ਰਾਜਨੀਤੀ ਗੰਧਲੀ ਹੋ ਗਈ ਭਾਰਤ ਦੇਸ਼ ਦੀ ਹੈ,
ਦੀਨ ਈਮਾਨ ਨਾ ਰਿਹਾ ਕੋਈ ਸਿਆਸੀਆਂ ਦਾ।
ਸਿਆਸਤ ਤੋਂ ਪਹਿਲਾਂ ਜਦੋਂ ਲੋਕਾਂ ਵਿੱਚ ਵਿਚਰਦੇ ਨੇ,
ਅਹਿਸਾਸ ਕਰਵਾ ਜਾਂਦੇ ਮਿੱਠੀਆਂ ਗੱਲਾਂ ਖਾਸੀਆਂ ਦਾ।
ਦਬਦਬਾ ਬਣਾ ਕੇ ਜ਼ਮੀਨਾਂ ਤੇ ਕਰਨ ਕਬਜ਼ੇ,
ਰੋਣਾ ਸੁਣਦਾ ਨਹੀਂ ਕੋਈ ਇਥੇ ਪ੍ਰਵਾਸੀਆਂ ਦਾ।
ਸਿਆਸੀ ਕੁਰਸੀ ਤੇ ਬੈਠ ਪਿਛੋਕੜ ਨੂੰ ਭੁੱਲ ਜਾਂਦੇ,
ਆਖਿਰ ਭੋਗਣਾ ਪੈਣਾ ਹੈ ਦੁੱਖ ਚੁਰਾਸੀਆਂ ਦਾ।
ਮਹਿਲ ਕੋਠੀਆਂ ਜ਼ਮੀਨਾਂ ਧੜਾਧੜ ਬਣਾਂਵਦੇ ਨੇ,
ਰੱਖਣ ਕਾਨੂੰਨ ਨੂੰ ਰਖੇਲ ਬਣਾ ਕੇ ਜੀ।
ਜਿਹੜੇ ਦੇਸ਼ ਚ ਫ਼ੈਸਲੇ ਦਹਾਕਿਆਂ ਤੋਂ ਪਏ ਪੈਂਡਿੰਗ,
ਕੀ ਕਰੂਗਾ ਕੋਈ ਰੌਲਾ ਓਥੇ ਫਿਰ ਪਾ ਕੇ ਜੀ?
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
