ਲੰਡਨ , 09 ਜੁਲਾਈ ( ਖਹਿਰਾ ) ਅੱਜ ਅਮਰੀਕੀ ਕਾਂਗਰਸ ਲਈ ਚੁਣੀ ਗਈ ਪਹਿਲੀ ਹਿਜਾਬ ਪਹਿਨਣ ਵਾਲੀ ਮੁਸਲਿਮ ਔਰਤ ਈਲਾਨ ਉਮਰਾ ਅਤੇ ਯੂਰਪੀਅਨ ਸੰਸਦ ਲਈ ਕੇਵਲ ਤੇ ਕੇਵਲ ਚੁਣੇ ਗਏ ਸਤਾਰਧਾਰੀ ਸਿੱਖ ਤਨਮਨਜੀਤ ਸਿੰਘ ਢੇਸੀ ਦੀ ਵਿਸ਼ੇਸ਼ ਮੁਲਾਕਾਤ ਹੋਈ । ਇਸ ਮੀਟਿੰਗ ਬਾਰੇ ਜਾਣਕਾਰੀ ਦਿੰਦੇ ਤਨਮਨਜੀਤ ਸਿੰਘ ਢੇਸੀ ਨੇ ਸਾਡੇ ਪ੍ਰਤੀਨਿਧੀ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਇਹ ਮਿਲਣੀ ਪ੍ਰਤੀਕਾਤਮਕ ਅਤੇ ਭਾਵਨਾਤਮਕ ਸੀ । ਕਿਉਂਕਿ ਅਸੀਂ ਲੋਕ ਹਾਂ ਜਿਨ੍ਹਾਂ ਦੇ ਪਹਿਰਾਵੇ ਉੱਪਰ ਸਦਾ ਹੀ ਕਿਤੇ ਨਾ ਕਿਤੇ ਕੋਈ ਨਾ ਕੋਈ ਤਨਜ਼ ਕਸਦਾ ਰਹਿੰਦੈ ਹੈ ਪਰ ਮੈਂ ਆਸਵੰਦ ਹਾਂ ਕਿ ਜੇਕਰ ਸਾਡੇ ਸਾਥੀਆਂ ਨੂੰ ਇਸ ਗੱਲ ਦੀ ਸਮਝ ਪੈ ਜਾਵੇ ਕਿ ਪਹਿਰਾਵਾ ਇਨਸਾਨ ਦਾ ਕਿਸੇ ਦਾ ਵਿਰੋਧ ਨਹੀਂ ਕਰਦਾ ਫਿਰ ਭਾਈਚਾਰਕ ਸਾਂਝ ਅਤੇ ਪਿਆਰ ਮੁਹੱਬਤ ਮਜ਼ਬੂਤ ਹੋਣਗੇ ।
