ਬਾਬਾ ਜੀਵਨ ਸਿੰਘ
ਤੇਰਾ ਕੌਣ ਦੇਊਗਾ ਦੇਣਾ!
ਗੁਰੂ ਤੇਗ ਬਹਾਦਰ ਦਾ
ਸੀਸ ਉਠਾ ਕੇ,
ਆਪਣੇ ਬਾਪ ਦਾ ਸੀਸ ਕਟਾਕੇ !
ਚਾਂਦਨੀ ਚੌਕ ਵਿਚ
ਰਖਵਾਉਣਾ!
ਚਾਂਦਨੀ ਚੌਕ 'ਚੋਂ
ਸੀਸ ਉਠਾ ਕੇ,
ਹਿੱਕ ਨਾਲ ਲਾ ਕੇ,
ਅਨੰਦਪੁਰ ਸਾਹਿਬ ਪਹੁੰਚਾਉਣਾ!
ਦਸਮ ਪਿਤਾ ਦੀ
ਝੋਲੀ ਦੇ ਵਿਚ
ਨਾਲ ਅਦਬ ਦੇ ਪਾਉਣਾ!
ਤੇਰਾ ਕੌਣ ਦੇਊਗਾ ਦੇਣਾ!
ਤੇਰਾ ਕੌਣ ਦੇਊਗਾ ਦੇਣਾ!
ਧਰਮ ਦੇ ਠੇਕੇਦਾਰਾਂ
ਧਾਰਿਆ,
ਤੇਰਾ ਨਾਂ ਲੁਕੋਣਾ!
ਨਾ ਤੇਰਾ ਨਾਂ ਚਮਕਾਉਣਾ!
ਨਾ ਤੇਰੇ ਨਾਂ 'ਤੇ
ਕੋਈ ਸ਼ਹਿਰ ਵਸਾਉਣਾ!
ਨਾ ਤੇਰੇ ਨਾਂ 'ਤੇ
ਯਾਦਗਾਰ ਬਣਾਉਣਾ!
ਤੂੰ ਮੁਗਲਾਂ ਨੂੰ ਸਬਕ ਸਿਖਾਇਆ !
ਸ਼ੇਰਾਂ ਵਾਗੂੰ
ਗੜ-ਗੜਾਇਆ!
ਤੂੰ ਸਿੱਖ ਕੌਮ ਦਾ
ਉੱਤਮ ਗਹਿਣਾ।
ਤੇਰਾ ਕੌਣ ਦੇਊਗਾ ਦੇਣਾ?
ਤੇਰਾ ਕੌਣ ਦੇਊਗਾ ਦੇਣਾ!
-ਸੁਖਦੇਵ ਸਲੇਮਪੁਰੀ
09780620233
5 ਸਤੰਬਰ, 2022.
