ਜਗਰਾਓ,ਹਠੂਰ,06,ਫਰਵਰੀ-(ਕੌਸ਼ਲ ਮੱਲ੍ਹਾ)-ਸੀ ਪੀ ਆਈ (ਐਮ)ਦੇ ਜਝਾਰੂ ਆਗੂ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਨਹੀ ਰਹੇ ਅੱਜ ਉਨ੍ਹਾ ਦੀ ਅਰਥੀ ਨੂੰ ਫੁੱਲਾ ਨਾਲ ਸਜਾ ਕੇ ਸਮਸਾਨ ਘਾਟ ਤੱਕ ਲਿਆਦਾ ਗਿਆ।ਇਸ ਮੌਕੇ ਪਾਰਟੀ ਦੇ ਸੂਬਾ ਸਕੱਤਰ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਨੇ ਪਾਰਟੀ ਦਾ ਲਾਲ ਝੰਡਾ ਪਾ ਕੇ ਅੰਤਿਮ ਵਿਦਾਇਗੀ ਦਿੰਦਿਆ ਕਿਹਾ ਕਿ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਸੀ ਪੀ ਆਈ (ਐਮ)ਦੇ ਇੱਕ ਵਫਾਦਾਰ ਅਤੇ ਮਿਹਨਤੀ ਆਗੂ ਸਨ।ਜਿਨ੍ਹਾ ਦੇ ਜਾਣ ਨਾਲ ਜਿਥੇ ਪਰਿਵਾਰ ਨੂੰ ਵੱਡਾ ਘਾਟਾ ਪਿਆ ਹੈ ਉਥੇ ਉਨ੍ਹਾ ਦੇ ਜਾਣ ਨਾਲ ਸੀ ਪੀ ਆਈ (ਐਮ) ਨੂੰ ਵੀ ਇੱਕ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ।ਉਨ੍ਹਾ ਕਿਹਾ ਕਿ ਸੀ ਪੀ ਆਈ (ਐਮ) ਪਾਰਟੀ ਵੱਲੋ ਉਨ੍ਹਾ ਨੂੰ ਹਮੇਸਾ ਅਦਬ ਅਤੇ ਸਤਿਕਾਰ ਨਾਲ ਯਾਦ ਕੀਤਾ ਜਾਵੇਗਾ ਕਿਉਕਿ ਅਜਿਹੇ ਆਗੂ ਸਦੀਆ ਬਾਅਦ ਪੈਦਾ ਹੁੰਦੇ ਹਨ।ਜਿਨ੍ਹਾ ਨੇ ਲੋਕ ਪੱਖੀ ਮੰਗਾ ਨੂੰ ਲੈ ਕੇ ਸਮੇਂ-ਸਮੇਂ ਦੀਆ ਸਰਕਾਰਾ ਖਿਲਾਫ ਵੱਡੇ ਸੰਘਰਸ ਕੀਤੇ ਹੋਣ।ਇਸ ਮੌਕੇ ਉਨ੍ਹਾ ਨਾਲ ਸਕੱਤਰੇਤ ਮੈਬਰ ਸਤਨਾਮ ਸਿੰਘ ਬੜੈਚ,ਜਿਲ੍ਹਾ ਸਕੱਤਰ ਬਲਜੀਤ ਸਿੰਘ ਸਾਹੀ,ਕਾਮਰੇਡ ਰੂਪ ਬਸੰਤ ਬੜੈਚ,ਤਹਿਸੀਲ ਸਕੱਤਰ ਕਾਮਰੇਡ ਗੁਰਦੀਪ ਸਿੰਘ ਕੋਟਉਮਰਾ,ਮੇਹਰ ਸਿੰਘ,ਬਲਬੰਤ ਸਿੰਘ,ਗੁਰਮੀਤ ਸਿੰਘ ਮੀਤਾ, ਗੁਰਮੀਤ ਸਿੰਘ ਮੱਦੇਪੁਰ,ਗੁਰਮੀਤ ਸਿੰਘ ਗੋਸਵਾਲ,ਖੜਕ ਸਿੰਘ,ਮਲਕੀਤ ਸਿੰਘ,ਸਿੰਦਰਪਾਲ ਸਿੰਘ,ਕੇਵਲ ਸਿੰਘ ਦਾਨੇਵਾਲ ਪਰਜੀਆ,ਜੰਗ ਸਿੰਘ,ਅਮਰ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸਨ:- ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਨੂੰ ਅੰਤਿਮ ਵਿਦਾਇਗੀ ਦਿੰਦੇ ਹੋਏ ਆਗੂ।
