ਮੁੱਲਾਂਪੁਰ ਦਾਖਾ,1 ਫਰਬਰੀ( ਜਸਮੇਲ ਗ਼ਾਲਿਬ /ਸਤਵਿੰਦਰ ਸਿੰਘ ਗਿੱਲ ) ਇਕ ਪਾਸੇ ਤਾਂ ਅਕਾਲੀ ਵੋਟਾਂ ਦੀ ਮੰਗ ਕਰ ਰਹੇ ਹਨ ਜਦਕਿ ਇਹ ਭੁੱਲ ਗਏ ਕਿ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਾਵਨ ਅੰਗਾਂ ਦੀ ਬੇਅਦਬੀ ਇਹਨਾ ਦੇ ਰਾਜ ਵਿੱਚ ਹੋਈ ਸੀ ਅਤੇ ਇਹ ਦੋਸ਼ੀਆਂ ਨੂੰ ਫੜਨ ਦੀ ਬਿਜਾਏ ਸਿਆਸਤ ਕਰਦੇ ਰਹੇ ਇਸ ਕਰਕੇ ਇਸ ਵਾਰ ਇਹਨਾ ਗਦਾਰਾਂ ਨੂੰ ਵੋਟ ਨਾ ਪਾਓ ਇਹਨਾ ਸ਼ਬਦਾਂ ਦਾ ਪ੍ਰਗਟਾਵਾ ਕੈਪਟਨ ਸੰਦੀਪ ਸੰਧੂ ਨੇ ਪਿੰਡ ਸਵੱਦੀ ਕਲਾਂ ਚ ਗੁਰਜੀਤ ਸਿੰਘ ਦੇ ਘਰ ਗੱਲਬਾਤ ਕਰਦਿਆਂ ਕੀਤਾ।ਉਹਨਾ ਕਿਹਾ ਕਿ ਕਾਗਰਸ ਪਾਰਟੀ ਨੂੰ ਪੁਰਾਣੇ ਕਾਗਰਸੀ ਵਰਕਰਾਂ ਤੇ ਬਹੁਤ ਵੱਡਾ ਮਾਣ ਹੈ ਕਿਊਕਿ ਪਾਰਟੀ ਹਮੇਸ਼ਾਂ ਵਰਕਰਾਂ ਦੇ ਆਸਰੇ ਨਾਲ ਹੀ ਜਿੱਤ ਪ੍ਰਾਪਤ ਕਰਦੀ ਹੈ। ਇਸ ਮੌਕੇ ਗੁਰਜੀਤ ਸਿੰਘ ਨੇ ਉਹਨਾ ਨੂੰ ਪੂਰਨ ਭਰੋਸਾ ਦਿੱਤਾ ਕਿ ਇਸ ਵਾਰ ਉਹ ਆਪਣੀਆਂ ਸਾਰੀਆਂ ਵੋਟਾਂ ਕਾਗਰਸ ਪਾਰਟੀ ਨੂੰ ਪਾਉਣਗੇ ਤਾਂ ਜੌ ਹਲਕੇ ਦਾਖੇ ਵਿਚ ਜਿਥੇ ਕੈਪਟਨ ਸੰਧੂ ਐੱਮ ਐੱਲ ਏ ਬਣਨ ਉਥੇ ਪੰਜਾਬ ਵਿੱਚ ਵੀ ਕਾਗਰਸ ਪਾਰਟੀ ਦੀ ਸਰਕਾਰ ਬਣ ਸਕੇ। ਉਹਨਾ ਦੇ ਨਾਲ ਪੰਚ ਰਵਿੰਦਰ ਸਿੰਘ ਪੰਚ ਜਸਵਿੰਦਰ ਸਿੰਘ ਮਿੰਨਾ ਅਤੇ ਪੰਚ ਜਗਦੇਵ ਸਿੰਘ ਤੂਰ ਮੌਕੇ ਤੇ ਪੁੱਜੇ ਸਨ ਜਿਨ੍ਹਾਂ ਨੇ ਕੈਪਟਨ ਸੰਧੂ ਨੂੰ ਪੂਰਨ ਭਰੋਸਾ ਦਿੱਤਾ ਕਿ ਇਸ ਵਾਰ ਅਕਾਲੀ ਉਮੀਦਵਾਰ ਨੂੰ ਇਸ ਪਿੰਡ ਚੋ ਹਾਰ ਦਾ ਸਾਹਮਣਾ ਕਰਨਾ ਪਵੇਗਾ।ਯਾਦ ਰਹੇ ਕਿ ਗੁਰਜੀਤ ਸਿੰਘ ਦਾ ਪਿੰਡ ਵਿੱਚ ਬਹੁਤ ਵਧੀਆ ਅਸਰ ਰਸੂਖ ਹੈ ਜਿਸ ਕਰਕੇ ਕਾਫੀ ਵੋਟ ਨੂੰ ਉਹ ਪ੍ਰਭਾਵਿਤ ਕਰਦੇ ਹਨ। ਇਸ ਤੋਂ ਬਿਨਾਂ ਗੁਰਜੀਤ ਸਿੰਘ ਆੜ੍ਹਤੀ ਵੀ ਹਨ ਜਿਸ ਕਰਕੇ ਉਹਨਾ ਦੀ ਪਿੰਡ ਵਿੱਚ ਹੀ ਨਹੀਂ ਬਲਕਿ ਇਲਾਕੇ ਭਰ ਵਿਚ ਬਹੁਤ ਵਧੀਆ ਪਕੜ ਹੈ। ਇਸ ਮੌਕੇ ਗੁਰਜੀਤ ਸਿੰਘ ਨੇ ਕੈਪਟਨ ਸੰਧੂ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਅਤੇ ਉਹਨਾ ਨੂੰ ਯਕੀਨ ਦਿੱਤਾ ਕਿ ਨਤੀਜੇ ਕਾਗਰਸ ਦੇ ਹੱਕ ਵਿੱਚ ਆਉਣਗੇ।ਇਸ ਮੌਕੇ ਵੱਡੀ ਗਿਣਤੀ ਪਿੰਡ ਵਾਸੀ ਹਾਜਰ ਸਨ।
