ਆਮ ਆਦਮੀ ਪਾਰਟੀ ਦੇ ਮਹਿਲਾ ਵਿੰਗ ਜਿਲ੍ਹਾ ਮੋਗਾ ਦੀ ਟੀਮ ਵੱਲੋਂ ਸਰਗਰਮੀਆਂ ਤੇਜ਼
ਧਰਮਕੋਟ ਜੁਲਾਈ 7 (ਮਨੋਜ ਕੁਮਾਰ ਨਿੱਕੂ )11 ਜੂਨ ਤੋਂ ਰੁੱਖ਼ ਲਗਾਉਂ ਜੀਵਨ ਬਚਾਓ ਦਾ ਹੋਕਾ ਪਿੰਡ ਕੋਠੇ ਮੁਹੱਬਤ ਪੱਤੀ ਚੜਿੱਕ ਰੋਡ ਮੋਗਾ ਤੋਂ ਦਿੱਤਾ ਜਿਸ ਤਹਿਤ ਮਹਿਲਾ ਵਿੰਗ ਨੇ ਹੁਣ ਤੱਕ ਸੈਂਕੜੇ ਪੌਦੇ ਲਗਾਕੇ ਉਸ ਦੀ ਸਾਂਭ ਸੰਭਾਲ ਦੀ ਜ਼ਿੰਮੇਵਾਰੀ ਵੀ ਵਲੰਟੀਅਰਾਂ ਨੂੰ ਦਿਤੀ ਜਾ ਰਹੀ ਹੈ
ਇਸ ਸਬੰਧੀ ਕੋਟ ਈਸੇ ਖਾਂ ਦੇ ਵਾਰਡ ਨੰਬਰ 3 ਸੁੰਦਰ ਨਗਰ ਗਲੀ ਨੰਬਰ 11 ਵਿਚ ਮਹਿਲਾ ਵਿੰਗ ਦੀ ਟੀਮ ਦਾ ਨਵਾਂ ਗਠਨ ਤਿਆਰ ਕੀਤਾ ਗਿਆ ਹੈ
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮਹਿਲਾ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਭੈਣ ਕਮਲਜੀਤ ਕੌਰ ਮੋਗਾ , ਇੰਦਰਜੀਤ ਸਿੰਘ ਜੈਤੋ ਸੰਭਾਵੀਂ ਉਮੀਦਵਾਰ ਲੋਕ ਸਭਾ, ਐਂਟੀ ਕਰੱਪਸ਼ਨ ਆਗੂ ਭਾਈ ਬਲਵੀਰ ਸਿੰਘ ਪਾਂਧੀ, ਸਰਬਜੀਤ ਕੌਰ ਘੱਲਕਲਾਂ, ਕਰਨ ਮੋਗਾ ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਹੈ ਕਿ ਮਹਿਲਾ ਵਿੰਗ ਦੀ ਪੰਜਾਬ ਟੀਮਾਂ ਨੇ ਸੰਗਰੂਰ ਵਿਖੇ ਲੋਕ ਸਭਾ ਚੋਣਾਂ ਲਈ ਬਹੁਤ ਵੱਡਾ ਯੋਗਦਾਨ ਪਾਇਆ ਸੀ ਕਿਉਂਕਿ ਮਹਿਲਾ ਵਿੰਗ ਪੰਜਾਬ ਨੇ ਦਿਨ ਰਾਤ ਇੱਕ ਕਰਕੇ ਪਿੰਡ ਤੇ ਸ਼ਹਿਰਾਂ ਵਿਚ ਪ੍ਰਚਾਰ ਕੀਤਾ ਸੀ
ਇਸ ਤਹਿਤ ਜ਼ਿਲ੍ਹਾ ਦੇ ਚਾਰੇ ਹਲਕਿਆਂ ਵਿਚ ਆਮ ਆਦਮੀ ਪਾਰਟੀ ਦੀ ਮਹਿਲਾ ਵਿੰਗ ਦੇ ਵੱਲੋਂ ਸਰਗਰਮੀਆਂ ਤੇਜ਼ ਕੀਤੀਆਂ ਹਨ
ਸੁੰਦਰ ਨਗਰ ਦੀ ਮੈਡਮ ਗੁਰਪ੍ਰੀਤ ਕੌਰ ਦੇ ਘਰ ਮੀਟਿੰਗ ਰੱਖੀ ਗਈ ਜਿਸ ਵਿੱਚ ਅਨੇਕਾਂ ਭੈਣਾਂ ਨੇ ਹਿੱਸਾ ਲਿਆ
ਇਸ ਉਪਰੰਤ ਪਿੰਡ ਚਿਰਾਗਸਾਹ ਵਾਲਾ ਵਿਖੇ ਕੁੱਝ ਪਰਵਾਰਿਕ ਝਗੜਿਆਂ ਦਾ ਨਿਬੇੜਾ ਕੀਤਾ ਗਿਆ ਉਪਰੰਤ ਮਹਿਲਾ ਵਿੰਗ ਦੇ ਵੱਲੋਂ ਧਰਮਕੋਟ ਵਿਖੇ ਲੱਗੇ ਨਗਰ ਕੌਂਸਲ ਦਫ਼ਤਰ ਵਿਖੇ ਕੈਪ ਵਿਚ ਮਰੀਜ਼ਾਂ ਦਾ ਹਾਲ ਚਾਲ ਪੁੱਛਿਆ ਗਿਆ
ਇਸ ਮੌਕੇ ਤੇ ਪਵਨ ਰੇਲੀਆ, ਕੋਂਸਲਰ ਗੁਰਮੀਤ ਸਿੰਘ ਮੁਖੀਜਾ, ਅਮਰਜੀਤ ਸਿੰਘ ਕੋਸਲਰ ਹਾਜਰ ਸਨ
