ਮਹਿਲ ਕਲਾਂ /ਬਰਨਾਲਾ -29 ਅਪ੍ਰੈਲ (ਗੁਰਸੇਵਕ ਸੋਹੀ )- ਪੁਲਿਸ ਥਾਣਾ ਠੁੱਲੀਵਾਲ ਅਧੀਨ ਪੈਂਦੇ ਇੱਕ ਪਿੰਡ 'ਚ ਇੱਕ ਵਿਆਕਤੀ ਵੱਲੋਂ 8 ਸਾਲਾ ਬੱਚੇ ਨਾਲ ਬਦਫੈਲੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਥਾਣਾ ਠੁੱਲੀਵਾਲ ਨੂੰ ਦਿੱਤੇ ਬਿਆਨਾ 'ਚ ਬਿੱਲੂ ਸਿੰਘ ਵਾਸੀ ਠੁੱਲੇਵਾਲ ਨੇ ਦੱਸਿਆ ਕਿ 27 ਅਪ੍ਰੈਲ ਸ਼ਾਮ 4 ਵਜੇ ਦੇ ਕਰੀਬ ਮੇਰਾ ਪੋਤਰਾ ਸਾਡੇ ਘਰ ਦੇ ਨੇੜੇ ਸਕੂਲ ਗਰਾਊਂਡ ਵਿਚ ਖੇਡਣ ਗਿਆ ਸੀ ।ਜਦੋਂ ਵਕਤ ਕਰੀਬ 5 ਵਜੇ ਸ਼ਾਮ ਵਾਪਸ ਘਰ ਆਇਆ ਤਾਂ ਉਹ ਮੈਨੂੰ ਕਹਿਣ ਲੱਗਾ ਮੇਰੇ ਪੇਟ ਤੇ ਪਿੱਠ ਵਿੱਚ ਦਰਦ ਹੋ ਰਿਹਾ ਹੈ। ਮੈਂ ਉਸ ਨੂੰ ਪੁੱਛਿਆ ਕਿ ਤੂੰ ਕੀ ਖਾਧਾ ਸੀ ਤਾਂ ਮੇਰੇ ਪੋਤੇ ਨੇ ਮੈਨੂੰ ਰੋ ਕੇ ਦੱਸਿਆ ਕਿ ਆਪਣੇ ਪਿੰਡ ਦਾ ਬਲਬੀਰ ਸਿੰਘ ਮੈਨੂੰ ਸਕੂਲ ਦੇ ਗਰਾਊਂਡ 'ਚੋਂ ਚੁੱਕ ਕੇ ਜਿੰਮ ਵਾਲੇ ਕਮਰੇ ਵਿੱਚ ਲੈ ਗਿਆ ਸੀ ਜਿਸ ਨੇ ਮੇਰੇ ਨਾਲ ਗਲਤ ਕੰਮ ਕੀਤਾ ਹੈ। ਇਸ ਸਬੰਧੀ ਉਨ੍ਹਾਂ ਵੱਲੋਂ ਪਿੰਡ ਦੇ ਸਰਪੰਚ ਨੂੰ ਵੀ ਦੱਸਿਆ ਗਿਆ । ਮੇਰੇ ਪੋਤੇ ਦੇ ਪੇਟ 'ਚ ਜ਼ਿਆਦਾ ਦਰਦ ਹੋਣ ਲੱਗ ਪਿਆ ਮੈਂ ਇਸ ਦਾ ਇਲਾਜ ਕਰਵਾਉਣ ਲਈ ਸਿਵਲ ਹਸਪਤਾਲ ਧਨੌਲਾ ਲੈ ਆਇਆ ਜੋ ਕਿ ਜ਼ੇਰੇ ਇਲਾਜ ਸੀ ਐਚ ਸੀ ਧਨੌਲਾ ਦਾਖਲ ਹੈ। ਇਸ ਮਾਮਲੇ ਨੂੰ ਲੈ ਕੇ ਥਾਣਾ ਠੁੱਲੀਵਾਲ ਦੀ ਪੁਲਿਸ ਵੱਲੋਂ ਮੁਕੱਦਮਾ ਦਰਜ ਕਰਕੇ ਅਗਲੀ ਵਿਭਾਗੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ।
