ਦੀਨ ਈਮਾਨ ਨਾ ਓਨਾਂ ਦਾ ਕੋਈ ਹੁੰਦਾ,
ਧਾਰਮਿਕ ਅਸਥਾਨਾਂ ਨੂੰ ਨਿਸ਼ਾਨਾ ਬਣਾਂਵਦੇ ਜੋ।
ਇਨਸਾਨੀਅਤ ਦੇ ਦੁਸ਼ਮਣ ਹੁੰਦੇ ਨੇ ਓਹ ਪੱਕੇ,
ਭਾਈਆਂ ਭਾਈਆਂ ਵਿੱਚ ਵੰਡੀਆਂ ਪਾਂਵਦੇ ਜੋ।
ਕੰਧ ਨਫ਼ਰਤ ਦੀ ਉਸਾਰਦੇ ਵਿੱਚ ਦੁਨੀਆਂ,
ਆਪਣਿਆਂ ਨੂੰ ਆਪਣਿਆਂ ਦੇ ਨਾਲ ਲੜਾਂਵਦੇ ਜੋ।
ਕੁਲੈਹਿਣੇ ਲੋਕ ਓਹ ਧਰਤੀ ਤੇ ਭਾਰ ਹੁੰਦੇ,
ਜੱਗ ਵਿੱਚ ਹੈਵਾਨੀਅਤ ਫੈਲਾਂਵਦੇ ਜੋ।
ਨਾ ਓਹ ਬਣੇ ਕਿਸੇ ਦੇ ਤੇ ਨਾ ਹੀ ਓਨਾਂ ਹੈ ਬਨਣਾ,
ਓਸ ਪਰਵਦਗਾਰ ਨੂੰ ਦਿਲੋਂ ਭੁਲਾਂਵਦੇ ਜੋ।
ਸੱਚਾ ਸਤਿਗੁਰੂ ਹੀ ਜੇਕਰ ਸੁਮੱਤ ਬਖਸ਼ੇ,
ਓਹਦੇ ਚਰਨੀਂ ਡਿੱਗ ਭੁਲਾਂ ਬਖ਼ਸ਼ਾਂਵਦੇ ਓਹ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
