ਜਗਰਾਉਂ (ਅਮਿਤ ਖੰਨਾ )ਸਵਾਮੀ ਰੂਪ ਚੰਦ ਜੈਨ ਸਕੂਲ ਵਿੱਚ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਕ੍ਰਿਸਮਿਸ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ ।ਸਾਰੇ ਸਕੂਲ ਵਿੱਚ ਲਾਲ ਅਤੇ ਚਿੱਟੇ ਰੰਗ ਦੇ ਬੈਲੂਨਜ਼ ਨਾਲ ਖਾਸ ਤੌਰ ਤੇ ਡੈਕੋਰੇਸ਼ਨ ਕਰਵਾਈ ਗਈ ।ਸਾਰੇ ਅਧਿਆਪਕ ਅਤੇ ਬੱਚੇ ਲਾਲ ਰੰਗ ਦੇ ਸੁੰਦਰ ਪਹਿਰਾਵਿਆਂ ਵਿੱਚ ਕ੍ਰਿਸਮਸ ਦੇ ਰੰਗਾਰੰਗ ਸਮਾਗਮ ਵਿਚ ਸ਼ਾਮਲ ਹੋਏ।ਸਾਂਤਾ ਕਲੌਜ਼ ਬਣੇ ਹੋਏ ਬੱਚੇ ਪ੍ਰਭੂ ਯਿਸੂ ਮਸੀਹ ਦਾ ਹੀ ਰੂਪ ਨਜ਼ਰ ਆ ਰਹੇ ਸਨ ।ਫੰਕਸ਼ਨ ਦੀ ਸ਼ੁਰੂਅਾਤ ਵਿੱਚ ਬੱਚਿਆਂ ਵੱਲੋਂ ਪ੍ਰਭੂ ਯਿਸ਼ੂ ਮਸੀਹ ਦੇ ਜਨਮ ਨਾਲ ਸਬੰਧਤਸੁੰਦਰ ਝਾਕੀਆਂ ਪੇਸ਼ ਕੀਤੀਆਂ ਗਈਆਂ ।ਇਸ ਤੋਂ ਬਾਅਦ ਪ੍ਰਭੂ ਯਿਸ਼ੂ ਦੇ ਗੁਣ ਗਾਣ ਨਾਲ ਸਬੰਧਿਤ ਕਵਿਤਾਵਾਂ ,ਸਮੂਹ ਗੀਤ ਅਤੇ ਫੈਂਸੀ ਡਰੈੱਸ ਪਰਫਾਰਮੈਂਸ ਵੀ ਦਿੱਤੀਆ ਗਈਆ ।ਪ੍ਰਿੰਸੀਪਲ ਰਾਜਪਾਲ ਕੌਰ ਸਮੂਹ ਅਧਿਆਪਕਾਂ ਅਤੇ ਬੱਚਿਆਂ ਨੂੰ ਕ੍ਰਿਸਮਸ ਦੀਆਂ ਵਧਾਈਆਂ ਦਿੱਤੀਆਂ ਅਤੇ ਪ੍ਰਭੂ ਯਿਸ਼ੂ ਦੇ ਦਿਖਾਏ ਸੱਚੇ ਮਾਰਗ ਤੇ ਚੱਲਣ ਦੀ ਪ੍ਰੇਰਨਾ ਦਿੱਤੀ ।ਪ੍ਰੋਗਰਾਮ ਦੇ ਅੰਤ ਵਿਚ ਬੱਚਿਆਂ ਨੂੰ ਚਾਕਲੇਟ ਵੰਡ ਕੇ ਉਨ੍ਹਾਂ ਦਾ ਮੂੰਹ ਮਿੱਠਾ ਕਰਵਾਇਆ ਗਿਆ ।
