੀ ਘਰ ਘਰ ਦੀ ਤਸਵੀਰ ਨੂੰ ਵਿਦਿਆਰਥੀਆਂ ਅੱਗੇ ਇਕ ਫਿਲਮ ਦੀ ਤਰ੍ਹਾਂ ਪੇਸ਼ ਕੀਤਾ। ਜਿਸ ਦੀ ਹਾਜਰ ਸਮੁੱਚੇ ਸਟਾਫ ਅਤੇ ਵਿਦਿਆਰਥੀਆਂ ਨੇ ਖੂਬ ਪ੍ਰਸੰਸਾ ਕੀਤੀ । ਅੰਤ ਵਿੱਚ ਪ੍ਰਿੰਸੀਪਲ ਵਿਨੋਦ ਕੁਮਾਰ ਜੀ ਨੇ ਨਾਟਕ ਖੇਡਣ ਵਾਲੇ ਕਲਾਕਾਰਾਂ ਦਾ ਧੰਨਵਾਦ ਵੀ ਕੀਤਾ।
