ਜਗਰਾਉਂ / ਸਿੱਧਵਾਂ ਬੇਟ 25 ਸਤੰਬਰ (ਮਨਜੀਤ ਸਿੰਘ ਲੀਲਾਂ )ਮਿਤੀ 12-9-22 ਦੀ ਰਾਤ ਨੂੰ ਦੋ ਪ੍ਵਵਾਸੀ ਭਰਾਵਾਂ ਵੱਲੋਂ ਆਪਣੇ ਗੁਆਂਢੀ ਪ੍ਰਵਾਸੀ ਮਜਦੂਰ ਗੁਲਸ਼ਨ ਸਾਧਾ ਦੀ ਕੁੱਟਮਾਰ ਕੀਤੀ ਸੀ ਤੇ ਉਸ ਦੀ ਮੌਤ ਹੋ ਗਈ ਸੀ! ਦੋਸੀ ਵੀਰ ਅਤੇ ਰਮੇਸ਼ ਕੁਮਾਰ ਪੁੱਤਰ ਸੀਤਾ ਰਾਮ ਵਾਸੀ ਛਰਾਪੱਟੀ ਜਿਲਾ ਸਹਿਰਸਾ ਹਾਲ ਵਾਸੀ ਬਹਾਦਰਕੇ ਵਿਰੁੱਧ ਪੁਲਿਸ ਥਾਣਾ ਸਿੱਧਵਾਂ ਬੇਟ ਵਿਖੇ ਮੁਕੱਦਮਾਂ ਨੰਬਰ 236 ਧਾਰਾ 302/323/241ਤਹਿਤ ਦਰਜ ਹੋਇਆ ਸੀ ਅਤੇ ਉਸ ਕਤਲ ਦੇ ਦੋਸ਼ੀ ਫਰਾਰ ਸਨ ਜਿਨ੍ਹਾਂ ਵਿੱਚੋਂ ਰਮੇਸ਼ ਕੁਮਾਰ ਨੂੰ ਚੌਕੀ ਗਿੱਦੜਵਿੰਡੀ ਦੀ ਪੁਲਿਸ ਨੇ ਕਾਬੂ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ! ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਚੌਕੀ ਇੰਚਾਰਜ ਰਾਜਵਰਿਦਰਪਾਲ ਸਿੰਘ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਦੋਸ਼ੀ ਰਮੇਸ਼ ਕੁਮਾਰ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਉਸ ਦਾ 26/9/22 ਤੱਕ ਰਿਮਾਂਡ ਲਿਆ ਗਿਆ ਜਿਸ ਤੋਂ ਦੂਸਰੇ ਫਰਾਰ ਦੋਸੀ ਸਬੰਧੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਤੇ ਉਸ ਨੂੰ ਵੀ ਜਲਦੀ ਗ੍ਰਿਫਤਾਰ ਕੀਤਾ ਜਾਵੇਗਾ
