ਮੁੜ ਆਈਆਂ ਫੇਰ ਬਹਾਰਾਂ ਨੇ, ਮਹਿਬੂਬ ਮੇਰੇ
ਤੂੰ ਨਾ ਮੋੜੀਆਂ ਅਜੇ ਮੁਹਾਰਾਂ ਨੇ, ਮਹਿਬੂਬ ਮੇਰੇ
ਮੈਂ ਦਿਲ ਉੱਤੇ ਲਿਖ ਦਿੱਤਾ ਏ, ਜੀ ਆਇਆਂ ਨੂੰ
ਤੇਰੇ ਇਸ਼ਕ ਨੇ ਜਾਦੂ ਕੀਤਾ ਏ, ਜੀ ਆਇਆਂ ਨੂੰ
ਮੈਨੂੰ ਆਣ ਜਗਾਇਆ ਪਿਆਰਾਂ ਨੇ, ਮਹਿਬੂਬ ਮੇਰੇ
ਮੁੜ ਆਈਆਂ ਫੇਰ-------
ਇਸ ਦਿਲ ਤੇ ਕਬਜ਼ਾ ਕੀਤਾ ਏ, ਤਨਹਾਈਆਂ ਨੇ
ਮੈਨੂੰ ਪਾਗ਼ਲ ਹੀ ਕਰ ਦਿੱਤਾ ਏ, ਤਨਹਾਈਆਂ ਨੇ
ਅਜੇ ਦਿਲ ਵਿੱਚ ਖ਼ਾਬ ਹਜ਼ਾਰਾਂ ਨੇ, ਮਹਿਬੂਬ ਮੇਰੇ
ਮੁੜ ਆਈਆਂ ਫੇਰ-------
ਜਦ 'ਜਾਨੂੰ' ਆਖ ਬੁਲਾਵਾਂ ਗਾ, ਤੂੰ ਆ ਜਾਵੀਂ
ਕੋਈ ਗੀਤ 'ਰਮੇਸ਼' ਦਾ ਗਾਵਾਂ ਗਾ, ਤੂੰ ਆ ਜਾਵੀਂ
ਸੁਰ ਛੇੜੇ ਦਿਲ ਦੀਆਂ ਤਾਰਾਂ ਨੇ, ਮਹਿਬੂਬ ਮੇਰੇ
ਮੁੜ ਆਈਆਂ ਫੇਰ-------
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
