ਹਠੂਰ,20,ਫਰਵਰੀ-(ਕੌਸਲ ਮੱਲ੍ਹਾ)-ਵਿਧਾਨ ਸਭਾ ਹਲਕਾ ਜਗਰਾਓ ਦੀ ਸਭ ਤੋ ਵੱਡੀ ਉਮਰ ਦੀ ਬੇਬੇ ਭਗਵਾਨ ਕੌਰ (109)ਪਿੰਡ ਮੱਲ੍ਹਾ ਨੇ ਬੂਥ ਨੰਬਰ 174 ਵਿਚ ਆਪਣੀ ਵੋਟ ਪਾਈ ਅਤੇ ਚੋਣ ਅਧਿਕਾਰੀਆਂ ਨੇ ਬੇਬੇ ਭਗਵਾਨ ਕੌਰ ਨੂੰ ਪ੍ਰਸ਼ੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ।ਇਸ ਮੌਕੇ ਗੱਲਬਾਤ ਕਰਦਿਆਂ ਬੇਬੇ ਭਗਵਾਨ ਕੌਰ ਦੇ ਪੁੱਤਰ ਮੇਜਰ ਸਿੰਘ ਅਤੇ ਪੋਤਰੇ ਸੰਤੋਖ ਸਿੰਘ ਸੋਖਾ ਮੱਲ੍ਹਾ ਨੇ ਦੱਸਿਆ ਕਿ ਬੇਬੇ ਇਸ ਤੋਂ ਪਹਿਲਾਂ 100 ਵਾਰ ਆਪਣੀ ਵੋਟ ਪਾ ਚੁੱਕੀ ਹੈ ਅਤੇ ਅੱਜ 101 ਵਾਰ ਐਸ ਡੀ ਐਮ ਦਫਤਰ ਜਗਰਾਓਂ ਦੀ ਟੀਮ ਖੁਦ ਬੇਬੇ ਨੂੰ ਘਰ ਤੋਂ ਵੋਟ ਪਾਉਣ ਲਈ ਪੋਲੰਿਗ ਸਟੇਸ਼ਨ ਤੇ ਲੈ ਕੇ ਗਈ ਅਤੇ ਘਰ ਵੀ ਛੱਡ ਕੇ ਗਈ ਹੈ।ਇਸ ਮੌਕੇ ਜਦੋ ਪੱਤਰਕਾਰਾਂ ਨੇ ਬੇਬੇ ਦੀ ਵੱਡੀ ਉਮਰ ਦਾ ਰਾਜ ਜਾਣਿਆ ਤਾਂ ਪਰਿਵਾਰਕ ਮੈਬਰਾਂ ਨੇ ਦੱਸਿਆ ਕਿ ਬੇਬੇ ਆਉਲੇ ਦਾ ਮੁਰੱਬਾ,ਘਰ ਦੀ ਬਣੀ ਪੰਜੀਰੀ,ਦੋ ਟਾਇਮ ਸਾਦੀ ਰੋਟੀ ਖਾਂਦੀ ਹੈ,ਦੁੱਧ,ਦਹੀਂ,ਲੱਸੀ ਦੀ ਬਹੁਤ ਸੁਕੀਨ ਹੈ ਅਤੇ ਸੁੱਧ ਵੈਸਨੂੰ ਹੈ,ਉਨ੍ਹਾ ਦੱਸਿਆ ਕਿ ਬੇਬੇ ਰੋਜਾਨਾ ਅੰਮ੍ਰਿਤ ਵੇਲੇ ਸ੍ਰੀ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਣ ਖੁਦ ਜਾਂਦੀ ਹੈ ਅਤੇ ਆਪਣੇ ਸਰੀਰ ਦੀ ਸਫਾਈ ਖੁਦ ਕਰਦੀ ਹੈ।ਇਸ ਮੌਕੇ ਬੇਬੇ ਭਗਵਾਨ ਕੌਰ ਨੇ ਦੱਸਿਆ ਕਿ ਮੇਰੀ ਆਖਰੀ ਇੱਛਾ ਹੈ ਕਿ ਮੈ ਆਪਣੇ ਪੜਪੋਤਰੇ ਅੰਮ੍ਰਿਤਪਾਲ ਸਿੰਘ ਸਰਾਂ ਦਾ ਵਿਆਹ ਆਪਣੇ ਹੱਥੀਂ ਕਰਕੇ ਜਾਵਾਂ।ਅੰਤ ਵਿਚ ਬੇਬੇ ਨੇ ਕਿਹਾ ਕਿ ਪੰਜਾਬ ਵਿਚ ਲੋਕ ਪੱਖੀ ਸਰਕਾਰ ਬਣਾਉਣੀ ਚਾਹਾਦੀ ਹੈ ਜੋ ਗਰੀਬਾ ਬਾਰੇ ਕੁਝ ਸੋਚੇ ਅਤੇ ਬੇਰੁਜਗਾਰੀ ਖਤਮ ਕਰੇ।ਅੰਤ ਵਿਚ ਸਮੂਹ ਪਰਿਵਾਰ ਨੇ ਐਸ ਡੀ ਐਮ ਦਫਤਰ ਜਗਰਾਓਂ ਦੀ ਟੀਮ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਸਰਪੰਚ ਹਰਬੰਸ ਸਿੰਘ ਢਿੱਲੋਂ,ਸੈਕਟਰ ਅਫਸਰ ਰਮਿੰਦਰ ਸਿੰਘ,ਐਫ ਐਸ ਟੀ ਲਖਵੀਰ ਸਿੰਘ,ਏ ਐਸ ਆਈ ਸੁਖਦੇਵ ਸਿੰਘ, ਏ ਐਸ ਆਈ ਦਲਜੀਤ ਸਿੰਘ,ਬੀ ਐਲ ਓ ਸਰਬਜੀਤ ਸਿੰਘ ਮੱਲ੍ਹਾ,ਹੌਲਦਾਰ ਮੇਜਰ ਸਿੰਘ,ਮੇਜਰ ਸਿੰਘ ਸਰਾਂ,ਸੰਤੋਖ ਸਿੰਘ ਸਰਾਂ,ਜੰਗੀਰ ਕੌਰ,ਕਰਮਜੀਤ ਕੌਰ,ਅੰਮ੍ਰਿਤਪਾਲ ਸਿੰਘ ਸਰਾਂ,ਜਗਰਾਜ ਸਿੰਘ ਸਿੱਧੂ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:- ਬੇਬੇ ਭਗਵਾਨ ਕੌਰ ਆਪਣੇ ਪਰਿਵਾਰ ਸਮੇਤ ਗੱਲਬਾਤ ਕਰਦੀ ਹੋਈ
