ਹਠੂਰ,18,ਜੂਨ-(ਕੌਸ਼ਲ ਮੱਲ੍ਹਾ)-ਪਿੰਡ ਬੱਸੂਵਾਲਾ ਦੀ ਮੁੱਖ ਫਿਰਨੀ ਤੇ ਖੜੇ ਪਾਣੀ ਤੋ ਪਿੰਡ ਵਾਸੀਆ ਨੂੰ ਕਾਫੀ ਪ੍ਰੇਸਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਡਕੌਂਦਾ ਦੇ ਬਲਾਕ ਸਕੱਤਰ ਤਰਸੇਮ ਸਿੰਘ ਬੱਸੂਵਾਲ ਨੇ ਦੱਸਿਆ ਕਿ ਪਿੰਡ ਬੱਸੂਵਾਲ ਵਾਲੀ ਫਿਰਨੀ ਕਾਫੀ ਨੀਵੀ ਹੋਣ ਕਰਕੇ ਅਤੇ ਸੜਕ ਦੇ ਨਾਲ ਲੱਗਦੀ ਸਰਕਾਰੀ ਕੱਸੀ ਦੇ ਖਾਲ ਨੂੰ ਬੰਦ ਕਰਕੇ ਕੀਤੇ ਨਜਾਇਜ ਕਬਜੇ ਕਾਰਨ ਸੜਕ ਤੇ ਪਿੰਡ ਦੀਆ ਨਾਲੀਆ ਦਾ ਪਾਣੀ ਹਰ ਸਮੇਂ ਖੜ੍ਹਾ ਰਹਿੰਦਾ ਹੈ।ਇਸ ਸਮੱਸਿਆ ਨੂੰ ਹੱਲ ਕਰਵਾਉਣ ਲਈ ਉਹ ਪਿਛਲੇ 18 ਮਹੀਨਿਆ ਤੋ ਮਾਰਕੀਟ ਕਮੇਟੀ ਹਠੂਰ,ਬੀ ਡੀ ਪੀ ਓ ਦਫਤਰ ਜਗਰਾਓ ਅਤੇ ਹੋਰ ਪ੍ਰਸਾਸਨ ਦੇ ਅਧਿਕਾਰੀਆ ਨੂੰ ਮਿਲ ਚੁੱਕੇ ਹਨ ਪਰ ਪਿਛਲੀ ਕਾਗਰਸ ਦੀ ਸਰਕਾਰ ਅਤੇ ਮੌਜੂਦਾ ਆਪ ਸਰਕਾਰ ਇਸ ਸਮੱਸਿਆ ਨੂੰ ਹੱਲ ਕਰਨ ਦੀ ਕੋਈ ਤਬੱਜੋ ਨਹੀ ਦਿੱਤੀ।ਉਨ੍ਹਾ ਕਿਹਾ ਕਿ ਆਪ ਸਰਕਾਰ ਭਾਵੇ ਪੰਜਾਬ ਵਿਚੋ ਸੈਕੜੇ ਏਕੜ ਨਜਾਇਜ ਜਮੀਨੀ ਕਬਜੇ ਛਵਾਉਣ ਦੇ ਦਾਅਵੇ ਕਰਦੀ ਨਹੀ ਥੱਕਦੀ ਪਰ ਪਿੰਡ ਬੱਸੂਵਾਲ ਦੇ ਲੋਕਾ ਨੇ ਸਰਕਾਰੀ ਕੱਸੀ ਦਾ ਖਾਲ ਤੇ ਕਬਜਾ ਕੀਤਾ ਹੋਇਆ ਹੈ ਅਤੇ ਪ੍ਰਸਾਸਨ ਦੇ ਅਧਿਕਾਰੀ ਇਨਕੁਆਰੀ ਕਰਨ ਆਉਦੇ ਹਨ ਤਾਂ ਮਸਲਾ ਫਿਰ ਠੰਡੇ ਬਕਸੇ ਵਿਚ ਪੈ ਜਾਦਾ ਹੈ।ਉਨ੍ਹਾ ਕਿਹਾ ਕਿ ਜੇਕਰ ਕੱਸੀ ਦੇ ਖਾਲ ਤੇ ਕੀਤੇ ਕਬਜੇ ਜਲਦੀ ਨਾਂ ਛੜਾਏ ਅਤੇ ਸੜਕ ਤੇ ਖੜੇ ਪਾਣੀ ਦਾ ਜਲਦੀ ਹੱਲ ਨਾ ਕੀਤਾ ਤਾਂ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਡਕੌਂਦਾ ਦੀ ਅਗਵਾਈ ਹੇਠ ਬੀ ਡੀ ਪੀ ਓ ਦਫਤਰ ਜਗਰਾਓ ਅੱਗੇ ਰੋਸ ਪ੍ਰਦਰਸਨ ਕੀਤਾ ਜਾਵੇਗਾ।ਇਸ ਮੌਕੇ ਉਨ੍ਹਾ ਨਾਲ ਪ੍ਰਧਾਨ ਦਲਜੀਤ ਕੌਰ,ਅਮਰਜੀਤ ਕੌਰ,ਪਰਵਿੰਦਰ ਕੌਰ,ਚਰਨਜੀਤ ਕੌਰ,ਸਰਨਜੀਤ ਕੌਰ,ਤੇਜਾ ਸਿੰਘ ਆਦਿ ਹਾਜ਼ਰ ਸਨ।ਇਸ ਸਬੰਧੀ ਜਦੋ ਸਤਵਿੰਦਰ ਸਿੰਘ ਕੰਗ ਬੀ ਡੀ ਪੀ ਓ ਜਗਰਾਓ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਇਸ ਸਮੱਸਿਆ ਦਾ ਜਲਦੀ ਹੱਲ ਕੀਤਾ ਜਾਵੇਗਾ।
ਫੋਟੋ ਕੈਪਸ਼ਨ:-ਸੜਕ ਤੇ ਖੜ੍ਹਾ ਪਾਣੀ ਦਿਖਾਉਦੇ ਹੋਏ ਤਰਸੇਮ ਸਿੰਘ ਬੱਸੂਵਾਲ ਅਤੇ ਹੋਰ।
