ਸੁਧਾਰ, 19 ਅਪ੍ਰੈਲ (ਜਗਰੂਪ ਸਿੰਘ ਸੁਧਾਰ ) ਅੱਜ ਮਿਤੀ 19-04-22 ਨੂੰ ਪੰਜਾਬ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਐਸ ਐਮ ਓ ਸੁਧਾਰ ਡਾ ਦਵਿੰਦਰ ਕੁਮਾਰ ਸੰਧੂ ਦੀ ਅਗਵਾਹੀ ਹੇਠ ਸੀ ਐਚ ਸੀ ਵਿਖੇ ਸਿਹਤ ਮੇਲਾ ਲਗਵਾਇਆ ਗਿਆ। ਇਸ ਸਿਹਤ ਮੇਲੇ ਵਿੱਚ ਵੱਖ ਵੱਖ ਬਿਮਾਰੀਆਂ ਨਾਲ ਪੀੜਤ ਮਰੀਜਾਂ ਦਾ ਡਾਕਟਰਾਂ ਦੁਆਰਾ ਚੈਕ ਅੱਪ ਕੀਤਾ ਗਿਆ। ਜਿਸ ਵਿੱਚ ਜਰਨਲ ਓ ਪੀ ਡੀ, ਸਰਜਰੀ, ਗਾਇਨੀ ਚੈਕ ਅੱਪ, ਆਯੂਰਵੈਦਿਕ , ਹੋਮਿਓਪੈਥਿਕ , ਦੰਦਾਂ ਦੇ ਮਾਹਿਰ ਡਾਕਟਰ ਸ਼ਾਮਿਲ ਸਨ। ਇਸ ਮੇਲੇ ਵਿੱਚ non communicable disease (NCD) ਅੱਖਾਂ ਦਾ ਚੈਕ ਅੱਪ ਕੀਤਾ ਗਿਆ। ਮਰੀਜਾਂ ਨੂੰ ਮੌਕੇ ਤੇ ਹੀ ਮੁਫ਼ਤ ਦਵਾਈਆਂ ਦੇ ਨਾਲ ਨਾਲ ਖੂਨ ਦੇ ਟੈਸਟ ਵੀ ਮੁਫ਼ਤ ਕਰਵਾਏ ਗਏ। ਸਿਹਤ ਮੇਲੇ ਵਿੱਚ ਜਿਲ੍ਹਾ ਪੱਧਰੀ ਟੀਮ ਵਲੋਂ ਖੂਨ ਦਾਨ ਕੈੰਪ ਵੀ ਲਗਾਇਆ ਗਿਆ। ਇਸ ਮੇਲੇ ਦੀ ਦੇਖ ਰੇਖ ਡਾ ਵਰਿੰਦਰ ਜੋਸ਼ੀ,dr ਸੁਧੀਰ ਡਾ ਅਮਨਦੀਪ , ਹੈਲਥ ਇੰਸਪੈਕਟਰ ਅਵਤਾਰ ਸਿੰਘ ਅਤੇ ਐੱਲ ਐਚ ਵੀ ਦਰਸ਼ਨ ਕੌਰ ਨੇ ਕੀਤੀ। ਇਸ ਮੌਕੇ ਡਾ ਅਵਨੀਤ, ਡਾ ਸਰਵਉਤਮ, ਡਾ ਗੌਰਵ ਚੋਪੜਾ, ਡਾ ਰੂਬਲ, ਡਾ ਲੱਕੀ ਗਾਬਾ, ਡਾ ਸਵਿਤਾ, ਡਾ ਰਵਨੀਤ ਕੌਰ ਅਤੇ ਸਿਹਤ ਕਰਮਚਾਰੀਆਂ ਨੇ ਆਪਣਾ ਵਡਮੁੱਲਾ ਯੋਗਦਾਨ ਪਾਇਆ। ਇਸ ਸਿਹਤ ਮੇਲੇ ਵਿੱਚ 450 ਤੋਂ ਜ਼ਿਆਦਾ ਮਰੀਜਾਂ ਨੇ ਸੇਵਾਵਾਂ ਦਾ ਲਾਭ ਲਿਆ
