ਜਗਰਾਉਂ ਅਗਸਤ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) ਅੱਜ ਇੱਥੇ ਐਲ ਆਰ ਡੀ ਏ ਵੀ ਕਾਲਜ ਜਗਰਾਉਂ ਵਿਖੇ ਕਾਲਜ ਦੇ ਪ੍ਰਿੰਸੀਪਲ ਡਾ ਅਨੂਜ ਕੁਮਾਰ ਸ਼ਰਮਾ ਜੀ ਦੀ ਅਗਵਾਈ ਵਿਚ ਕਾਲਜ ਦੇ ਸਾਬਕਾ ਪ੍ਰੋਫੈਸਰ ਸ੍ਰੀ ਮਤੀ ਊਸ਼ਾ ਸ਼ਰਮਾ ਜੀ ਨੇ ਇੰਡੋਰ ਸਪੋਰਟਸ ਰੂਮ ਦਾ ਉਦਘਾਟਨ ਕੀਤਾ, ਪ੍ਰੋਫੈਸਰ ਊਸ਼ਾ ਸ਼ਰਮਾ ਜੀ ਵਲੋਂ ਆਪਣੇ ਸਵਰਗੀ ਪਤੀ ਸ੍ਰੀ ਜਤਿੰਦਰ ਸ਼ਰਮਾ ਜੀ ਦੀ ਯਾਦ ਵਿੱਚ ਕਾਲਜ ਦੇ ਇੰਡੋਰ ਸਪੋਰਟਸ ਰੂਮ ਲਈ ਇਕ ਲੱਖ ਰੁਪਏ ਦੀ ਰਾਸ਼ੀ ਦਾਨ ਕੀਤੀ ਗਈ।ਇੰਡੋਰ ਸਪੋਰਟਸ ਰੂਮ ਵਿਚ ਟੇਬਲ ਟੈਨਿਸ, ਸ਼ਤਰੰਜ ਅਤੇ ਕੈਰੰਮ ਬੋਰਡ ਖੇਡਣ ਦੀ ਸਹੁਲਤ ਮੁਹਇਆ ਕਰਵਾਈ ਗਈ।ਸ੍ਰੀ ਮਤੀ ਊਸ਼ਾ ਸ਼ਰਮਾ ਜੀ ਨੇ ਕਿਹਾ ਕਿ ਖੇਡਾਂ ਸਾਡਾ ਸਰੀਰਕ ਤੇ ਮਾਨਸਿਕ ਵਿਕਾਸ ਕਰਦਿਆਂ ਹਨ ਅਤੇ ਖੇਡਾਂ ਇਕ ਨਰੋਆ ਸਮਾਜ ਸਿਰਜਣ ਵਿਚ ਸਹਾਈ ਹੁੰਦੀਆਂ ਹਨ, ਇਸ ਮੌਕੇ ਤੇ ਕਾਲਜ ਦੇ ਪ੍ਰਿੰਸੀਪਲ ਡਾ ਅਨੂਜ ਕੁਮਾਰ ਸ਼ਰਮਾ ਜੀ ਨੇ ਊਸ਼ਾ ਸ਼ਰਮਾ ਜੀ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪ੍ਰੋਫੈਸਰ ਊਸ਼ਾ ਸ਼ਰਮਾ ਜੀ ਸਾਨੂੰ ਹਰ ਸਮੇਂ ਸਹਿਯੋਗ ਕਰਦੇ ਹਨ ਇਸ ਲਈ ਅਸੀਂ ਇਹਨਾਂ ਦੇ ਸਦਾ ਰਿਣੀ ਰਹਾਂਗੇ ਇਸ ਸਮੇਂ ਡਾ ਬਿੰਦੂ ਸ਼ਰਮਾ,ਡਾ ਸੈਲਿਜਾ ਗੋਇਲ,ਡਾ ਨੀਤੀ ਜੈਨ,ਡਾ ਸੁਭਾਸ਼ ਚੰਦ,ਡਾ ਕੁਨਾਲ ਮਹਿਤਾ, ਪ੍ਰੋਫੈਸਰ ਰੇਨੂੰ ਸਿੰਗਲਾ, ਪ੍ਰੋਫੈਸਰ ਕਲਿਕਾ ਜੈਨ, ਅਤੇ ਪ੍ਰੋਫੈਸਰ ਰੋਹਿਤ ਵਰਮਾ ਤੇ ਸਮੂਹ ਸਟਾਫ ਹਾਜ਼ਰ ਸੀ।
