ਸੇਹ ਦੇ ਤੱਕਲੇ! ✍️ ਸਲੇਮਪੁਰੀ ਦੀ ਚੂੰਢੀ

- ਭਗਵੰਤ ਸਿਹਾਂ!
ਪੰਜਾਬ ਦੀ ਉਲਝੀ
ਤਾਣੀ ਨੂੰ
ਸੁਲਝਾਉਣਾ
ਸੌਖਾ ਨਹੀਂ,
 ਇਥੇ ਤਾਂ
 ਖੇਤ ਖਾਣ ਲਈ
ਮੂੰਹ ਅੱਡ ਕੇ
ਵਾੜ ਖੜ੍ਹੋਤੀ ਆ!
ਫਿਲੌਰ 'ਚ
 ਚਿੱਟਾ ਖਾਣ
 ਤੇ ਵੇਚਣ,
ਤੇ ਫਿਰ
ਇੱਕ ਔਰਤ ਵਲੋਂ
 ਮੁੱਖ ਮੰਤਰੀ ਨੂੰ
 ਲਲਕਾਰਨਾ
ਪੰਜਾਬ ਨੂੰ
 ਕਿਸ ਦਿਸ਼ਾ ਵੱਲ
ਲੈ ਤੁਰੇਗਾ?
ਭਗਵੰਤ ਸਿੰਹਾਂ -
ਜਿਹੜੇ ਰਾਹ
ਤੂੰ ਤੁਰ ਪਿਆ,
ਉੱਖਲੀ 'ਚ ਸਿਰ
ਦੇਣ ਤੋਂ
ਘੱਟ ਨਹੀਂ!
ਤੂੰ ਚੋਰਾਂ ਤੇ ਸਾਧਾਂ
ਵਿਚਾਲੇ
ਕਿਵੇਂ ਲੀਕ ਖਿੱਚੇੰਗਾ?
ਇਥੇ ਤਾਂ
ਬਾਬਿਆਂ ਦੇ ਡੇਰੇ
ਜਿਥੇ ਮੱਥੇ
ਰਗੜ ਰਗੜ ਕੇ ਲੋਕ
ਚਮੜੀ ਉਧੇੜ ਬੈਠਦੇ ਨੇ,
ਉਥੇ ਟ੍ਰਾਂਸਫਾਰਮਰ ਨਾਲ
 ਹਾਈਟੈੰਸ਼ਨ ਤੋਂ
ਸਿੱਧੀਆਂ ਤਾਰਾਂ ਜੋੜ ਕੇ
ਕਾਲਜੇ ਠੰਡ ਪਾਉਣ!
ਹਨੇਰਾ ਮਿਟਾਉਣ !
ਤੇ  'ਰੱਬ' ਨੂੰ ਮਿਲਾਉਣ
ਵਾਲਿਆਂ ਨੂੰ
'ਸੱਚ ਦਾ ਪਾਠ'
ਪੜ੍ਹਾਉਣਾ,
ਤੇ ਸੱਪਾਂ ਦੀਆਂ ਖੁੱਡਾਂ
ਵਿਚ ਹੱਥ ਪਾਉਣਾ!
ਇੱਕ ਬਰਾਬਰ ਆ!
ਭਗਵੰਤ ਸਿੰਹਾਂ!
ਵੇਖੀਂ
ਤੇਰੇ ਦੁਸ਼ਮਣਾਂ ਨਾਲ
ਮਿਲਕੇ
ਕਿਤੇ ਤੇਰੇ
ਆਪਣੇ ਹੀ
ਤੇਰੇ ਰਾਹ ਵਿਚ
'ਸੇਹ ਦੇ ਤੱਕਲੇ'
ਨਾ ਗੱਡ ਦੇਣ!
-ਸੁਖਦੇਵ ਸਲੇਮਪੁਰੀ
09780620233
13 ਮਈ, 2022.