ਬਰਨਾਲਾ/ ਮਹਿਲ ਕਲਾਂ - 12 ਸਤੰਬਰ- (ਗੁਰਸੇਵਕ ਸੋਹੀ)- ਲੋਕ ਭਲਾਈ ਵੈਲਫੇਅਰ ਸੁਸਾਇਟੀ ਮਹਿਲ ਕਲਾਂ ਦੇ ਸੀਨੀਅਰ ਮੈਂਬਰ ਰੰਮੀ ਸੋਢੇ ਨੇ ਅੱਜ ਪਿੰਡ ਸਹਿਜੜਾ ਦੇ ਜਗਜੀਤ ਸਿੰਘ ਦਾ ਪਰਸ ਵਾਪਸ ਕੀਤਾ। ਉਹਨਾਂ ਦੱਸਿਆ ਕਿ ਰੋਜਾਨਾ ਦੀ ਤਰ੍ਹਾਂ ਉਹ ਅਪਣੀ ਦੁਕਾਨ ਤੋਂ ਦੁਪਹਿਰ ਦਾ ਖਾਣਾ ਖਾਣ ਘਰੇ ਜਾ ਰਹੇ ਸਨ। ਰਸਤੇ ਵਿੱਚ ਉਹਨਾਂ ਨੂੰ ਇੱਕ ਪਰਸ ਸੜਕ ਉੱਥੇ ਪਿਆ ਮਿਲਿਆ, ਉਸ ਨੂੰ ਚੁੱਕ ਕੇ ਜਦ ਉਸ ਵਿੱਚ ਅਧਾਰ ਕਾਰਡ ਵੇਖਿਆ ਤਾਂ ਜਗਜੀਤ ਸਿੰਘ ਵਾਸੀ ਸਹਿਜੜਾ ਦਾ ਸੀ। ਉਹਨਾਂ ਨੇ ਜਗਜੀਤ ਸਿੰਘ ਸਹਿਜੜਾ ਨਾਲ ਸਪੰਰਕ ਕਰਕੇ, ਉਹਨਾਂ ਦਾ ਪਰਸ ਵਾਪਸ ਕਰ ਦਿੱਤਾ। ਜਗਜੀਤ ਸਿੰਘ ਨੇ ਕਿਹਾ ਕਿ ਉਹ ਮਹਿਲ ਕਲਾਂ ਘਰੇਲੂ ਸਮਾਨ ਲੈਣ ਆਏ ਸੀ। ਪਰ ਪਤਾ ਨਹੀਂ ਲੱਗਿਆ ਕਿ ਉਹਨਾਂ ਦਾ ਪਰਸ ਕਿਵੇਂ ਡਿੱਗ ਪਿਆ। ਉਸ ਵਿੱਚ ਉਹਨਾਂ ਦੇ ਅਧਾਰ ਕਾਰਡ, ਡਰਾਈਵਿੰਗ ਲਾਇਸੰਸ, ਏ ਟੀ ਐੱਮ ਅਤੇ ਨਗਦੀ ਵੀ ਸੀ । ਜਗਜੀਤ ਸਿੰਘ ਸਹਿਜੜਾ ਨੇ ਰੰਮੀ ਸੋਢੇ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਸਾਡੇ ਸਮਾਜ ਵਿਚ "ਇਮਾਨਦਾਰੀ ਅਜੇ ਵੀ ਜ਼ਿੰਦਾ ਹੈ",ਜਿਸ ਦਾ ਸਬੂਤ ਵੱਡੇ ਵੀਰ ਰੰਮੀ ਸੋਢੇ ਨੇ ਮੇਰਾ ਪਰਸ ਵਾਪਸ ਕਰਕੇ ਦਿੱਤਾ ਹੈ। ਸਾਡੇ ਸਮਾਜ ਵਿੱਚ ਚੰਗੇ ਨੌਜਵਾਨ ਵੀ ਹਨ ।ਜੋ ਕਿ ਨਸ਼ਿਆਂ ਤੋਂ ਦੂਰ ਆਪਣੇ ਮਾਤਾ ਪਿਤਾ ਦਾ, ਆਪਣੇ ਸਮਾਜ ਦਾ ,ਆਪਣੇ ਇਲਾਕੇ ਦਾ ਨਾਂ ਰੌਸ਼ਨ ਕਰ ਰਹੇ ਹਨ।
