ਲੁਧਿਆਣਾ, ਜੁਲਾਈ 2019 - (ਮਨਜਿੰਦਰ ਗਿੱਲ)- ਪਿਸਲੇ ਦਿਨੀਂ ਸੰਨੀ ਦਿਉਲ ਵੱਲੋਂ ਇਕ ਪੱਤਰ ਜਾਰੀ ਕਰ ਕੇ ਗੁਰਪ੍ਰੀਤ ਸਿੰਘ ਪਲਹੇੜੀ ਨੂੰ ਲੋਕ ਸਭਾ ਹਲਕਾ ਗੁਰਦਾਸਪੁਰ ਲਈ ਆਪਣਾ ਨੁਮਾਇੰਦਾ ਨਿਯੁਕਤ ਕੀਤਾ ਗਿਆ ਸੀ ਜਿਸ ਤੋਂ ਬਾਅਦ ਸੰਨੀ ਦਿਓਲ ਲਈ ਇੱਕ ਨਵਾਂ ਵਿਵਾਦ ਖੜ੍ਹਾ ਹੋ ਗਿਆ ਸੀ। ਜਿਸ 'ਤੇ ਸੰਨੀ ਦਿਓਲ ਦੇ ਪਿਓ ਧਰਮਿੰਦਰ ਦਿਓਲ ਨੇ ਸਵੇਰੇ ਟਵੀਟ ਰਾਹੀ ਆਪਣੇ ਪੁੱਤਰ ਸੰਨੀ ਦਿਉਲ ਨੂੰ ਆਮ ਆਦਮੀ ਪਾਰਟੀ ਦੇ ਐੱਮ ਪੀ ਭਗਵੰਤ ਮਾਨ ਤੋਂ ਕੁੱਝ ਸਿੱਖਣ ਦੀ ਸਲਾਹ ਦਿੱਤੀ। ਧਰਮਿੰਦਰ ਦਿਓਲ ਨੇ ਭਗਵੰਤ ਮਾਨ ਨੂੰ ਆਪਣ ਪੁੱਤ ਵਾਂਗ ਦੱਸਿਆ। ਧਰਮਿੰਦਰ ਨੇ ਆਪਣੇ ਟਵੀਟ ਵਿੱਚ ਭਗਵੰਤ ਮਾਨ ਦੀ ਭਾਰਤ ਮਾਤਾ ਦੀ ਸੇਵਾ ਕਰਨ ਲਈ ਦਿੱਤੀ ਕੁਰਬਾਨੀ ਦੀ ਪ੍ਰਸ਼ੰਸਾ ਵੀ ਕੀਤੀ ਅਤੇ ਉਨ੍ਹਾਂ ਨੇ ਭਗਵੰਤ ਮਾਨ ਨੂੰ ਆਸ਼ੀਰਵਾਦ ਦਿੰਦੇ ਹੋਏ ਕਿਹਾ ਕਿ ਉਸ ਨੂੰ ਭਗਵੰਤ ਮਾਨ 'ਤੇ ਪੂਰਾ ਮਾਣ ਹੈ। ਹਲਾਂਕਿ ਬਾਅਦ 'ਚ ਧਰਮਿੰਦਰ ਦਿਉਲ ਵੱਲੋਂ ਇਸ ਟਵੀਟ ਨੂੰ ਆਪਣੇ ਟਵਿਟਰ ਅਕਾਊਂਟ ਤੋਂ ਹਟਾ ਦਿੱਤਾ ਗਿਆ।
